ପବନରୁ ତିଆରି ହେବ ପାଣି ! ଦୂର ହେବ ଜଳ ସଙ୍କଟ, ସୌର ଶକ୍ତି ସାହାଯ୍ୟରେ ବୈଜ୍ଞାନିକ ନିର୍ମାଣ କଲେ ନୂଆ ସିଷ୍ଟମ ।
ଜଳବିନା ଜୀବନ ଅସମ୍ଭବ । କିନ୍ତୁ ଦିନକୁ ଦିନ ଜଳର ଅଭାବ ପରିଲକ୍ଷିତ ହେଉଛି । ଏପରିକି ଜଳ ବିନା କେତେକ ସ୍ଥାନରେ ଜୀବନ ମଧ୍ୟ ଚାଲିଯାଉଛି । ତେବେ ବୈଜ୍ଞାନିକମାନେ ଏମିତି ଏକ ସିଷ୍ଟମ ବିକଶିତ କରିଛନ୍ତି ଯାହାକି କେବଳ ସୌର ଶକ୍ତି ମାଧ୍ୟମରେ ବାୟୁରୁ ଜଳ ପ୍ରଦାନ କରାଇପାରିବ । ମରୁଭୂମି ଅଞ୍ଚଳରେ ରହୁଥିବା ଲୋକମାନଙ୍କ ପାଇଁ ଏହି ସିଷ୍ଟମ ଜଳ ଯୋଗାଇବାରେ ଏକ ପ୍ରମୁଖ ମାଧ୍ୟମ ହୋଇପାରିବ । କାଲିଫର୍ଣ୍ଣିଆ ବିଶ୍ୱବିଦ୍ୟାଳୟର ବିଶେଷଜ୍ଞମାନେ ଯେଉଁ ପ୍ରୋଟୋଟାଇପ ବିକଶିତ କରିଛନ୍ତି ସେହି ଜରିଆରେ ଦିନ ରାତି ପ୍ରତ୍ୟେକ ଚକ୍ରରେ ବହୁତ କମ ଆଦ୍ରତାରେ ମଧ୍ୟ ଜଳ ପ୍ରାପ୍ତ କରାଯାଇପାରିବ ।
Kanak News is now on WhatsApp
Join and get latest news updates delivered to you via WhatsApp
ଏହି ପ୍ରକ୍ରିୟାକୁ ବିକଶିତ କରିଥିବା ଜଣେ ବୈଜ୍ଞାନିକ କହିଛନ୍ତି ଯେ, ତାଙ୍କର ଏହି ସିଷ୍ଟମ ଅଧିକ ତାପମାତ୍ରାରେ ସୂର୍ଯ୍ୟଙ୍କର ରଶ୍ମିର ଫାଇଦା ଉଠାଇଥାଏ, ଏଥିରେ କୌଣସି ଅତିରିକ୍ତ ଶକ୍ତିର ଆବଶ୍ୟକତା ପଡିନଥାଏ । ସୌର ଶକ୍ତି ଛଡା ଅନ୍ୟ କୌଣସି ଶକ୍ତିର ଆବଶ୍ୟକତା ପଡୁନଥିବା କାରଣରୁ ଆପଣ ଏହା ସାହାଯ୍ୟରେ ମରୁଭୂମିରେ ମଧ୍ୟ ଜଳ ପାଇପାରିବେ । ଏହି ସିଷ୍ଟମରେ ଜଳ ଅବଶୋଷଣ କରିବାର ଅଧିକ ତତ୍ତ୍ୱ ରହିଛି । ଏହି କାରଣରୁ ଏଥିରେ ଅତ୍ୟାଧିକ ପୋରସ ମେଟେରିଆଲ ବ୍ୟବହାର କରାଯାଇଛି, ଯାହାକୁ ମେଟାଲ ଅର୍ଗାନିକ ଫ୍ରେମୱାର୍କ ତଥା ଏମଓଏଫ କୁହାଯାଇଛି ।
ବୈଜ୍ଞାନିକମାନେ ଅନୁମାନ କରୁଛନ୍ତି ଯେ, ଏମଓଏଫ ଜରିଆରେ ପ୍ରତି କିଲୋଗ୍ରାମ ଏମଓଏଫରେ ୨୦୦ ମିଲିଲିଟର ଜଳ ପ୍ରାପ୍ତ କରିବାରେ ସଫଳ ରହିବ । ତେବେ ବୈଜ୍ଞାନିକମାନେ ଆଲୁମିନିୟମ ଆଧାରିତ ଏକ ନୂଆ ଏମଓଏଫ ତିଆରି କରିଛନ୍ତି ଯାହା ୧୫୦ ଗୁଣା ଶସ୍ତା ଅଟେ ଏବଂ ପାଖାପାଖି ଦୁଇ ଗୁଣା ଅଧିକ ଜଳ ଉତ୍ପାଦନ କରାପାରିବ ।