ସଂସଦରେ ଶୂନ୍ୟ କାଳରେ ବିଭିନ୍ନ ପ୍ରସଙ୍ଗରେ ଚାଲିଛି ଆଲୋଚନା : ଯାଜପୁର ଜାରକାରେ ଓଭରବ୍ରିଜ ନର୍ମାଣ କରିବା ପାଇଁ ଦାବି ଜଣାଇଲେ ସାଂସଦ ରୀତା ତରାଇ
କନକ ବ୍ୟୁରୋ : ସଂସଦରେ ମୈାସୁମୀ ଅଧିବେଶନ ଚାଲିଛି । ତେବେ ସରକାରଙ୍କୁ ବିଭିନ୍ନ ପ୍ରସଙ୍ଗରେ ବିରୋଦୀମାନେ ଘେରିବାରେ ଲାଗିଛନ୍ତି । ତେଣୁ ବିରୋଧୀଙ୍କୁ ଶାସକ ଦଳର ନେତାମାନେ ଉଚିତ ଜବାବ ମଧ୍ୟ ଦେଉଛନ୍ତି । ଯାହାକୁ ନେଇ ଉଭୟ ଶାସକ ଓ ବିରୋଧୀ ମୁହାଁମୁହିଁ ହେବା କାରଣରୁ ଅନେକ ଗୁରୁତ୍ୱପୂର୍ଣ୍ଣ ଆଲୋଚନା ହୋଇପାରିନାହିଁ । ଏପରିକି ବାଚସ୍ପତି ବାଧ୍ୟ ହୋଇ ଗୃହକୁ ଅନେକ ସମୟ ପର୍ଯ୍ୟନ୍ତ ମୁଲତବୀ ରଖିବାର ଦେଖାଯାଇଛି । ତେଣୁ ଅନେକ ଅଞ୍ଚଳରୁ ପ୍ରତିନିଧିତ୍ୱ କରୁଥିବା ସାସଂଦମାନେ ନିଜ ଅଞ୍ଚଳର ବିକାଶ କରିବା ଲାଗି ଗୃହରେ ସଠିକ ଭାବରେ ଦାବି କରିପାରୁନଥିବା ଅଭିଯୋଗ ହେଉଛି । ତେବେ ଆଜି ଗୃହରେ ଶୂନ୍ୟକାଳ ସମୟରେ ଯାଜପୁରର ସାଂସଦ ରୀତା ତରାଇ ପ୍ରଥମ ଥର ସରକାରଙ୍କ ପାଖରେ କିଛି ଦାବି ଉପସ୍ଥାପନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରୀତା କହିଛନ୍ତି ଯେ, ଯାଜପୁର ନିର୍ବାଚନ ମଣ୍ଡଳୀର ବଡଚଣା ନିକଟ ଜାରକା ଦେଇ ଯାଇଥିବା ୧୬ ନଂ ଜାତୀୟ ରାଜପଥ ଉପରେ ଏକ ଓଭରବ୍ରିଜ ନିର୍ମାଣ କରିବା ଆବଶ୍ୟକତା ରହିଛି । କାରଣ ପ୍ରତ୍ୟେକ ସମୟରେ ଏହି ସ୍ଥାନରେ ଲୋକମାନେ ରାସ୍ତାପାର ହେବା ସମୟରେ ଦୁର୍ଘଟଣା ହେଉଛି । ତେଣୁ ଲୋକମାନେ ଅକାରଣରେ ନିଜର ପ୍ରାଣତ୍ୟାଗ କରୁଛନ୍ତି । ଏହାସହ ଏହି ରାସ୍ତାରେ ସବୁବେଳେ ଗାଡିମଟର ଭିଡ ରହୁଛି । ତେଣୁ ଲୋକମାନେ ନାହିଁ ନଥିବା ଅସୁବିଧାର ସମୁଖୀନ ହେଉଛନ୍ତି । ତେଣୁ ଲୋକମାନେ ମଧ୍ୟ ରାସ୍ତାପାର ହେବା କଷ୍ଟ ହେଉଛି । ଏହାସହ ରୀତା କହିଛନ୍ତି ଯେ, ବହୁ ଆଗରୁ ଲୋକମାନେ ଏଠାରେ ଏକ ବସଷ୍ଟାଣ୍ଡ ସହ ଏକ ଓଭର ବ୍ରିଜର ଆବଶ୍ୟକତା ରହିଛି । ତେଣୁ କେନ୍ଦ୍ର ରାଜପଥ ପ୍ରାଧିକରଣ ବିଭାଗ ଏନେଇ ଏକ ସର୍ଭେ କରିବା ସହ ଜାରକା ଅଞ୍ଚଳରେ ବ୍ରିଜ ନିର୍ମାଣ କରିବାର ଆବଶ୍ୟକତା ରହିଛିବା ନେଇ ରୀତା କହିଛନ୍ତି । ତେବେ ମିଳିଥିବା ସୂଚନା ଅନୁସାରେ ରୀତଙ୍କୁ ଅନେକ ବିଜେଡି ନେତା ସମର୍ଥନ କରିଛନ୍ତି ।