ଭିସୁଟକୁ ବଡ଼ ସଫଳତା ! ଓଡ଼ିଶାରୁ ବାହାରିବେ ମହାକାଶ ବିଜ୍ଞାନୀ, ଇସ୍ରୋର ପ୍ରଥମ ଇନୋଭେସନ୍ ସେଣ୍ଟର ହେବ ଭିସୁଟ ।
ଭିସୁଟ୍ ହେବ ଇସ୍ରୋର ପ୍ରଥମ ଇନୋଭେସନ୍ ସେଂଟର ମହାକାଶ ଗବେଷଣା କ୍ଷେତ୍ରରେ ଇସ୍ରୋ ବୈଜ୍ଞାନିକଙ୍କ ସହ ସିଧାସଳଖ ଆଲୋଚନା କରିପାରେବ ଛାତ୍ରଛାତ୍ରୀ ।
କନକ ବ୍ୟୁରୋ: ଇତିହାସରେ ପ୍ରଥମଥର ପାଇଁ ସମ୍ବଲପୁର ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟକୁ ମିଳିଛି ଏକ ବଡ଼ ସଫଳତା । ଦେଶର ପ୍ରଥମ ବିଶ୍ୱବିଦ୍ୟାଳୟ ହିସାବରେ ଏହି ସଫଳତା ପାଇଥିବା ବେଳେ ଆଗାମୀ ଦିନରେ ବିଶ୍ୱବିଦ୍ୟାଳୟ ସଷ୍ଟି କରିବ ଅନେକ ବୈଜ୍ଞାନିକ । ଏବଂ ଉଦାହରଣ । କାରଣ ଇସ୍ରୋର ପ୍ରଥମ ଇନୋଭେସନ୍ ସେଣ୍ଟର ହେବ ଭିସୁଟ୍ ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ରକେଟ୍ ନିର୍ମାଣ କରି ମହାକାଶ ଶିକ୍ଷା କ୍ଷେତ୍ରରେ ଇତିହାସ ସୃଷ୍ଟି କରିଥିବା ଭିସୁଟ୍ର ଛାତ୍ରଛାତ୍ରୀଙ୍କ ପାଇଁ ପୁଣି ଆସିଛି ଖୁସିର ଖବର । ମହାକାଶ ଗବେଷଣା କ୍ଷେତ୍ରରେ ମାଇଲଖୁଂଟ ପାଲଟିଥିବା ଇସ୍ରୋର ବୈଜ୍ଞାନିକଙ୍କଠାରୁ ଜ୍ଞାନ ଆହରଣ କରିବେ ଭିସୁଟର ଛାତ୍ରଛାତ୍ରୀ । ଏହାକୁ ନେଇ ଗ୍ରୀନ୍ ସିଗନାଲ ଦେଇଛନ୍ତି ଇସ୍ରୋ ଉଚ୍ଚ କର୍ତ୍ତୁପକ୍ଷ । ପ୍ରଥମ ଇନୋଭେସନ୍ ସେଂଟର ଭାବେ ଭିସୁଟକୁ ମନୋନିତ କରିଛି ଇସ୍ରୋ । ରକେଟ୍ ଗବେଷଣା କ୍ଷେତ୍ରରେ ଛାତ୍ରଛାତ୍ରୀମାନେ ଇସ୍ରୋରରୁ ଆନୁସଙ୍ଗିକ ସାହାୟତା ପାଇବା ସହ ସିଧାସଳଖ ବୈଜ୍ଞାନିକମାନଙ୍କ ସହିତ ଏସଂପର୍କରେ ଆଲୋଚନା କରିପାରିବେ । ଏହି ଘଟଣା ଜଣାପଡ଼ିଲା ପରେ ବିଶ୍ୱବିଦ୍ୟାଳୟରେ ଖୁସିର ଲହରୀ ଖେଳି ଯାଇଛି ।
କେବଳ ଯେ ଭିସୁଟ୍ ଛାତ୍ରଛାତ୍ରୀଙ୍କର ବୈଜ୍ଞାନିକ କ୍ଷେତ୍ରରେ ଅଗ୍ରଗତି ହେବ ତାହା ନୁହେଁ, ଓଡ଼ିଶାରେ ଗବେଷଣା କ୍ଷେତ୍ରରେ ଅନେକ ଛାତ୍ରଛାତ୍ରୀଙ୍କୁ ଆକୃଷ୍ଟ କରିପାରିବ ଭିସୁଟ୍ । ପ୍ରଥମ ପର୍ଯ୍ୟାୟରେ ଇସ୍ରୋ ରକେଟ୍ ଗବେଷଣା କ୍ଷେତ୍ରରେ ସହଯୋଗ କରିବ । ଆଗାମୀ ଦିନରେ ଅନ୍ୟ ଦିଗରେ ମଧ୍ୟ ସହଯୋଗ କରିବ ବୋଲି ଆଶା ରଖିଛନ୍ତି ବିଶ୍ୱବିଦ୍ୟାଳୟ କର୍ତୃପକ୍ଷ । ଭିସୁଟ୍ର ଏହି ସଫଳତା ଆଗାମୀ ଦିନରେ ଓଡ଼ିଶାରୁ ଉଚ୍ଚକୋଟିର ବୈଜ୍ଞାନିକ ସୃଷ୍ଟି କରିବାରେ ବେଶ ସହାୟତା ହେବ ।