ନିତିଦିନିଆ ଜୀବନରେ ଆପଣ କେତେ ପାଣି ନଷ୍ଟ କରୁଛନ୍ତି କେବେ ଚିନ୍ତା କରିଛନ୍ତି , ଯଦି ନାହିଁ ତେବେ ଏହି ଖବରଟି ପଢିବା ଆପଣଙ୍କ ପାଇଁ ନିହାତି ଜରୁରୀ ।
ଆମେ ହୋଲି ହେଉ କିମ୍ବା ଅନ୍ୟ କୌଣସି ପର୍ବପର୍ବାଣୀ କିମ୍ବା ନିତିଦିନିଆ ସମୟରେ କେତେ ଯେ ପାଣି ନଷ୍ଟ କରିଥାଉ ତାହାର ହିସାବ କେବେ ଦେଇପାରିବୁ ନାହିଁ । କେବେ ଚିନ୍ତା କରିଛନ୍ତି ଯେ ଯଦି ଦୁନିଆରେ ଯଦି ପାଣି ହିଁ ଶେଷ ହୋଇଯାଏ ତେବେ ଆପଣ କରିବେ କ’ଣ? କିଭଳି ହେବ ସେତେବେଳେ ସମସ୍ତଙ୍କ ଜୀବନ ? ବର୍ତ୍ତମାନ ପିଇବା ପାଣିର ସଂକଟ ପୁରା ବିଶ୍ୱରେ ଦେଖାଦେଉଛି । ନଦୀ ଶୁଖୁଛି ,ଗ୍ଲାସିୟର୍ କଠିନ ପଡୁଛି ଏବଂ କେବେ ଠାଏଁ ଠାଏଁ ପୋଖରୀ ଥିବା ସ୍ଥାନ ବି ବିଲୁପ୍ତ ହେବାକୁ ଲାଗିଛି । ବଢୁଥିବା ଜନସଂଖ୍ୟା ଏବଂ ବିଲୁପ୍ତ ପାଉଥିବା ସୋତ୍ର କାରଣରୁ ଆଗାମୀ ପିଢି ଯେ ଜଳକଷ୍ଠର ଅସୁବିଧାକୁ ଅନୁଭବ କରିବେ ଏଥିରେ ତିଳେମାତ୍ର ସନ୍ଦେହ ନାହିଁ । ଉପରୋକ୍ତ ଫଟୋଟି ଗତବର୍ଷ ଡିସେମ୍ବର ମାସର ହୋଇଥିଲେ ହେଁ ଏହା ସୋସିଆଲ୍ ମିଡିଆରେ ଭାଇରାଲ୍ ହେଉଛି । ଏହି ଫଟୋରେ ମଧ୍ୟପ୍ରଦେଶର ସ୍କୁଲପିଲାମାନେ ଏକ ନାଳରୁ ପାଣି ପିଉଥିବା ଦୃଶ୍ୟ ଦେଖାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏକ ରିପୋର୍ଟରେ କୁହାଯାଇଥିଲା ଯେ ଯଦି ଏଭଳି ପାଣିର ଅଭାବ ଦେଖାଗଲା ତେବେ ୨୦୪୦ ମସିହା ବେଳକୁ ଦେଶରେ ସଫାପାଣି ରହିବ ନାହିଁ । ଦୁନିଆରେ ପ୍ରଥମେ କ୍ୟାପ୍ଟଟାଉନ୍ ରେ ପାଣି ଶେଷ ହେବାକୁ ଯାଉଛି । ଏଠାରେ ଥିବା ୬ ଟି ବଡ ବଡ ବନ୍ଧ ଶୁଖି ପଡିଛି । ଏଠାରେ ବର୍ଷା ହେଲେ ଲୋକମାନେ ବହୁତ ଦିନ ପର୍ଯ୍ୟନ୍ତ ପାଣି ବଂଚାଇ ରଖିଥାନ୍ତି । ଏଠାରେ ଏଭଳି ପରିସ୍ଥିତି ଆସିଗଲାଣି ଯେ ପାଣି ପାଇଁ ଆଉ କିଛି ଦିନ ପରେ ଏଠାରେ ଏମରଜେନ୍ସିଂ ଲାଗିବ । ସହରରେ ପାଣିର ଅସୁବିଧାକୁ ନେଇ ଲୋକମାନେ ଧାରଣା ମଧ୍ୟ ଦେଉଛନ୍ତି ।
କ୍ୟାପ୍ଟଟାଉନ୍ ରେ ଅପ୍ରିଲ୍ ୨୧ ତାରିଖଟିକୁ ଡେ-ଜିରୋ ରୁପେ ଘୋଷଣା କରାଯାଇଛି । ଏହିଦିନ ସମସ୍ତଙ୍କ ଘରକୁ ପାଣି ସପ୍ଲାଏ ହେବା ମଧ୍ୟ ବନ୍ଦ ହୋଇଯିବ । ସହରର ଲୋକଙ୍କୁ ପାଣି ପାଇଁ ଲାଇନ୍ ଲଗାଇବାକୁ ପଡିବ । ଯେଉଁଥିପାଇଁ ସହରରେ ୨୦୦ ଟି ସେଣ୍ଟର ମଧ୍ୟ ଲଗାଯାଇଛି ।