ହାତକୁ ଦି’ହାତ ହେଲେ କ୍ୟାପଟେନ କୋହଲି ! ୨୦ରେ ମୁମ୍ବାଇରେ ଗ୍ରାଣ୍ଡ ରିସେପସନ ପାର୍ଟି

ଦେଶ ବିଦେଶନ୍ୟୁଜ୍
By Sunil Bhuyan
47

ଦୀର୍ଘ ସମୟର ଅପେକ୍ଷା ଏବଂ ଗୋଟିଏ ସପ୍ତାହର ହେଡଲାଇନ ଅପଡେଟ ପରେ ଭାରତୀୟ କ୍ରିକେଟ ଟିମର କ୍ୟାପଟେନ ବିରାଟ କୋହଲି ଏବଂ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ବିବାହ ବନ୍ଧନରେ ବାନ୍ଧି ହୋଇଛନ୍ତି । ମିଡିଆ ରିପୋର୍ଟ ଅନୁଯାୟୀ, ଇଟାଲୀର ମିଲାନ ସହରରେ ଏହି ଷ୍ଟାର ସେଲିବ୍ରିଟି ହାତକୁ ଦୁଇହାତ ହୋଇଛନ୍ତି । ତେବେ ଏନେଇ ବିରାଟ କିମ୍ବା ଅନୁଷ୍କାଙ୍କ ପକ୍ଷରୁ କୌଣସି ସୂଚନା ମିଳିନାହିଁ । ଆଜି ରାତିରେ ଆନୁଷ୍ଠାନିକ ଭାବେ ନିଜ ଶୁଭ ପରିଣୟ ନେଇ ଘୋଷଣା କରିବେ ବିରୁଷ୍କା ।

ତେବେ ପୁର୍ବରୁ ୧୨ ତାରିଖରେ ବିରାଟ ଓ ଅନୁଷ୍କା ବିବାହ କରିବେ ବୋଲି ଚର୍ଚ୍ଚା ହେଉଥିଲା । କାରଣ ୧୨ ତାରିଖ ଅନୁଷ୍କାଙ୍କ ପାଇଁ ଲକି ଥିଲା । ଏହିଦିନ ଅନୁଷ୍କାଙ୍କ ପ୍ରଥମ ଫିଲ୍ମ ରବ ନେ ବନା ଦି ଯୋଡି ରିଲିଜ ହୋଇଥିଲା । ଆଉ ଏହାପରେ ବଲିଉଡରେ ଗୋଟିଏ ପରେ ଗୋଟିଏ ହିଟ ଫିଲ୍ମ ଦେଇ ଚାଲିଥିଲେ ଅନୁଷ୍କା । କିନ୍ତୁ ସବୁ ଚର୍ଚ୍ଚାରେ ପୂର୍ଣ୍ଣଛେଦ ପକାଇ ବିବାହ ବନ୍ଧରେ ବାନ୍ଧି ହୋଇଥିବାର ମିଡିଆ ରିପୋର୍ଟରୁ ସୂଚନା ମିଳିଛି ।

ଏହି ଷ୍ଟାର ସେଲିବ୍ରିଟିଙ୍କ ବିବାହକୁ ନେଇ ସେତେବେଳେ ଚର୍ଚ୍ଚା ଜୋର ଧରିଥିଲା ଯେତେବେଳେ ବିରାଟ ଶ୍ରୀଲଙ୍କା ବିପକ୍ଷ ଦିନିକିଆ ଓ ଟି-ଟ୍ୱେଣ୍ଟି ସିରିଜରୁ ବିଶ୍ରାମ ପାଇଁ ବିସିସିଆଇର ଅନୁମତି ଲୋଡିଥିଲେ । ଠିକ୍ ସେହିପରି ଅନୁଷ୍କା ମଧ୍ୟ ନିଜ ବ୍ୟସ୍ତ କାଯ୍ୟସୂଚୀରୁ ସମୟ ବାହାର କରି ଇଟାଲୀ ଅଭିମୁଖେ ବାହାରିଥିଲେ ଯାହାକୁ ନେଇ ବିରାଟ ଓ ଅନୁଷ୍କାଙ୍କ ବିବାହ ପାଇଁ ଚର୍ଚ୍ଚା ଜୋର ଧରିଥିଲା । ସେତେବେଳେଏହି ଘଟଣା ଖୁବ ଆଶ୍ଚର୍ଯ୍ୟଜନକ ଏବଂ ଆନନ୍ଦଦାୟକ ମଧ୍ୟ ଥିଲା । କିନ୍ତୁ ଦୁଇ ଜଣଙ୍କ ପରିବାରବର୍ଗ ଇଟାଲୀ ଅଭିମୁଖେ ଯାତ୍ରା କରିବା ପରେ ଏହି ଚର୍ଚ୍ଚା ଜୋର ଧରିଥିଲା । ତେବେ ଏସବୁ ଭିତରେ ୨୦ ଡିସେମ୍ବରରେ ମୁମ୍ବାଇରେ ଏକ ଗ୍ରାଣ୍ଡ ରିସେପସନ ପାଇଁ ମଧ୍ୟ ପୁର୍ବରୁ ଯୋଜନା ସରିଛି । ତେବେ ବିରାଟଙ୍କ କହିବା

ଅନୁସାରେ ଆଗାମୀ ଦିନରେ ଦକ୍ଷିଣ ଆଫ୍ରିକା ଟୁର ପାଇଁ ପାଇଁ ସେ ଆରାମ କରିବାକୁ ନିଷ୍ପତ୍ତି ନେଇଛନ୍ତି ।
ବିରାଟ ଏବଂ ଅନୁଷ୍କା ୨୦୧୩ରେ ଏକ ସାମ୍ପୁର ବିଜ୍ଞାପନ ପରେ ଡେଟିଙ୍ଗ କରିବା ଆରମ୍ଭ କରିଥିଲେ । ଆଉ ଏହାର ଏକ ବର୍ଷ ପରେ ଏହି ଘଟଣା ସମସ୍ତଙ୍କ ସାମ୍ନାକୁ ଆସିଥିଲା । ଏପରକିି ବିଭିନ୍ନ ମ୍ୟାଚ ସମୟରେ ବିରାଟଙ୍କୁ ଚିୟର କରିବା ପାଇଁ ଅନୁଷ୍କା ଷ୍ଟାଡିୟମରେ ଉପସ୍ଥିତ ରହୁଥିଲେ ।

ସମ୍ବନ୍ଧିତ ଖବର More from author