ହୁସିଆର ! ବିପଦରେ ଅଛି ଆପଣଙ୍କ ହ୍ୱାଟସଆପ୍ ଆକାଉଣ୍ଟ,ଆଧୁନିକ ଟେକନିକରେ ହ୍ୟାକର ଜାଣିପାରୁଛନ୍ତି ଆପଣଙ୍କ ବ୍ୟକ୍ତିଗତ ତଥ୍ୟ,ଜାଣନ୍ତୁ କିପରି ଏଥିରୁ ବଂଚିବେ ।
ଫେସବୁକ୍ ଭଳି ସୋସିଆଲ୍ ପ୍ଲାଟଫର୍ମରେ ଲୋକପ୍ରିୟ ପାଲଟିଥିବା ହ୍ୱାଟସଆପ୍ ପ୍ରଥମରୁ ହିଁ ଫେକ୍ ନ୍ୟୁଜକୁ ନେଇ ବିଭିନ୍ନ ସମସ୍ୟାରେ ଫସିଛି । ଏହି ଫେକ୍ ନ୍ୟୁଜ ଉପରେ ରୋକ ଲଗାଇବା ପାଇଁ ହ୍ୱାଟସଆପ୍ ବିଭିନ୍ନ ଫିଚର୍ସ ବି ଜାରି କରିଥିଲେ । ତେବେ ଏ ଭିତରେ ହ୍ୱାଟସଆପକୁ ନେଇ ଆଉ ଏକ ବଡ ଖବର ସାମ୍ନାକୁ ଆସିଛି । ଇସରାଏଲ୍ ନ୍ୟାସନାଲ୍ ସିକ୍ୟୁରିଟୀ ଅଥୋରିଟି ହ୍ୱାଟସଆପ୍ ର ସୁରକ୍ଷାକୁ ନେଇ ମଧ୍ୟ ଆଲର୍ଟ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅଥୋରିଟି ତରଫରୁ ଏହି ଆଲର୍ଟ ଏକ ରିପୋର୍ଟ ଅନୁଯାୟୀ ଜାରି କରାଯାଇଛି ଯେ ନୂଆ ତରିକାରେ ହ୍ୱାଟସଆପ୍ ଆକାଉଣ୍ଟ କୁ ହ୍ୟାକ୍ କରାଯାଉଛି । ଜେଡିନେଟ୍ ର ରିପୋର୍ଟ ମୁତାବକ ଏକ ମୋବାଇଲ୍ ସେବା ପ୍ରଦାତା ବ୍ୟବହାର କରି ହ୍ୱାଟସଆପ୍ କୁ ହ୍ୟାକ୍ କରାଯାଇପାରିବ । ରିପୋର୍ଟ ଏହା ମଧ୍ୟ କୁହାଯାଇଛି ଯେ ଭଏସ୍ ମେଲ୍ ବ୍ୟବହାର କରୁଥିବା ୟୁଜର୍ସଙ୍କ ହ୍ୱାଟସଆପ୍ ଆକାଉଣ୍ଟ କୁ ହିଁ ହ୍ୟାକ୍ କରାଯିବ । ରିପୋର୍ଟରେ ଲୋକଙ୍କୁ ଚେତେଇ ଦେବାକୁ ଯାଇ କୁହାଯାଇଛି ଯେ ଯେଉଁ ଲୋକଙ୍କ ପାସୱାର୍ଡ ୧୨୩୪ କିମ୍ବା ୦୦୦୦ ଅଛି ସେମାନେ ନିଜ ପାସୱାର୍ଡକୁ ତୁରନ୍ତ ବଦଳାନ୍ତୁ । ତେବେ ଆମେ ଏଠାରେ ଆପଣଙ୍କୁ କହିରଖୁଛୁ ଯେ ଭଏସ୍ ମେଲ୍ ଜରିଆରେ ୟୁଜର୍ସଙ୍କୁ ଭଏସ୍ ମେସେଜ୍ ପଠାଯାଉଛି ।
ହ୍ୟାକ୍ କରିବାର ତରିକା କ’ଣ ?
