ବିରାଟଙ୍କ ବିଶ୍ୱରେକର୍ଡ ! ବିଶ୍ୱର ଦ୍ରୁତତମ ୧୦ ହଜାର ରନ୍ କ୍ଲବରେ କୋହଲି, ପଞ୍ଚମ ଭାରତୀୟ ଭାବେ ସ୍ଥାପନ କଲେ ନୂଆ କୀର୍ତ୍ତିମାନ ।
କନକ ବ୍ୟୁରୋ : କ୍ରିକେଟ ଜଗତରେ ନୂଆ କୀର୍ତ୍ତିମାନ ସ୍ଥାପନ କରିଛନ୍ତି ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି । ଦିନିକିଆ କ୍ରିକେଟରେ ୧୦ ହଜାର ରନ ପୂରଣ କରିଛନ୍ତି କୋହଲି । ଦିନିକିଆରେ ୨୦୫ଟି ଇଂନିସରେ କୋହଲି ଏହି ବିଶ୍ୱ ରେକର୍ଡ ସ୍ଥାପନ କରିଛନ୍ତି । ବିଶ୍ୱର ଦ୍ରୁତତମ ୧୦ ହଜାର ରନ୍ ସ୍କୋରର ହୋଇଛନ୍ତି ବିରାଟ । ଏହା ସହ ପଞ୍ଚମ ଭାରତୀୟ ଭାବେ ୧୦ ହଜାର ରନ କ୍ଲବରେ ସାମିଲ ହୋଇଛନ୍ତି ଯୁବ ତାରକା ବିରାଟ କୋହଲି ।
Kanak News is now on WhatsApp
Join and get latest news updates delivered to you via WhatsApp
ବିରାଟଙ୍କ ପୂର୍ବରୁ ସଚିନ ତେନ୍ଦୁଲକର, ସୌରଭ ଗାଙ୍ଗୁଲି, ରାହୁଲ ଦ୍ରାବିଡ ଏବଂ ମହେନ୍ଦ୍ର ସିଂହ ଧୋନୀ ଦିନିକିଆ କ୍ରିକେଟରେ ୧୦ ହଜାର ରନ୍ କରି ସାରିଛନ୍ତି । ତେବେ ବିରାଟଙ୍କୁ ରନ୍ ମେସିନ କହିଲେ ଅତ୍ୟୁକ୍ତି ହେବ ନାହିଁ । ଏହା ସହ ଦିନିକିଆରେ ଆଉ ଏକ ବ୍ୟାଟିଂ କୀର୍ତ୍ତିମାନକୁ ଭାଙ୍ଗିଛନ୍ତି କୋହଲି ।କ୍ରିକେଟ ଜଗତରେ ନୂଆ କୀର୍ତ୍ତିମାନ ସ୍ଥାପନ କରିଛନ୍ତି ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି । ପୂର୍ବରୁ ସଚିନ ତେନ୍ଦୁଲକର ୨୬୬ତମ ମ୍ୟାଚରେ ୨୫୯ ପାଳିରେ ୧୦ ହଜାର ରନ୍ ପୂରଣ କରି ସବୁଠୁ ଦ୍ରୁତ ରନ ସଂଗ୍ରହ ରେକର୍ଡ କରିଥିଲେ । ଏହି ରେକର୍ଡକୁ ଆଜି ୱେଷ୍ଟ ଇଣ୍ଡିଜ୍ ବିପକ୍ଷ ଦ୍ୱିତୀୟ ଦିନିକିଆରେ ଭାଙ୍ଗିଛନ୍ତି ବିରାଟ କୋହଲି । ଏହା ସହ କାରବିଆନ ଦେଶ ବିରୋଧରେ ସବୁଠୁ ଅଧିକ ସ୍କୋର କରିବା ଭାରତୀୟ ଖେଳାଳି ମଧ୍ୟ ହୋଇଛନ୍ତି । ୨୯ ପାଳିରେ ସେ ୧୫୭୪ ରନ କରି ସାରିଲେଣି । ପୂର୍ବରୁ ସଚିନ ତେନ୍ଦୁଲକର ୩୯ ପାଳିରେ ୧୫୭୩ ରନ କରିଥିଲେ ।