ଟିକେଟ ବଣ୍ଟାକୁ ନେଇ କଂଗ୍ରେସରେ କଳି ! ୨୫ ଜଣ ବିଧାୟକଙ୍କ ସହ କବାଟ କିଳା ଆଲୋଚନା, ଜାଣନ୍ତୁ କାହାକୁ ମିଳିବ କଂଗ୍ରେସ ଟିକେଟ
କନକ ବ୍ୟୁରୋ : ୨୦୧୯ ନିର୍ବାଚନ ପାଇଁ ଆଜି ପ୍ରଦେଶ କଂଗ୍ରେସ ନିର୍ବାଚନ କମିଟିର ଶେଷ ବୈଠକ ହୋଇଛି । ଗତ ନିର୍ବାଚନରେ ୧୫ ହଜାରରୁ କମ୍ ଭୋଟରେ ପରାଜିତ ହୋଇଥିବା ବିଧାୟକ ପ୍ରାର୍ଥୀଙ୍କ ସହ ୱାନ ଟୁ ୱାନ ଆଲୋଚନା କରିଛନ୍ତି ରାଜ୍ୟ ପ୍ରଭାରୀ । ନିର୍ବାଚନରେ ହାରିଥିଲେ ମଧ୍ୟ ସଂଗଠନ ଦୃଢ ଥିଲେ ଟିକେଟ୍ ମିଳିପାରିବ ବୋଲି ପିସିସି କହିଛି । ତେବେ ଗୋଟିଏ ପଟେ କଂଗ୍ରେସ ଆଗୁଆ ଟିକେଟ୍ ଦେବାକୁ ଘୋଷଣା କରିଥିବା ବେଳେ ଅନ୍ୟପଟେ
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ପ୍ରଦେଶ କଂଗ୍ରେସ ନିର୍ବାଚନ କମିଟିର ଗୁରୁତ୍ୱପୂଣ୍ଣ ବୈଠକ ଅନ୍ୟପଟେ ଟିକେଟ୍ ଆଶାୟୀଙ୍କ ମଧ୍ୟରେ ରେସ୍ । କିଏ ପାଇବ ୨୦୧୯ ଟିକେଟ୍ । ପ୍ରାର୍ଥୀଙ୍କ ମଧ୍ୟରେ ଆରମ୍ଭ ହେଲାଣି ବଳ କଷାକଷି । ଆଗାମୀ ନିର୍ବାଚନରେ ପୁଣିଥରେ ପାରଳାଖେମୁଣ୍ଡିରୁ ଲଢିବାକୁ ଅଂଟା ଭିଡିଛନ୍ତି ବର୍ତମାନର ବିଧାୟକ କେ. ସୁରିୟା ରାଓ । ଅନ୍ୟପଟେ ସେହି ସମାନ ସ୍ଥାନରୁ ଏଥର ନିର୍ବାଚନ ଲଢିବେ ବୋଲି କହିଛନ୍ତି ତିରୁପତି ପାଣିଗ୍ରାହୀ ।
୨୦୧୯ ପାଇଁ ପ୍ରଦେଶ କଂଗ୍ରେସ ନିର୍ବାଚନ କମିଟିର ଶେଷ ବୈଠକ । ୧୫ ହଜାରରୁ କମ୍ ଭୋଟରେ ହାରିଥିବା ୨୫ ଜଣ ବିଧାୟକ ପ୍ରାର୍ଥୀଙ୍କ ସହ ୱାନ ଟୁ ୱାନ ଆଲୋଚନା କରିଛନ୍ତି ପିସିସି ସଭାପତି ଓ ପ୍ରଭାରୀ । ସାଙ୍ଗରେ ଥିଲେ କାର୍ଯ୍ୟକାରୀ ସଭାପତି । ଗତଥର ପରାଜୟ ପଛର କାରଣ କଣ? କେତେ ଭୋଟରେ ପ୍ରାର୍ଥୀ ହାରିଥିଲେ ଏବଂ ହାରିବା ପ୍ରାର୍ଥୀଙ୍କ ସଂଗଠନ ଏବେ କେମିତି ରହିଛି? ଆଶାୟୀ ପ୍ରାର୍ଥୀଙ୍କ ଏସବୁ ପ୍ରସଙ୍ଗକୁ ଗୁରୁତ୍ୱ ଦେଉଛି ପିସିସି । ବର୍ତମାନ ବିଧାୟକ ଥିବା ସମସ୍ତ ନେତାଙ୍କୁ ପୁଣିଥରେ ଟିକେଟ୍ ଦିଆଯିବ ବୋଲି ସଫା ସଫା କହିସାରିଛନ୍ତି ପିସିସି ସଭାପତି । ଏହାରି ଭିତରେ ଟିକେଟ୍ ଆଶାୟୀଙ୍କ ମଧ୍ୟରେ ଏବେଠୁ ଅସନ୍ତୋଷ ଦେଖାଦେଲାଣି । ଯାହା କଂଗ୍ରେସ ପାଇଁ ଅଡୁଆ ସୃଷ୍ଟି କରିବା ସମ୍ଭାବନା ରହିଛି ।