କାଲିଠାରୁ ଦୂରଦର୍ଶନରେ ପ୍ରସାରଣ ହେବ ରାମାୟଣ । ଟ୍ୱିଟ କରି ସୂଚନା ଦେଲେ ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଭାଭଡେକର, ଲୋକଙ୍କ ମନୋରଞ୍ଜନ ପାଇଁ ପୁନଃ ପ୍ରସାରଣ ହେବ ଅତୀତ ଦିନର ରାମାୟଣ ।
କନକ ବ୍ୟୁରୋ: ଟିଭି ପରଦାକୁ ପୁଣି ଫେରିବ ବହୁ ଚର୍ଚ୍ଚିତ ଧାରାବାହିକ ରାମାୟଣ । ଏନେଇ ଟ୍ୱିଟ କରିଛନ୍ତି ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର । ଆସନ୍ତାକାଲି ଠାରୁ ଦୂରଦର୍ଶନରେ ପ୍ରସାରଣ ହେବ ରାମାୟଣ । ଲୋକଙ୍କ ମନୋରଂଜନ ପାଇଁ ପୁନଃ ପ୍ରସାରଣ ହେବ ଅତୀତ ଦିନର ଲୋକପ୍ରିୟ ପୌରାଣିକ ଧାରାବାହିକ ରାମାୟଣ । । ତେବେ ପ୍ରତ୍ୟେକ ଦିନ ସକାଳ ୯ଟା ରୁ ୧୦ଟା ଗୋଟିଏ ଏପସିସୋଡ୍ ଏବଂ ପୁଣି ରାତି ୯ଟାରୁ ୧୦ଟା ପର୍ଯ୍ୟନ୍ତ ଟିଭି ପରଦାରେ ରାମାନନ୍ଦ ସାଗରଙ୍କ ରାମାୟଣ ଦେଖିପାରିବେ ଦେଶବାସୀ ।
Kanak News is now on WhatsApp
Join and get latest news updates delivered to you via WhatsApp
जनता की मांग पर कल शनिवार 28 मार्च से ‘रामायण’ का प्रसारण पुनः दूरदर्शन के नेशनल चैनल पर शुरू होगा। पहला एपिसोड सुबह 9.00 बजे और दूसरा एपिसोड रात 9.00 बजे होगा । @narendramodi
@PIBIndia@DDNational— Prakash Javadekar (@PrakashJavdekar) March 27, 2020
୧୯୮୭ରେ ରାମାନନ୍ଦ ସାଗରଙ୍କ ଦ୍ୱାରା ନିର୍ମିତ ରାମାୟଣ ପ୍ରଥମ ଥର ପାଇଁ ଟିଭି ପରଦାରେ ଦେଖିବାକୁ ମିଳିଥିଲା । ଏବେ କରୋନା ଭୂତାଣୁ ସଂକ୍ରମଣ ପାଇଁ ସାରା ଦେଶ ଲକ୍ ଡାଉନ ହୋଇଥିବା ବେଳେ ଅତିତର ଏହି ଧାରାବାହିକକୁ ପୁଣି ଥରେ ପ୍ରସାରିତ କରିବା ପାଇଁ ଦାବି ହୋଇଥିଲା । ଶେଷରେ ଏନେଇ ନିଷ୍ପତି ହୋଇଛି । ୨୮ମାର୍ଚ୍ଚ ଅର୍ଥାତ ଆସନ୍ତାକାଲି ଠାରୁ ଏହି ଧାରାବାହିକକୁ ପୁନଃ ପ୍ରସାରଣ କରାଯିବ ।
ଟେଲିଭିଜନ ସିିରିଏଲ ପ୍ରସାରଣ କ୍ଷେତ୍ରରେ ଏକ ନୂଆ ଧାରା ତିଆରି କରିଥିଲା ରାମାୟଣ । ସପ୍ତାହକୁ ଥରେ ଅଧଘଂଟା ପାଇଁ ପ୍ରସାରଣ ହେଉଥିବା ବେଳେ ଟେଲିଭିଜନ ସାମ୍ନାରେ ଲାଗିରହୁଥିଲା ଲୋକଙ୍କ ଭିଡ । କାହାଣିର ପ୍ରତିଟି ଦୃଶ୍ୟକୁ ଜୀବନ୍ତ କରିବା ପାଇଁ ବ୍ୟବହାର ହେଉଥିବା ଗ୍ରାଫିକ୍ସ ଓ ସ୍ପେଶାଲ ଇଫେକ୍ଟସ ପ୍ରଥମ ଥର ପାଇଁ ଦେଖିଥିଲେ ଦର୍ଶକ । ଏହା ଲୋକଙ୍କ ମନରେ ଏମିତି ଗଭୀର ଛାପ ଛାଡିଥିଲା ଯେ, ଲୋକେ ଚମକ୍ରାର ବୋଲି ଭାବୁଥିଲେ । ଏପରିକି ଟିଭି ପରଦାରେ ଦେଖୁଥିବା ରାମ ସୀତା କଳାକାରଙ୍କୁ ଭଗବାନ ବୋଲି ଭାବୁଥିଲେ ।
୩୩ବର୍ଷ ପରେ ପୁଣି ଟିଭି ପରଦାକୁ ଫେରୁଛି ସେହି ପୁରୁଣା ଦିନର ରାମାୟଣ । ଅତୀତରେ ଟିଭିରେ ରାମାୟଣ ପ୍ରସାରଣ ବେଳେ ଖାଲି ହୋଇପଡୁଥିଲା ରାସ୍ତାଘାଟ । ଏବେ କରୋନା ମୁକାବିଲା ପାଇଁ ସାରା ଦେଶରେ ଲକ ଡାଉନ ଜାରି ହୋଇଛି । ଏହାକୁ ପାଳନ କରିବା ପାଇଁ ଲୋକେ କିଭଳି ଘରେ ରହିବେ ଓ ରାସ୍ତାରୁ ଗହଳି କମିବ ସେଥିପାଇଁ ରାମାୟଣ ପୁନଃ ପ୍ରସାରଣ ହେଉଥିବା ଚର୍ଚ୍ଚା ହେଉଛି ।