କ୍ରିକେଟ୍ ପ୍ରେମୀଙ୍କ ପାଇଁ ଖୁସି ଖବର: ଏବେ ଅବସର ନେବେନି ଧୋନୀ, ୧୫ ଜଣିଆ ଦଳରେ ରହିବେ ମାହି ହେଲେ ଚୂଡାନ୍ତ ଏକାଦଶରେ ମିଳିବନି ସ୍ଥାନ
ପନ୍ଥଙ୍କୁ ପ୍ରସ୍ତୁତ କଲାପରେ କ୍ରିକେଟକୁ କରିବେ ଅଲବିଦା
କନକ ବ୍ୟୁରୋ: ଏବେ ଅବସର ନେବେନି ଧୋନୀ । ଟିମଇଣ୍ଡିଆ ସହିତ ରହିବେ । ୧୫ ଜଣିଆ ଭାରତୀୟ ଦଳରେ ରହିବେ । ହେଲେ ୧୧ ଜଣିଆ ଟିମରେ କିନ୍ତୁ ସ୍ଥାନ ପାଇବେନି । ଏନେଇ ବିସିସିଆଇ ସୂତ୍ରରୁ ସୂଚନା ମିଳିଛି । ଧୋନୀଙ୍କ ଅବସରକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ଏପରି ଏକ ଖବର ଧୋନୀଙ୍କ ଫ୍ୟାନଙ୍କ ପାଇଁ ବଡ ଖୁସି ଖବର ଆଣିଛି । ଧୋନୀ ୧୧ ଜଣିଆ ଦଳରେ ନରହିଲେ ୱିକେଟ୍ କିପର ଭାବେ ପ୍ରଥମ ପସନ୍ଦ ହେବେ ରିସଭ୍ ପନ୍ଥ ।
Kanak News is now on WhatsApp
Join and get latest news updates delivered to you via WhatsApp
ତେବେ ଟିମଇଣ୍ଡିଆ ସହିତ ରହି ଆଗାମୀ ବିଶ୍ୱକପ୍ ପାଇଁ ରିସଭ ପନ୍ଥଙ୍କୁ ପ୍ରସ୍ତୁତ କରିବା ସହ ଦଳକୁ ମାର୍ଗଦର୍ଶନ କରିବେ ଧୋନୀ । ରିସଭ୍ ପୁରା ପ୍ରସ୍ତୁତ ହୋଇଗଲା ପରେ ସେ ଅବସର ଗ୍ରହଣ କରିବେ । ବିଶ୍ୱକପ୍ ସେମି ଫାଇନାଲରେ ନ୍ୟୁଜିଲାଣ୍ଡ ବିପକ୍ଷରେ ପରାଜୟ ପରଠାରୁ ଦଳରୁ ଧୋନୀଙ୍କ ଅବସର ନେଇ ଜୋର ଧରିଥିଲା ଚର୍ଚ୍ଚା ।
ଅନେକ ଚର୍ଚ୍ଚା ଆଲୋଚନା ଭିତରେ ବିସିସିଆଇର ଜଣେ ଅଧିକାରୀଙ୍କ ସୂଚନା ଅନୁସାରେ ଧୋନୀ ଦଳ ସହିତ ରହିବେ । ତେଣୁ ଇଣ୍ଡିଜ ବିପକ୍ଷ ସିରିଜ ପାଇଁ ଦଳ ଘୋଷଣା ବେଳେ ଧୋନୀ ସଂଭାବ୍ୟ ଦଳରେ ସ୍ଥାନ ପାଇବା ନେଇ ଆଶା କରାଯାଉଛି । ଚେନ୍ନାଇ ସୁପରକିଙ୍ଗସ ସହିତ ଧୋନୀଙ୍କ ଚୁକ୍ତି ଆହୁରି ୨ ବର୍ଷ ରହିଥିବାରୁ , ଟିମଇଣ୍ଡିଆ ସହିତ ଧୋନୀ ଆହୁରି ୨ ବର୍ଷ ରହିପାରନ୍ତି ବୋଲି ଅନୁମାନ କରାଯାଉଛି ।