ଯଦି ରାଜନୀତିକୁ ଆସନ୍ତି ରଜନୀକାନ୍ତ ! ତେବେ ଏମିତି ହେବ ନିର୍ବାଚନ . . . ନହସି ରହିପାରିବେନି
ସାଉଥ୍ ସୁପରଷ୍ଟାର୍ ରଜନୀକାନ୍ତ ସଫା ସଫା କହିଦେଇଛନ୍ତି ଏବେ ସେ ରାଜନୀତିକୁ ଆସିବେ ନାହିଁ । ରାଜନୀତିକୁ ସେବେ ଆସିବେ ଯେବେ ଭଗବାନ୍ ଚାହିଁବେ । ତେବେ ଥଲଇବାଙ୍କ ଏହି ବୟାନ୍ ପରେ ଭଗବାନ୍ ବି ମନ କରିସାରିବେଣି ରଜନୀକାନ୍ତଙ୍କୁ ରାଜନୀତିକୁ ଆସିବା ଦରକାର । କାରଣ ରଜନୀକାନ୍ତଙ୍କ କଥାକୁ କିଏ କାଟି ପାରିବ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ କେବେ ଆପଣ ଭାବିଛନ୍ତି ରଜନିକାନ୍ତ ପାଦ ରଖିବା ପରେ ଭାରତୀୟ ରାଜନୀତିର ରୂପ ରେଖା କେମିତି ବଦଳିଯିବ । ଏବେ ନଜର ପକାନ୍ତୁ ଥଲଇବା ନିର୍ବାଚନ ଲଢିଲେ ମାହୋଲ କେମିତି ହେବ ।
• ରଜନୀକାନ୍ତଙ୍କ ପାର୍ଟିରେ ସେ ନିଜେ ପ୍ରାର୍ଥୀ ଏବଂ ସଦସ୍ୟ ରହିବେ । କାରଣ ତାଙ୍କୁ କୌଣସି ପ୍ରକାର ପ୍ରଚାରର ଆବଶ୍ୟକତା ନାହିଁ ।
• ଏହି ନିର୍ବାଚନରେ ଇଭିଏମର ମଧ୍ୟ ଆପଶ୍ୟକତା ପଡିବ ନାହିଁ । କାରଣ ଲୋକମାନେ କେବଳ ରଜନୀକାନ୍ତଙ୍କ ବିଷୟରେ ଭାବିବେ ଏବଂ ତାଙ୍କୁ ଭୋଟ୍ ମିଳିଯିବ । ଏମିତିରେ ୧୦୦ ପ୍ରତିଶତ ଭୋଟିଂ ହେବାର ସମ୍ଭାବନା ରହିଛି ।
• ରଜନୀକାନ୍ତଙ୍କ ପାର୍ଟିରେ ନିର୍ବାଚନୀ ଚିହ୍ନ ସେ ନିଜେ ରହିବେ । କାରଣ ତାଙ୍କ ବ୍ୟତୀତ ଦୁନିଆଁରେ କୌଣସି ଜିନିଷ ତାଙ୍କୁ ପ୍ରତିନିଧିତ୍ୱ କରି ପାରିବ ନାହିଁ ।
• ରଜନୀକାନ୍ତଙ୍କ ବିରୋଧରେ କିଏ ଲଢିବ ସେଥିପାଇଁ ପ୍ରଥମେ ଅନ୍ୟ ପାର୍ଟି ମାନଙ୍କୁ ନିଜ ମଧ୍ୟରେ ନିର୍ବାଚନ କରିବାକୁ ପଡିବ । କାରଣ ଥଲଇବାଙ୍କ ସାମ୍ନାରେ ଠିଆ ହେବା ସମସ୍ତଙ୍କ ପକ୍ଷେ ସମ୍ଭବ ନୁହେଁ ।
• ରଜନୀକାନ୍ତଙ୍କ ବିପକ୍ଷରେ ନିର୍ବାଚନ ଲଢି ନିଜ ଜମାନତ ହରାଇବା ପାଇଁ ବାହୁବଳୀଙ୍କ ବ୍ୟତୀତ ଅନ୍ୟ କୌଣସି ପାର୍ଥୀଙ୍କ ବିଷୟରେ ଭାବିବା କଷ୍ଟ ।
• ରଜନୀକାନ୍ତଙ୍କ ଘୋଷଣା ପତ୍ରରେ ସ୍ପଷ୍ଟ ଭାବରେ ଲେଖା ଯିବ ଯେ ସେ ନିର୍ବାଚନ ଜିତିବା ପରେ କୌଣସି ପ୍ରକାର ପ୍ରାକୃତିକ ବିପର୍ଯ୍ୟୟ ହେବ ନାହିଁ । କାରଣ ରଜନୀକାନ୍ତ ବନ୍ୟାର ସମସ୍ତ ପାଣି ପିଇ ଯିବେ ଏବଂ ପାଣିପାଗ ଅତ୍ୟନ୍ତ ଭଲ ରହିବ ।
• ନିଜର ଶପଥ ଗ୍ରହଣ ଉତ୍ସବରେ ସେ କେବଳ ଏତିକି କହିବେ ‘ମୁଁ ରଜନୀକାନ୍ତ. . .’ ଆଉ ତାଙ୍କ ଶପଥ ପୁରା ହୋଇଯିବ ।
• ଥଲଇବା ଜିତିବା ପରେ ଅନ୍ୟ ଛୋଟ ଛୋଟ ନେତା ରଜନୀକାନ୍ତଙ୍କ ଶପଥ ନେବେ ।
• ରଜନୀକାନ୍ତ ଜିତିବା ପରେ ଦେଶରେ ଦ୍ୱିତୀୟ ଥର ନିର୍ବାଚନ କରିବାର ଆବଶ୍ୟକତା ପଡିବନି ।
( କନକ ନ୍ୟୁଜକୁ ଭାରତର ନିର୍ବାଚନ ବ୍ୟବସ୍ଥା ଉପରେ ସଂପୁର୍ଣ୍ଣ ବିଶ୍ୱାସ ଅଛି, ଏହି ପ୍ରୟାସ କେବଳ ଆପଣଙ୍କୁ ହସାଇବା ପାଇଁ କରାଯାଇଛି )