ଋଷି କପୁରଙ୍କ ଠାରୁ ଆମୀର୍ ଖାନ୍ ଯାଏ ଏହି ନିର୍ଦ୍ଦେଶକଙ୍କୁ ଦେଇନଥିଲେ ସମୟ : ଗୋବିନ୍ଦା କିନ୍ତୁ କରିଥିଲେ ସାହାଯ୍ୟ !
ବି-ଟାଉନର ଖୁସି ମିଜାଜ୍ ଏବଂ ଡାନ୍ସିଂ ନାୟକଙ୍କ ମଧ୍ୟରେ ଗୋବିନ୍ଦା ଜଣେ । ଦର୍ଶକେ ଗୋବିନ୍ଦାଙ୍କୁ ଫିଲ୍ମରେ ହସିବା ଏବଂ ହସାଇବାର ଦେଖିଥାନ୍ତି । ଗୋବିନ୍ଦାଙ୍କ ବିଷୟରେ ଯେବେ ବି କଥା ଉଠେ ସେତେବେଳେ ‘ଛୋଟେ ମିୟାଁ- ବଡେ ମିୟାଁ’ , ‘ଭାଗମ ଭାଗ’ ପରି ଅନେକ ଫିଲ୍ମ କଥା ମନେପଡେ ଯେଉଁଥିରେ ସେ ଲୋକଙ୍କୁ ନିଜ କମେଡିରେ ଖୁବ ହସାଇଛନ୍ତି । ସେହିପରି ତାଙ୍କ ଡ୍ୟାନସକୁ ଆଜି ବି ଲୋକ ପ୍ରସଂଶା କରନ୍ତି । ଆଜି ଆପଣଙ୍କୁ ଗୋବିନ୍ଦାଙ୍କ ବିଷୟରେ ଏପରି ଏକ ରୋଚକ କାହାଣୀ କହିବାକୁ ଯାଉଛୁ ଯେବେ ଋଷି କପୁର, ଜ୍ୟାକି ଶ୍ରଫଙ୍କ ପରି ଅନେକ ଅଭିନେତା ଜଣେ ନିର୍ଦ୍ଦେଶକଙ୍କୁ ସାହାଯ୍ୟ କରିନଥିଲେ ସେତେବେଳେ ଗୋବିନ୍ଦା ତାଙ୍କୁ ସାହାଯ୍ୟର ହାତ ବଢାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଏହା ୧୯୮୮ ମସିହାର ବିଷୟ ଯେତେବେଳେ ନୌଶାଦ ଅଲ୍ଲୀ ନିଜ ପୁଅ ରହମାନଙ୍କୁ ନିର୍ଦ୍ଦେଶକ ଭାବେ ଲଂଚ କରିବା ପାଇଁ ଚାହୁଁଥିଲେ । ନୌଶାଦ ଅଲ୍ଲୀ ହିନ୍ଦୀ ସିନେମା ଜଗତର ପ୍ରସିଦ୍ଧ ସଙ୍ଗୀତକାର, କଂପୋଜର, ସଙ୍ଗୀତ ନିର୍ଦ୍ଦେଶକ, ଫିଲ୍ମ ପ୍ରଯୋଜକ, ଲେଖକ ଓ କବି ଥିଲେ । ନୌଶାଦ ନିଜ ପୁଅଙ୍କ ଫିଲ୍ମର କାହାଣୀ ମଧ୍ୟ ଲେଖିଥିଲେ । ନୌଶାଦ ଚାହୁଁଥିଲେ ତାଙ୍କ ଫିଲ୍ମର ହିରୋ ଜ୍ୟାକି ଶ୍ରଫ ହୁଅନ୍ତୁ ।
ନୌଶାଦ ଏଥିପାଇଁ ଜ୍ୟାକି ଶ୍ରଫଙ୍କୁ କହିଥିଲେ କିନ୍ତୁ କୌଣସି କାରଣରୁ ସେ ଏହି ଫିଲ୍ମ କରିପାରିଲେନାହିଁ । ଏହାପରେ ସେ ଋଷି କପୁରଙ୍କୁ ସମ୍ପର୍କ କରିଥିଲେ । ଋଷି ଏଥିପାଇଁ ହଁ କରିଥିଲେ ମଧ୍ୟ ପ୍ରସିଦ୍ଧ ନିର୍ଦ୍ଦେଶକ ହରମେଶ ମଲହୋତ୍ରା ନୌଶାଦଙ୍କ ପାଖକୁ ଆସି ତାଙ୍କ ଫିଲ୍ମରେ କାମ କରୁଥିବାରୁ ରୁଷି ୨ ବର୍ଷ ପର୍ଯ୍ୟନ୍ତ ଫ୍ରୀ ନାହାଁନ୍ତି ବୋଲି କହିଥିଲେ । ଏହା ପରେ ଅନିଲଙ୍କୁ ମଧ୍ୟ ଏଥିପାଇଁ ସମ୍ପର୍କ କରାଗଲା କିନ୍ତୁ ଏହା ହୋଇପାରିଲା ନାହିଁ ।
ଏହାପରେ ନୌଶାଦଙ୍କୁ ଜଣେ ଗୋବିନ୍ଦାଙ୍କ ନାମ କହିଥିଲେ । ଅନେକ ଲୋକଙ୍କ ସହ କଥାହେଇ ଅସଫଳ ହେବା ପରେ ନୌଶାଦ ଗୋବିନ୍ଦାଙ୍କ ଘରକୁ ଫୋନ କରିବା ପାଇଁ ପଛଘୁଂଚା ଦେଇଥିଲେ ବି ଫୋନ କରିଥିଲେ । ଘରେ କେହି ନଥିବାରୁ କେହି ଫୋନ ଉଠାଇନଥିଲେ ପରେ ଏକ ଘଂଟା ପରେ ଗୋବିନ୍ଦାଙ୍କ ମା ନିର୍ମଳା ଦେବୀ ନୌଶାଦଙ୍କୁ ଫୋନ କରିଥିଲେ ଏବଂ ନୌଶାଦ ତାଙ୍କୁ ଫିଲ୍ମ ବିଷୟରେ କହିଥିଲେ । ଏହାପରେ ନିର୍ମଳା ଦେବୀ ଗୋବିନ୍ଦାଙ୍କୁ ନେଇ ନୌଶାଦଙ୍କ ପାଖରେ ପହଂଚିଥିଲେ । ଗୋବିନ୍ଦା ତାଙ୍କ ମା’ଙ୍କ ନିଷ୍ପତିକୁ ସମ୍ମାନ ଜଣାଇ ନୌଶାଦଙ୍କର ସାହାଯ୍ୟ କରିଥିଲେ । ଗୋବିନ୍ଦା ଫିଲ୍ମର ସ୍କ୍ରିପ୍ଟ ନପଢି ଫିଲ୍ମ ପାଇଁ ହଁ କରିଥିଲେ । ଏହି ଫିଲ୍ମର ନାମ ଥିଲା ‘ତେରି ପାୟଲ ମେରି ଗୀତ୍’ ଯେଉଁଥିରେ ଗୋବିନ୍ଦାଙ୍କ ବିପକ୍ଷରେ ବଲିଉଡର ଲୋକପ୍ରିୟ ଅଭିନେତ୍ରୀ ମିନାକ୍ଷୀ ଶେସାଦ୍ରୀ ନଜର ଆସିଥିଲେ ।