୧୦ ସହରକୁ ମାଡ଼ି ଆସୁଛି ଜଳ ସଙ୍କଟ ! ବିଶ୍ୱକୁ ଦୋହଲାଇ ଦେଲା ଜାତିସଂଘ ରିପୋର୍ଟ, ତୁରନ୍ତ ପଦକ୍ଷେପ ନନେଲେ ସ୍ଥିତି ହେବ ସାଂଘାତିକ…
କନକ ବ୍ୟୁରୋ: ଚମକାଇଦେଲା ଜାତିସଂଘ ରିପୋର୍ଟ ! ବିଶ୍ୱର ୧୦ ସହରକୁ ମାଡ଼ି ଆସୁଛି ଜଳ ସଙ୍କଟ! ତେବେ ଏହି ୧୦ ସହର ତାଲିକାର ନବମ ସ୍ଥାନରେ ରହିଛି ବାଙ୍ଗାଲୋର । ପ୍ରଥମ ସ୍ଥାନରେ ରହିଛି ଦକ୍ଷିଣ ଆଫ୍ରିକାର କେପ-ଟାଉନ୍ । ସ୍ଥିତି ବର୍ତ୍ତମାନ ଏପରିକି ଯଦି ଅଣାୟତ ହୁଏ ତେବେ ଆଗକୁ ପାଣି ପାଇଁ ଲୋକମାନେ ତ୍ରାହି ତ୍ରାହି କରିବେ ଏବଂ ଜଳ ପାଇଁ ଜୀବନ ମଧ୍ୟ ଯାଇପାରେ ବୋଲି ରିପୋର୍ଟରେ ଉଲ୍ଲେଖ କରିଛି ଜାତିସଂଘ ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼କଥା ହେଲା କି, ଜାତିସଂଘ ଦ୍ୱାରା ପ୍ରକାଶିତ ଏହି ରିପୋର୍ଟରେ ପୃଥିବୀର ୧୦ଟି ସହରରେ ଆଗାମୀ ଦିନରେ ପିଇବା ପାଣିର ଘୋର ଅଭାବ ପରିଲିଖିତ ହେବ । ଆଉ ୨୦୨୫ ସୁଦ୍ଧା ପୃଥିବୀର ଶହେ ୮୦ କୋଟି ଜନସଂଖ୍ୟା ଜଳ ସଙ୍କଟରେ ପ୍ରଭାବିତ ହେବାର ଯଥେଷ୍ଟ ଆଶଙ୍କା ଥିବା ଏହି ରିପୋର୍ଟରେ ଦର୍ଶାଯାଇଛି । ଭାରତର ବାଙ୍ଗାଲୋର, କୋଲକାତା ଏବଂ ଚେନ୍ନାଇ ଭଳି ସହରରେ ବର୍ଷସାରା ଜଳ ସଙ୍କଟ ଦେଖାଯାଇଥାଏ । ତେବେ ଏହି ସ୍ଥିତିର ତୁରନ୍ତ ମୁକାବିଲା ନକରାଗଲେ ଆଗାମି ଦିନରେ ଗାଧୋଇବା କି ସୌଉଚ କରିବା ବି ଅସମ୍ଭବ ହୋଇଯିବ ବୋଲି ସତର୍କ କରାଇଛି ଜାତିସଂଘ ।
ଅନ୍ୟପଟେ ଜଳବାୟୁ ପରିବର୍ତ୍ତନ ଯୋଗୁ ପୃଥିବୀର ଏହି ୧୦ଟି ସହରରେ ଜଳ ସଙ୍କଟ ଦେଖାଦେଇଛି। ଆଉ ଦ୍ୱିତୀୟ ସ୍ଥାନରେ ମେକ୍ସିକୋର ମେକ୍ସିକୋ ସହର, ତୃତୀୟରେ ମିଶରର କାହିରା ଏବଂ ଚତୁର୍ଥରେ ଜାପାନର ଟୋକିଓ , ପଞ୍ଚମ ସ୍ଥାନରେ ଚାଇନାର ବେଜିଙ୍ଗ୍, ଷଷ୍ଠ ସ୍ଥାନରେ ବ୍ରାଜିଲର ସାଓ ପାଲୋ, ସପ୍ତମ ସ୍ଥାନରେ ଅଷ୍ଟ୍ରେଲିଆର ମେଲବର୍ଣ୍ଣ, ଅଷ୍ଟମ ସ୍ଥାନରେ ଇଂଲଣ୍ଡର ଲଣ୍ଡନ ଏବଂ ନବମ ସ୍ଥାନରେ ବେଙ୍ଗାଲୁର ଓ ଦଶମ ସ୍ଥାନରେ ଇଣ୍ଡୋନେଶିଆର ଜାକର୍ତ୍ତା ସହର ରହିଛି । ଏହାକୁ ତୁରନ୍ତ ଗମ୍ଭୀରତାର ସହ ଗ୍ରହଣ କରି କୋଟି କୋଟି ଲୋକଙ୍କ ଜୀବନ ଯିବା ପୂର୍ବରୁ ପ୍ରଶାସନ ଚେତିବା ଆବଶ୍ୟକ । ନଚେତ୍ ଆଗାମୀ ଦିନରେ ହୁଏତ ବଡ଼ ଧରଣର ଜଳ ସଂକଟ ମୁହଁରେ ସମ୍ମୁଖୀନ ହେବାକୁ ଯାଉଛି ଏହି ୧୦ ସହର ।