ଲଗାଣ ବର୍ଷାରେ ଜଳମଗ୍ନ ହେଲା ଚାଷଜମି, ଚିନ୍ତାରେ ଚାଷୀ । ଅନ୍ୟପଟେ ବନ୍ଧବାଡ ମରାମତି ନାଁରେ ଚାଲଛି ସରକାରୀ ଅର୍ଥ ହରିଲୁଟ୍
କନକ ବ୍ୟୁରୋ : ଲଗାଣ ବର୍ଷା ଯୋଗୁଁ ବୁଡିଲା ଧାନ ବିଲ । ଯାଜପୁର ଜିଲ୍ଳା ଧର୍ମଶାଳା ବ୍ଲକରେ ଜଳମଗ୍ନ ହୋଇଛି ଚାଷ ଜମି । ପାଣିରେ ବୁଡି ରହିଛି ଧାନ କ୍ଷେତ ଓ ପରିବା ଫସଲ । ସେପଟେ ସାମ୍ଭାବ୍ୟ ବନ୍ୟା ପରିସ୍ଥିତିକୁ ନେଇ ନଦୀ କୂଳିଆ ଲୋକଙ୍କ ଆଖିରୁ ନିଦ ହଜିଯାଇଥିବା ବେଳେ, ବନ୍ଧବାଡ ମରାମତି ନାଁରେ ଚାଲଛି ସରକାରୀ ଅର୍ଥ ହରିଲୁଟ୍ ।
Kanak News is now on WhatsApp
Join and get latest news updates delivered to you via WhatsApp
ଲଗାଣ ବର୍ଷା ଯୋଗୁଁ ଯାଜପୁର ଧର୍ମଶାଳ ବ୍ଲକର ହଜାର ହଜାର ହେକ୍ଟର ଚାଷ ଜମିରେ ବର୍ଷା ପାଣି ଜମି ରହିଛି । ଧାନ ଫସଲ ପାଣିରେ ଡୁବି ରହିଥିବା ବେଳେ ପରିବା ଫସଲ ନଷ୍ଟ ହୋଇଛି । ବ୍ଲକର ମିର୍ଜାପୁର, ପାଟପୁର, କୋତପୁର, ଅଭୟପୁର, ବଡକାଏମା ପଂଚାୟତର ଚାଷୀ କ୍ଷତିଗ୍ରସ୍ତ ହୋଇଛନ୍ତି । ଯାଜପୁର ଜିଲ୍ଲା ଦେଇ ପ୍ରବାହିତ ହେଉଥିବା ନଦୀର ଜଳସ୍ତର ବୃଦ୍ଧି ପାଉଥିବା ବେଳେ ସମ୍ଭାବ୍ୟ ବନ୍ୟା ପରିସ୍ଥିତିକୁ ନେଇ ଚିନ୍ତାରେ ଲୋକେ । ସେପଟେ ତରବରିଆ ଭାବେ ବ୍ରାହ୍ମଣୀ ନଦୀ ବନ୍ଧ ମରାମତିକୁ ନେଇ ଲୋକଙ୍କ ମନରେ ଅସନ୍ତୋଷ ଦେଖାଦେଇଛି । ମରାମତି ନାଁରେ ଜଳସଂପଦ ବିଭାଗର ଅଧିକାରୀ ବାଲି ପକାଇ ତାଳିପକା କାମ କରୁଥିବା ଅଭିଯୋଗ ହୋଇଛି । ସେପଟେ ଏନେଇ ମୁହଁ ଖୋଲିବାକୁ ନାରାଜ ବିଭାଗୀୟ ଅଧିକାରୀ ।
ଲଗାଣବର୍ଷା ଚାଷୀର ମେରୁଦଣ୍ଡ ଦୋହଲାଇ ଦେଇଥିବା ବେଳେ ସାମ୍ଭାବ୍ୟ ବନ୍ୟା ପରିସ୍ଥିତିରେ ସରକାରୀ କର୍ମଚାରୀଙ୍କ ବେପରୁଆ ବନ୍ୟା ସୁରକ୍ଷା କାମ ଲୋକଙ୍କ ଆଶଙ୍କାକୁ ବଢାଇଦେଇଛି । ଏପରିକି ନଦୀବନ୍ଧ ଦୁର୍ବଳ ଥିବାରୁ କେତେବେଳେ ଯେ କଣ ହେବ ତାହା କହିବା ମୁସ୍କିଲ ।