ରୁବିକ୍ସ କ୍ୟୁବର ସମାଧାନ କରିପାରନ୍ତି ନାହିଁ ବିରାଟ କୋହଲି ! ମିଷ୍ଟର ପରଫେକ୍ସନିଷ୍ଟ ଆମୀର ଖାନଙ୍କ ଠାରୁ ଶିଖିବା ପାଇଁ ଚାହାନ୍ତି କୌଶଳ
ଟିମ୍ ଇଣ୍ଡିଆର କ୍ୟାପଟେନ୍ ବିରାଟ କୋହଲି ରୁବିକ୍ସ କ୍ୟୁବର ସମାଧାନ କରିପାରନ୍ତି ନାହିଁ । ଏକଥା ଆଉ କେହି ନୁହେଁ ସେ ନିଜେ ପ୍ରକାଶ କରିଛନ୍ତି । ସେ ଏହାକୁ ସମାଧାନ କରିବା ପାଇଁ କୌଶଳ ଶିଖିବା ପାଇଁ ଚାହୁଁଛନ୍ତି । ସବୁଠାରୁ ଖାସ୍ କଥା ହେଲା ବଲିଉଡ଼ର ମିଷ୍ଟର ପରଫେକ୍ସନିଷ୍ଟ ଆମୀର ଖାନଙ୍କ ଠାରୁ ସେ ରୁବିକ୍ସ କ୍ୟୁବ ସମାଧାନ କରିବାର କୌଶଳ ଶିଖିବା ପାଇଁ ଚାହୁଁଛନ୍ତି । ଆମୀର ଖାନ୍ ଓ ବିରାଟ କୋହଲି ସିନେମା ସିକ୍ରେଟ୍ ସୁପରଷ୍ଟାରର ପ୍ରମୋସନ ପାଇଁ ଏକ ସୋ’ରେ ଏକାଠି ନଜର ଆସିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୁଟିଂ ପରେ ବିରାଟ ଟ୍ୱିଟ୍ କରି କହିଥିଲେ, ଆମୀର ଭାଇଙ୍କ ସହ ବହୁତ ଭଲ ସମୟ ବିତିଲା, ସେ ବହୁତ ନମ୍ର ସ୍ୱଭାବର । ଆଉ ଏବେ କେବଳ ତାଙ୍କ ଠାରୁ ରୁବିକ୍ସ କ୍ୟୁବ ଶିଖିବାର ଅଛି । ଏହା ବ୍ୟତୀତ ସେ କିଛି ଫଟୋ ମଧ୍ୟ ସେୟାର କରିଥିଲେ । ଆମୀର ଓ ବିରାଟ ହୋଷ୍ଟ ଅପାରଶକ୍ତି ଖୁରାନାଙ୍କ ସହ ଆମୀରଙ୍କ ସିନେମା ‘ରଙ୍ଗ ଦେ ବସନ୍ତୀ’ ଗୀତରେ ଡ୍ୟାନ୍ସ ମଧ୍ୟ କରିଥିଲେ । ଆମୀର ଖାନଙ୍କ ସିନେମା ‘ସିକ୍ରେଟ୍ ସୁପରଷ୍ଟାର’ ସଙ୍ଗୀତ ଉପରେ ଆଧାରିତ । ଏହାର ମୁଖ୍ୟ ଭୂମିକାରେ ଦବଙ୍ଗ ଫେମ୍ ଜାୟରା ବସୀମ ଅଭିନୟ କରୁଛନ୍ତି । ଏହି ସିନେମା ୧୯ ଅକ୍ଟୋବର ଦିନ ସିନେମା ଘରକୁ ଆସିବ । ଆମୀର ଶନିବାର ଦିନ ସୋ’ର ଏକ ପ୍ରମୋ ସହ ଟ୍ୱିଟ୍ କରି କହିଥିଲେ ବିରାଟଙ୍କ ସମୟ ବିତାଇ ବହୁତ ଭଲ ଲାଗିଲ । ସେ ବହୁତ ଶାନ୍ତ ସ୍ୱଭାବର ଓ ମନରୁ ବହୁତ ସଚ୍ଚା ଏବଂ ଜଣେ ଭଲ ଡାନ୍ସର ।