କୋଭିଡ-୧୯ କ’ଣ ଏବଂ କେମିତି ଜାଣିବେ ଏହାର ସଂକ୍ରମଣର ଲକ୍ଷଣ ?
କନକ ବ୍ୟୁରୋ: ଏହା କରୋନା ଭୂତାଣୁ ପରିବାରର ଏକ ସଦସ୍ୟ । ଯାହା ପୂର୍ବରୁ କେବେ ସାମ୍ନାକୁ ଆସିନଥିଲା । ଅନ୍ୟ କରୋନା ଭୂତାଣୁ ଭଳି ଏହା ପ୍ରାଣୀଙ୍କ ଠାରୁ ମଣିଷ ଦେହକୁ ସଂକ୍ରମିତ ହୋଇଥିବା ଦାବି ହେଉଛି । ବିଶ୍ୱ ସ୍ୱାସ୍ଥ୍ୟ ସଂଗଠନ କୋଭିଡ-୧୯କୁ ମହାମାରୀ ଘୋଷଣା କରିସାରିଛି ।
Kanak News is now on WhatsApp
Join and get latest news updates delivered to you via WhatsApp
ନଭେଲ କରୋନା ସଂକ୍ରମଣର ଲକ୍ଷଣ କ’ଣ?
ବିଶ୍ୱ ସ୍ୱାସ୍ଥ୍ୟ ସଂଗଠନର ସୂଚନା ଅନୁସାରେ କରୋନା ଲକ୍ଷଣ ଗୁଡିକ ହେଉଛି – ଜ୍ୱର, ଥକ୍କା, ଶୁଖିଲା କାଶ । କିଛି ରୋଗୀଙ୍କୁ ନାକରୁ ପାଣି ବାହାରିବା, ଜଗଳାରେ ଦରଜ, ବନ୍ଦ ନାକ ସହ ଦେହ ଘୋଳା ବିନ୍ଧା କରିଥାଏ । କିଛି ରୋଗୀ କରୋନା ସଂକ୍ରମଣ ପରେ ସ୍ୱାଦ ଓ ଗନ୍ଧ ବାରିନପାରିବା ବି ସୂଚନା ଦେଇଛନ୍ତି ।
ଡବ୍ଲୁଏଚଓ ଅନୁସାରେ ପ୍ରତି ୬ ସଂକ୍ରମିତଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ହୋଇଥାଏ । ବୟସ୍କ ବ୍ୟକ୍ତି, ଉଚ୍ଚରକ୍ତଚାପ, ଫୁସଫୁସରେ ସମସ୍ୟା ଥିଲେ କିମ୍ବା ମଧୁମେହ, ପୁରୁଣା ଶ୍ୱାସ ରୋଗରେ ପୀଡିତ ବ୍ୟକ୍ତିଙ୍କ ପାଇଁ କୋଭିଡ-୧୯ ସଂକ୍ରମଣ ଘାତକ ସାବ୍ୟସ୍ତ ହେବା ସମ୍ଭାବନା ଅଧିକ । ସେହିପରି ବ୍ରିଟେନର ନେସଲାନ ହେଲଥ ସାର୍ଭିସ ବା ଏନଏଚଏସ ମଧ୍ୟ କରୋନାର ଲକ୍ଷଣ ନେଇ ସୂଚନା ଦେଇଛି ।
. ଦେହରେ ଉଚ୍ଚତାପମାତ୍ର – ଛାତି ଓ ପିଠିରେ ସ୍ପର୍ଶ କଲେ ଗରମ ଲାଗିବା
. ନିରବଚ୍ଛିନ୍ନ କାଶ ଆରମ୍ଭ ହେଲେ ବା ବାରମ୍ବାର କାଶ ହେବା
କରୋନା ଭାଇରଲ ନିମୋନିଆ ହୋଇଥିବାରୁ ଆଂଟିବାୟୋଟିକ ଖାଇଲେ କୌଣସି ଲାଭ ମିଳିନଥାଏ । ଏହାର କୌଣସି ଔଷଧ ବାହାରିନଥିବାରୁ ସାରା ବିଶ୍ୱ ଏବେ ରୋଗୀ ଶରୀରର ପ୍ରତିରୋଧକ ବଢାଇବା ଚିକିତ୍ସା କରୁଛନ୍ତି ।
ଥଣ୍ଡା ଜ୍ୱର ହେଲେ ଡାକ୍ତରଙ୍କ ପାଖକୁ ଯିବା ଉଚିତ କି ?
ବ୍ରିଟେନର ଜାତୀୟ ସ୍ୱାସ୍ଥ୍ୟ ସେବା ସଂସ୍ଥା ଅନୁସାରେ ଆପଣଙ୍କୁ ଜ୍ୱର ଓ କାଶ ହେଉଥିଲେ ତୁରନ୍ତ ଡାକ୍ତର ପାଖକୁ ନ ଯାଇ ଅତି କମରେ ଏକ ସପ୍ତାହେ ଘରେ ରହିବା ଉଚିତ । ଆପଣଙ୍କ ପରିବାର ଲୋକେ ଆପଣଙ୍କ ସଂସ୍ପର୍ଶରେ ଆସିଥିଲେ, ସେମାନେ ମଧ୍ୟ ୧୪ ଦିନ ଯାଏଁ ଘରେ ରହିବା ଉଚିତ୍ । ଯାହା ଦ୍ୱାରା ଭୂତାଣୁ ସଂକ୍ରମଣ ବ୍ୟାପି ପାରିବ ନାହିଁ । ଏବେ ବିଶ୍ୱର ଅଧିଂକାଶ ଦେଶ କରୋନା ସଂକ୍ରମଣ ରୋକିବାକୁ ଯାତ୍ରା ଉପରେ ପ୍ରତିବନ୍ଧକ ଓ ତାଲାବନ୍ଦ ଘୋଷଣା କରିଛନ୍ତି ।
ବିଶ୍ୱରେ କେତେ ସଂକ୍ରମିତ ହୋଇଛନ୍ତି ?
ବିଶ୍ୱର ୧୮୯ ଦେଶକୁ କରୋନା ଭୂତାଣୁ ବ୍ୟାପିଥିବା ବେଳେ ବର୍ତମାନ ସୁଦ୍ଧା ୬ ଲକ୍ଷରୁ ଅଧିକ ଲୋକ ସଂକ୍ରମିତ ହୋଇସାରିଲେଣି । ସେହିପରି ବିଶ୍ୱସ୍ତରରେ କରୋନା ୨୮ ହଜାର ଲୋକଙ୍କ ଜୀବନ ନେଇସାରିଲାଣି ।