କନକ ବ୍ୟୁରୋ: ଦରମା ନ ଦେବାରୁ ଶିକ୍ଷଙ୍କୁ ମାଡ । ନୟାଗଡ ଜିଲ୍ଲା କଂଟିଲୋରେ ଏକ ଘରୋଇ କୋଚିଂ ସେଂଟରରେ ଏଭଳି ଘଟଣା ଘଟିଛି । ଏପରିକି ଶିକ୍ଷକଙ୍କୁ ଗଛରେ ପିଟି ମାଡ ମରାଯିବାର ଭିଡିଓ ଭାଇରାଲ ହୋଇଛି । ଏ ନେଇ ସଂପୃକ୍ତ ଶିକ୍ଷକଙ୍କ ଅଭିଯୋଗ ପାଇବା ପରେ ଖଣ୍ଡପଡା ପୋଲିସ ତନାଘନା ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ, ସ୍ଥାନୀୟ ମାରଡା ଅଂଚଳର ଜଣେ ଇଂରାଜୀ ଶିକ୍ଷକ କଂଟିଲୋ ବାପୁଜୀନଗରରେ ଥିବା ସତ୍ୟସାଇ କୋଟିଂ ସେଂଟରରେ ଅଧ୍ୟାପନା କରନ୍ତି । ତେବେ ଗତ କିଛିଦିନ ତଳେ ସେ ଅନ୍ୟ ଏକ କୋଚିଂ ସେଂଟରକୁ ପଢାଇବାକୁ ଯାଉଥିଲେ । ଏ ନେଇ ସଂପୃକ୍ତ କୋଟିଂ ସେଂଟରର ମାଲିକ ତପନ ମହାପାତ୍ର ଅଧ୍ୟାପକଙ୍କ ଉପରେ ରାଗ ରଖିଥିଲେ ।
ସେପଟେ ଶିକ୍ଷକ ଜଣକ ନିଜ ବକେୟା ପ୍ରାପ୍ୟ ମାଗିଥିଲେ । ଏଥରେ ରାଗ ରଖି ଗତ ୫ ତାରିଖରେ କୋଚିଂ ସେଂଟର ମାଲିକ ଶିକ୍ଷକଙ୍କୁ ଗଛରେ ବାନ୍ଧି ମାଡ ମାରିଥିଲେ । ପାଟି ବାନ୍ଧିବା ସହ ବେକରେ ଚପଲ ମାଳ ପିନ୍ଧାଇ ଭିଡିଓ ସୁଟିଂ କରିଥିଲେ । ଘଟଣା ନେଇ ପୋଲିସ ତନାଘନା ଆରମ୍ଭ କରିଛନ୍ତି । ଅଭିଯୋଗ ପରେ କୋଚିଂ ସେଂଟର ମାଲିକ ଫେରାର ହୋଇଯାଇଛି ।