କନକ ବ୍ୟୁରୋ : ଏଣିକି ଖୁବ୍ ଶୀଘ୍ର ବିଭିନ୍ନ ନିର୍ବାଚନରେ ଭୋଟିଂ ମେସିନ୍ ସହ ଚିରକୁଟ୍ ବାହାରିବା ବ୍ୟବସ୍ଥା ଆରମ୍ଭ ହେବାକୁ ଯାଉଛି । ନିର୍ବାଚନ କମିଶନଙ୍କ ଦ୍ୱାରା ଦିଆଯାଇଥିବା ଏପରି ପ୍ରସ୍ତାବ ଉପରେ ଆଜି ମୋହର ଲଗାଇଛନ୍ତି କେନ୍ଦ୍ର ସରକାର । ଭୋଟିଂ ମେସିନ୍ ସହ ଚିରକୁଟ୍ ବାହାରିବା ବ୍ୟବସ୍ଥାକୁ ଆଜି କେନ୍ଦ୍ର କ୍ୟାବିନେଟ୍ ବୈଠକରେ ମଂଜୁରୀ ମିଳିବା ସହ ଏଥିପାଇଁ ବ୍ୟୟ ମଂଜୁରୀ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଭୋଟର ଭେରିଫାୟେବଲ୍ ପେପର ଅଡିଟ୍ ଟ୍ରେଲ୍ ବା ଭିଭିପେଟ୍ ବ୍ୟବସ୍ଥାରେ ଇଭିଏମ ସହ ଏକ ପ୍ରିଂଟର୍ ମେସିନ୍ ସଂଯୁକ୍ତ ହୋଇଥାଏ । ମତଦାତା ଏକ ନିର୍ଦ୍ଧିଷ୍ଟ ଚିହ୍ନର ବଟନ୍ ଦବାଇଲା ପରେ ସେହି ଚିହ୍ନର ଚିରକୁଟ୍ ବାହାରି ଆସିଥାଏ । ଏହା ନିଶ୍ଚିତ କରିଥାଏ ଯେ ମତଦାତା ଯେଉଁ ବଟନ୍ ଦବାଇଛନ୍ତି ଠିକ୍ ସେହି ଚିହ୍ନକୁ ହିଁ ଭୋଟ୍ ଯାଇଛି । ଏପର୍ଯ୍ୟନ୍ତ ପରୀକ୍ଷାମୂଳକ ଭାବେ ଲାଗୁ ହେଉଥିବା ଏହି ବ୍ୟବସ୍ଥାକୁ କେନ୍ଦ୍ରର ମଂଜୁରୀ ପରେ ଏଣିକି ବ୍ୟାପକ ଭାବେ ବ୍ୟବହୃତ ହୋଇପାରିବ ।