ଭାରତର ସବୁଠାରୁ କ୍ଷୁଦ୍ର ଛୁଆ ! ଜନ୍ମବେଳେ ଓଜନ ଥିଲା ୩୭୫ ଗ୍ରାମ୍ ବର୍ତ୍ତମାନ ଓଜନ ହେଉଛି ୧.୯୮୦ ଗ୍ରାମ୍ ।
ଭାରତରେ ପ୍ରଥମ ଥର ଜନ୍ମ ନେଇଥିବା ସବୁଠୁ କ୍ଷୁଦ୍ର ଶିଶୁ ଯାହାର ଓଜନ ଥିଲା ମାତ୍ର ୩୭୫ ଗ୍ରାମ୍। ହାତର ପାପୁଲି ଆକାର ହୋଇଥିବା ଏହି ଅପରିପକ୍ୱ ଶିଶୁଟି ନିର୍ଦ୍ଧାରିତ ସମୟର ୪ ମାସ ପୂର୍ବରୁ ଜନ୍ମ ନେଇଥିଲା। ଶ୍ରଦ୍ଧାରେ ‘ବେବି ଚେରି’ ବୋଲି କୁହାଯାଉଥିବା ଏହି କୁନି ଛୁଆଟି କେବଳ ପିତାମାତା ନୁହଁନ୍ତି ଡାକ୍ତରଙ୍କୁ ମନରେ ବି ଉତ୍କଣ୍ଠା ଭରି ଦେଇଥିଲା।
Kanak News is now on WhatsApp
Join and get latest news updates delivered to you via WhatsApp
ମାଆ ୨୬ ବର୍ଷୀୟ ନୀତିକା ଅଜଓ୍ଵାନିଙ୍କର ୫ ମାସ ଗର୍ଭ ଚାଲିଥାଏ। ଏହା ଥିଲା ତାଙ୍କର ୫ମ ଗର୍ଭ। ପୂର୍ବରୁ ୪ଟି ଗର୍ଭ ନଷ୍ଟ ହୋଇସାରିଥିଲା। ନୀତିକା ଏବଂ ଛତିଶଗଡ଼ ରାଜ୍ୟର ରାଜନନ୍ଦଗାଁ’ର ତାଙ୍କ ୩୧ ବର୍ଷିୟ ବ୍ୟବସାୟୀ ସ୍ୱାମୀ ସୌରଭ ଅଜଓ୍ଵାନିଙ୍କୁ ସ୍ଥାନୀୟ ଡାକ୍ତରମାନେ କହିଥିଲେ ତାଙ୍କ ପିଲା ବଞ୍ଚିବା ଉପରେ କୌଣସି ଭରସା ନାହିଁ। କାରଣ ମା’ଠାରୁ ତା’ ଦେହକୁ ପ୍ରବାହିତ ହେଉଥିବା ରକ୍ତ ଅତି ସ୍ୱଳ୍ପ ଏବଂ ଛୁଆ ଚାରିପଟେ ତରଳ ଆମନିଓଟିକ୍ ଅତି ସ୍ୱଳ୍ପ ପରିମାଣରେ ଥିବା ଅଲଟ୍ରାସାଉଣ୍ଡରୁ ଜଣାପଡୁଛି।
ହାଇଦ୍ରାବାଦର ଏକ ଡାକ୍ତରଖାନାରେ ନୀତିକା ଛୁଆଟିକୁ ଜନ୍ମ ଦେଇଥିଲେ। ସେଦିନ ଥିଲା ଫେବ୍ରୁଆରି ୨୮ ତାରିଖ। ଡାକ୍ତରଖାନାରେ ୧୨୮ ଦିନ ରହିଥିବା ବେବି ଚେରିକୁ ୧୦୫ ଦିନ ଭେଣ୍ଟିଲେଟରରେ ରଖାଯାଇଥିଲା। ୫୦୦ ଗ୍ରାମ୍ ହେବା ପାଇଁ ତାକୁ ଲାଗିଥିଲା ୩୮ ଦିନ। ଡାକ୍ତରଖାନାରୁ ବାହାରିବା ପରେ ରିଦ୍ଧିମା ନାଁ ଦିଆଯାଇଥିବା ବେବି ଚେରିର ଓଜନ ୧. ୯୮୦ ଗ୍ରାମ୍। ତଥାପି ରିଦ୍ଧିମାକୁ ୨ ବର୍ଷ ଧରି ଡାକ୍ତରମାନଙ୍କ ତତ୍ତ୍ୱାବଧାନରେ ରଖାଯିବ।