ବଡ଼ନଗରରେ ଯେଉଁ ଦୋକାନରେ ଚା’ ବିକ୍ରିି କରୁଥିଲେ ପ୍ରଧାନମନ୍ତ୍ରୀ ମୋଦି, ଏବେ ତାହା ପର୍ଯ୍ୟଟନ ସ୍ଥଳରେ ପରିଣତ ହେବ

1

ଗୁଜୁରାଟର ବଡ଼ନଗରରେ ଯେଉଁ ଚା’ ଦୋକାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜର ପିଲାବେଳେ ଚା’ ବିକ୍ରି କରୁଥିଲେ, ତାକୁ କେନ୍ଦ୍ର ସରକାର ଏକ ନୂଆ ରୂପ ଦେବା ପାଇଁ ନିଷ୍ପତି ନେଇଛନ୍ତି । ବଡ଼ନଗର ରେଳଷ୍ଟେସନର ଏକ ପ୍ଲାଟଫର୍ମରେ ଅଛି, ଯେଉଁଠି ସେହି ଚା’ ଦୋକନ ଅଛି । ଗୁଜୁରାଟର ମେହସାଣା ଜିଲ୍ଲା ସ୍ଥିତ ମୋଦିଙ୍କ ଜନ୍ମ ସ୍ଥାନ ବଡ଼ନଗରକୁ ଦୁନିଆର ନଜରକୁ ଆଣିବା ପାଇଁ ବ୍ୟାପକ ଯୋଜନା ଅନୁସାରେ ଏହି ଦୋକାନକୁ ପର୍ଯ୍ୟଟନ କେନ୍ଦ୍ରରେ ପରିଣତ କରିବା ପାଇଁ ଯୋଜନା କରାଯାଉଛି ।

ସଂସ୍କୃତି ପର୍ଯ୍ୟଟନ ମନ୍ତ୍ରାଳୟ ଓ ଭାରତୀୟ ପୁରାତତ୍ୱ ସର୍ବେକ୍ଷଣ(ଏଏସଆଇ)ର ଅଧିକାରୀମାନେ ଏହି ସହରକୁ ବୁଲି ଦେଖିଥିଲେ । ଅଧକାରୀଙ୍କ ଏହି ଦଳର ନେତୃତ୍ୱ ନେଇଥିଲେ କେନ୍ଦ୍ର ସଂସ୍କୃତି ମନ୍ତ୍ରୀ ମହେଶ ଶର୍ମା । ପରେ ସେ ଘୋଷଣା କରିଥିଲେ କି ଏହାକୁ ଆଧୁନିକ ସ୍ୱରୂପ ଦେଇ ଏହାର ମୂଲ୍ୟ ଓ ସୌନ୍ଦର୍ୟ୍ୟର ସଂରକ୍ଷଣ କରାଯିବ ।

ଶର୍ମା ଗାନ୍ଧୀନଗରର ସମ୍ବାଦଦାତାଙ୍କୁ କହିଛନ୍ତି ଆମ ପ୍ରଧାନମନ୍ତ୍ରୀଙ୍କ ଜନ୍ମସ୍ଥଳୀ ବଡ଼ନଗର ଏକ ମହତ୍ୱପୂର୍ଣ ଐତିହାସିକ କେନ୍ଦ୍ର, ଯେଉଁଠି ପ୍ରସିଦ୍ଧ ଶର୍ମିଷ୍ଠା ହ୍ରଦ ରହିଛିି । ଏଏସଆଇକୁ ନିକଟରେ ଖନନ କରିବା ସମୟରେ ସେଠାରେ ଏକ ବୌ÷ଦ୍ଧ ମଠର ଅବଶେଷ ମିଳିଥିଲା । ଖନନ କାର୍ଯ୍ୟ ଏବେ ବି ଜାରି ରହିଛି । ୨୦୧୪ ଲୋକସଭା ନିର୍ବାଚନ ପୂର୍ବରୁ ମୋଦି ରାଲିରେ ସବୁବେଳେ କହୁଥିଲେ କି ସେ ତାଙ୍କ ପିଲାଦିନେ ରେଳଷ୍ଟେସନରେ ନିଜ ପିତାଙ୍କ ସହ ଚା’ ବିକ୍ରି କରୁଥିଲେ ।

କେନ୍ଦ୍ର ସଂସ୍କୃତି ମନ୍ତ୍ରୀ ଶ୍ରୀ ଶର୍ମା କହିଛନ୍ତି, ବଡ଼ନଗର ରେଳଷ୍ଟେସନରେ ଏକ ଚୋଟ ଚା’ ଦୋକନା ଅଛି, ଯେଉଁଠି ପ୍ରଧାନମନ୍ତ୍ରୀ ନିଜର ଜୀବନ ଯାତ୍ରା ଆରମ୍ଭ କରିଥିଲେ । ଆମେ ସେଇ ଚା’ ଦୋକାନକୁ ପର୍ଯ୍ୟଟନ ସ୍ଥଳରେ ବିକଶିତ କରିବା ପାଇଁ ଚାହୁଁଛୁ । ଏହି ଚା’ ଦୋକାନକୁ ଆଧୁନିକ ସ୍ୱରୂପ ଦେବା ସହ ଏହାର ମୂଳ ସୌନ୍ଦର୍ଯ୍ୟକୁ ମଧ୍ୟ ସଂରକ୍ଷିତ ରଖାଯାଇ ଏହାକୁ ବିକଶିତ କରାଯିବ । ଏହାସହ ସେ କହିଛନ୍ତି ଆମର ଉଦେଶ୍ୟ ହେଲା ବଡ଼ନଗର ପର୍ଯ୍ୟଟନ ମାନଚିତ୍ରରେ ଆସୁ ।

Comments are closed.