ରହସ୍ୟରୁ ଉଠିଲା ପରଦା ! ସାମ୍ମାକୁ ଆସିଲେ ପାର୍ଲେ-ଜି ଗାର୍ଲ ।
ପିଲାବେଳେ ସକାଳ ସ୍କୁଲ ଯିବା ସମୟରେ ମା’ ଟିଫିନରେ କିଛି ବିସ୍କୁଟ ଏବଂ ଅନ୍ୟ କିଛି ଖାଦ୍ୟ ସାମଗ୍ରୀ ପ୍ୟାକ୍ କରିଦେଉଥିଲେ । ମନେ ତ ଥିବ । ସେତେବେଳେ କେଉଁ ବିସ୍କୁଟ ଅଧିକ ପସନ୍ଦ କହିଲେ ପାଟିରୁ ଆପେ ବାହାରି ପଡୁଥିଲା ପାର୍ଲେ-ଜି । ତେବେ ଏ ପର୍ଯ୍ୟନ୍ତ ପାର୍ଲେ-ଜି ବିସ୍କୁଟର ଚାହିଦା ପୂର୍ବପରି ବଳବତ୍ତର ରହିଛି । ୨୦୧୧ ମସିହାରେ ଏକ ସର୍ଭେ ମୁତାବକ ଦୁନିଆର ସବୁଠାରୁ ଅଧିକ ବିକ୍ରି ହେଉଥିବା ବିସ୍କୁଟ ମଧ୍ୟରେ ପାର୍ଲେ-ଜି ହେଉଛି ସର୍ବାଗ୍ରେ ।
Kanak News is now on WhatsApp
Join and get latest news updates delivered to you via WhatsApp
ଏହି ବିସ୍କୁଟଠାରୁ ଅଧିକ ନିଜର ଲାଗୁଥିଲା ବିସ୍କୁଟର କଭର ପ୍ୟାକରେ ଥିବା ସେହି ଛୋଟ ଝିଅଟି ଏବଂ ତା’ଠାରୁ ଅଧିକ ପ୍ରଶ୍ନ ଉଙ୍କି ମାରୁଥିଲା ଏହି ଝିଅଟି କିଏ ଏବଂ ଏବେ କେଉଁଠି ରହୁଛି । ତେବେ ଆଜି ଆମେ ଆପଣଙ୍କ ଏହି ପ୍ରଶ୍ନର ଉତ୍ତର ଦେବାକୁ ଯାଉଛୁ ।
ମୁମ୍ବାଇର ବିଲେ ପାର୍ଲେରେ ରହୁଥିବା ଚୌହାନ ପରିବାର ୧୯୨୯ ମସିହାରେ ପାର୍ଲେ ନାମକ ଏକ କମ୍ପାନୀ ପ୍ରସ୍ତୁତ କରିଥିଲେ । ପ୍ରଥମେ ଏହି ବିସ୍କୁଟର କଭରରେ ଥିବା ଛୋଟ ଝିଅଟିକୁ ନେଇ ବିଭିନ୍ନ କଣ୍ଟ୍ରୋଭର୍ସି ଦେଖାଦେଇଥିଲା । କିନ୍ତୁ ପରମୁହୂର୍ତ୍ତରେ ନୀରୁ ଦେଶପାଣ୍ଡେ ନାମକ ମହିଳାଙ୍କୁ ପାର୍ଲେ ଗାର୍ଲ ନାମରେ ନାମିତ କରାଗଲା । ନୀରୁ ଏ ନେଇ ପଚରାଯିବାରୁ ସେ କହିଥିଲେ ଯେ ସେ ଯେତେବେଳେ ସାଢେ ୪ ବର୍ଷର ଥିଲେ ତାଙ୍କ ବାପା ଏହି ଫଟୋ ଉଠାଇଥିଲେ । ସେତେବେଳେ ଯେ କେହିବି ଏହି ଫଟୋକୁ ଦେଖୁଥିଲେ ପ୍ରଶଂସା କରୁଥିଲେ । ଧିରେ ଧିରେ ଫଟୋଟି ଏତେ ପପୁଲାର ହୋଇଗଲା ଯେ ପାର୍ଲେ କମ୍ପାନୀର ଫିଚର ଫଟୋରେ ଫଟୋଟିକୁ ସ୍ଥାନ ଦିଆଯାଇଥିଲା । ବର୍ତ୍ତମାନ ସେହି ଛୋଟ ଝିଅଟି ଏବେ ୬୨ ବର୍ଷୀୟା ଜଣେ ମହିଳା ହୋଇଯାଇଛନ୍ତି ।