ଯେତେବେଳେ ଆପଣ ହ୍ୱାଟସଆପ୍ ଇନଷ୍ଟଲ୍ କରନ୍ତି ତେବେ କମ୍ପାନୀ ଭେରିଫିକେସନ୍ ପାଇଁ ମେସେଜ୍ ଜରିଆରେ ଏକ କୋଡ୍ ପଠାଇଥାନ୍ତି । କିନ୍ତୁ ହ୍ୟାକର୍ସଙ୍କ କହିବାନୁସାରେ ଏହି ହ୍ୱାଟସଆପ୍ ଆକାଉଣ୍ଟ ୟୁଜର୍ସଙ୍କ ପାଖରେ ନଥାଏ,ତେଣୁ ଭେରିଫିକେସନ୍ ମେସେଜକୁ ରୋକା ଯାଇପାରିବ ଏବଂ ଏହି ଉପାୟରେ ଅନ୍ୟ ଫୋନରେ ମଧ୍ୟ ଆପଣଙ୍କ ହ୍ୱାଟସଆପ୍ ନମ୍ବର ଚାଲିପାରିବ ।
ସେହିଭଳି ମେସେଜ୍ ହ୍ୱାଟସଆପ୍ ଭଏସ୍ ଅଥୋଣ୍ଟିକେସନ୍ ରେ କଲ୍ କରିଥାଏ । ସେଥିପାଇଁ ହ୍ୱାଟସଆପ୍ ମୋବାଇଲ୍ ନମ୍ବରରେ କଲ୍ କରାଯାଏ ଏବଂ ୱାନ୍ ଟାଇମ୍ ହ୍ୱାଟସଆପ୍ ପାସୱାର୍ଡ ପ୍ରସ୍ତୁତ କରାଯାଏ । ଏଭଳି ସ୍ଥିତିରେ ୟୁଜର୍ ଯଦି ୟୁଜର୍ ଫୋନର ଜବାବ ଦେଇନଥାଏ ତେବେ କୋଡ୍ ଭଏସମେଲ୍ ଆକାଉଣ୍ଟ ରେ ଚାଲିଯାଏ ଏବଂ ଏହି ଭଏସମେଲର ଫାଇଦା ଉଠାଇ ହ୍ୟାକର୍ସ ଆପଣଙ୍କ ହ୍ୱାଟସଆପ୍ ହ୍ୟାକ୍ କରିପାରନ୍ତି । ଏହାର କାରଣ ଅଧିକ ଲୋକଙ୍କ ଫୋନର ଭଏସମେଲ୍ ଆକାଉଣ୍ଟ ର ପିନ୍ ୦୦୦୦ ବା ୧୨୩୪ ରହିଥାଏ ।
ବଂଚିବାର ତରିକା କ’ଣ ?
ଆପଣ ନିଜ ଭଏସମେଲ୍ ପାସୱାର୍ଡକୁ ଚେଞ୍ଜ କରି ହ୍ୟାକିଙ୍ଗ୍ ରୁ ବଞ୍ôଚପାରିବେ । ଏହି ପ୍ରକ୍ରିୟାରେ କେବଳ ହ୍ୱାଟସଆପ୍ ନୁହଁ ଅନ୍ୟ ସୋସିଆଲ୍ ମିଡିଆ ଆପ୍ ବି ହ୍ୟାକ୍ ହେବାର ସମ୍ଭାବନା ଅଛି । ଏମିତିକି ଗୁଗୁଲ,ଟ୍ୱିଟର,ଫେସବୁକ୍ ଏବଂ ଜିମେଲ୍ ମଧ୍ୟ ହ୍ୟାକ୍ କରାଯାଇପାରିବ ।