କନକ ବ୍ୟୁରୋ : ଲୋକସଭା ଓ ବିଧାନସଭା ନିର୍ବାଚନ ପାଇଁ ବିଗୁଲ ବାଜି ସାରିଛି । ରାଜନୈତିକ ଦଳଗୁଡ଼ିକ ଭୋଟଙ୍କୁ ଆକର୍ଷିତ କରିବାରେ ଲାଗିପଡ଼ିଛନ୍ତି । ସମସ୍ତ ଦଳ ନିଜ ନିଜର ଆଶାୟୀ ପାର୍ଥୀଙ୍କ ନାମ ଚୟନ କରିବା ପାଇଁ ଲାଗିପଡିଛନ୍ତି । ଦେଶରେ ରାଜନୀତି ପାଣିପାଗ ଉଷ୍ମ ହୋଇପଡ଼ିଛି । କାହାକୁ ପ୍ରାର୍ଥୀ କରାଯିବ ସେନେଇ ରୀତିମତ କସରତ୍ ଚାଲିଛି । ନିର୍ବାଚନ ପାଖେଇ ଆସୁଥିବା ବେଳେ ଆରୋପ ପ୍ରତ୍ୟାରୋପ ପର୍ବ ମଧ୍ୟ ଆରମ୍ଭ ହୋଇଯାଇଛି । ଏହି ପରିପେକ୍ଷୀରେ ଆଜି ନିର୍ବାଚନ କମିସନଙ୍କ ଦ୍ୱାରସ୍ଥ ହୋଇଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
Union Minister Ravi Shankar Prasad after BJP delegation meeting with Election Commission in Delhi today: We have demanded that the state of West Bengal should be declared as super-sensitive state. We’ve also demanded that central forces should be deployed at all polling booths. pic.twitter.com/PQSp60dIQl
— ANI (@ANI) March 13, 2019
ଭାରତୀୟ ଜନତା ପାର୍ଟିର ପ୍ରତିନିଧ ମଣ୍ଡଳୀ ଆଜି ନିର୍ବାଚନ କମିସନଙ୍କ ପାଖରେ ଫେରାଦ ହୋଇଛି । ବିଜେପି ତରଫରୁ ଅପିଲ କରାଯାଇଛି ପଶ୍ଚିମବଙ୍ଗକୁ ସମ୍ବେଦନଶୀଳ ରାଜ୍ୟ ଘୋଷଣା କରାଯାଉ । ଆଉ ସେହି ଅନୁସାରେ ହିଁ ନିର୍ବାଚନ ପରିଚାଳିତ କରାଯାଉ । ପଶ୍ଚିମବଙ୍ଗକୁ ସମ୍ବେଦନଶୀଳ ରାଜ୍ୟ ଘୋଷିତ କଲେ ହିଁ ନିରପେକ୍ଷ ନିର୍ବାଚନ ହୋଇପାରିବ ।
ବିଜେପି ନିର୍ବାଚନ କମିସନଙ୍କୁ କିଛି ଅଫିସରଙ୍କ ତାଲିକା ମଧ୍ୟ ପ୍ରଦାନ କରିଛି । ତାଲିକାରେ ଥିବା ଅଫିସରଙ୍କମାନେ ଟିଏମସି କ୍ୟାଡ଼ର ରୂପେ କାମ କରନ୍ତି । ସେମାନେ ନିର୍ବାଚନୀ ଡ୍ୟୁଟି କଲେ ନିରପେକ୍ଷ ନିର୍ବାଚନ ହୋଇପାରିବ ନାହିଁ ବୋଲି ଅଭିଯୋଗ କରିଛି ବିଜେପି । ସେପଟେ କୋଲକାତାର ପୂର୍ବ କମିସନର ରାଜୀବ କୁମାରଙ୍କୁ ମଧ୍ୟ ନିର୍ବାଚନୀ ଦାୟିତ୍ୱରୁ ଦୂରେଇ ରଖିବା ପାଇଁ ଅନୁରୋଧ କରାଯାଇଛି । ଏହି ପ୍ରତିନିଧି ମଣ୍ଡଳରେ ପ୍ରତିରକ୍ଷା ମନ୍ତ୍ରୀ ନିମଳା ସୀଥାରମଣ, ରବିଶଙ୍କର ପ୍ରସାଦ, କୈଳାଶ ବିଜୟବର୍ଗୀୟ ସମତେ ଅନେକ ନେତା ସାମିଲ ଥିଲେ ।