ବଦଳୁଛନ୍ତି କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀ ! ଗୁଜରାଟରେ ପ୍ରଚାର ବେଳେ କହିଲେ ପ୍ରଧାନମନ୍ତ୍ରୀ ପଦକୁ ସମ୍ମାନ ଦିଏ କଂଗ୍ରେସ
କନକ ବ୍ୟୁରୋ : ଗୁଜରାଟ ନିର୍ବାଚନକୁ ଆଉ ଦିନ କେଇଟା ବାକି ଅଛି । ହିମାଚଳ ପ୍ରଦେଶ ନିର୍ବାଚନ ପାଇଁ ମତଦାନ ପରେ ଗୁଜରାଟ ନିର୍ବାଚନ ପାଇଁ ପ୍ରଚାର ଏବେ ଜୋରସୋରରେ ଚାଲିଛି । ଗୁଜରାଟରେ କଂଗ୍ରେସ ପ୍ରଚାରର ମଙ୍ଗ ଧରିଛନ୍ତି କଂଗ୍ରେସ ଯୁବରାଜ ରାହୁଲ ଗାନ୍ଧି । କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି ଏବେ ନିର୍ବାଚନ ପ୍ରଚାର ପାଇଁ ଗୁଜରାଟ ଗସ୍ତରେ ଅଛନ୍ତି । ଆଜି ଏକ ନିର୍ବାଚନୀ ସଭାରେ ସେ କହିଛନ୍ତି, ପ୍ରଧାନମନ୍ତ୍ରୀ ପଦକୁ ଆମେ ସମ୍ମାନ କରୁଛୁ । ଏହି ପଦକୁ କେବେ ବି କଂଗ୍ରେସ ଅସମ୍ମାନ କରେନାହିଁ । ଆମେ ଯାହାବି କହୁଛି , ତାହା କେବଳ ମୋଦି ଓ ବିଜେପିକୁ ଭୁଲକୁ ଚିହ୍ନଟ କରି ପଦାକୁ ଆଣିବା ପାଇଁ କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ରାହୁଲ କହିଛନ୍ତି, ମୋଦି ଯେତେବେଳେ ଗୁଜରାଟ ମୁଖ୍ୟମନ୍ତ୍ରୀ ଥିଲେ ସେତେ ବେଳେ ଭାରତର ପ୍ରଧାନମନ୍ତ୍ରୀଙ୍କ ବିଷୟରେ ବହୁତ ସମୟରେ ଆପତ୍ତିଜନକ ମନ୍ତବ୍ୟ ଦେଉଥିଲେ ।କିନ୍ତୁ ସେ କଣ କହିଥିଲେ ଏବେ ତାର କିଛି ମାନେ ନାହିଁ । ପ୍ରଧାନମନ୍ତ୍ରୀ ପଦର ଗରିମାକୁ ବଂଚାଇ ରଖିବା ହିଁ କଂଗ୍ରେସ ଓ ବିଜେପି ମଧ୍ୟରେ ପ୍ରଭେଦ ବୋଲି ରାହୁଲ କହିଛନ୍ତି । ଏବେ ଗୁଜରାଟରେ ରାହୁଲଙ୍କ ନବସୃଜନ ଯାତ୍ରା ଅନ୍ତିମ ପର୍ଯ୍ୟାୟରେ ଅଛି । ଆଜି ବନାସକଂଟାରେ ସେ ନବସୃଜନ ଯାତ୍ରା କରିଛନ୍ତି । ଆଜି ବନାଶକାଂଟାରେ କଂଗ୍ରେସର ସୋସିଆଲ ମିଡିଆ ଭଲ୍ୟୁଂଟର୍ସକୁ ସମ୍ବୋଧିତ କରିବା ବେଳେ ଏହା କହିଛନ୍ତି ରାହୁଲ ଗାନ୍ଧୀ । ଆଗାମୀ ମାସ ଡିସେମ୍ବର ୯ ଓ ୧୪ ତାରିଖରେ ଗୁଜରାଟ ବିଧାନସଭା ପାଇଁ ମତଦାନ ହେବ ।