ବାରିପଦା ଭାଇରାଲ ଭିଡ଼ିଓ ଘଟଣା ପରେ ପୁଣି ଆସିଲା କଲେଜ ଛାତ୍ରୀଙ୍କ ଭାଇରାଲ ଭିଡ଼ିଓ! ସେପଟେ କେନ୍ଦୁଝରରେ ବି ଘଟିଲା ଅନୁରୂପ ଘଟଣା
କନକ ବ୍ୟୁରୋ : ବିଜ୍ ବଜାରରେ ନିଲାମ୍ ହେଉଛି ଇଜ୍ଜତ୍ । ଖୋଲା ବଜାରରେ ଘୁରି ବୁଲୁଛି ଅନ୍ତରଙ୍ଗ ଏବଂ ଅସଞ୍ଜତ ମୁହୂର୍ତ୍ତର ଭିଡିଓ । ବାରିପଦାରେ ଅସାମାଜିକ ଯୁବକଙ୍କ ବର୍ବର କାଣ୍ଡ ପରେ ପୁଣି ସେହି ମୟୁରଭଂଜ ଜିଲ୍ଲାରୁ ଆସିଛି ଆଉ ଏକ ଭାଇରାଲ ଭିଡିଓର କାହାଣୀ । ବାରିପଦା ଉପକଣ୍ଠରେ ଥିବା ଏକ କଲେଜରେ ଯୁକ୍ତ ୩ରେ ପଢ଼ୁଥିବା ଜଣେ ଛାତ୍ରୀଙ୍କ ଫଟୋ ଓ ଭିଡିଓ ଏବେ ଭାଇରାଲ ହେବାରେ ଲାଗିଛି । ଯୁବତୀ ଜଣକ ତାଙ୍କ ପୁଅ ସାଙ୍ଗରେ ମିଶି ଉଠାଇଥିବା ଏହି ଭିଡିଓ ନେଇ ଯୁବତୀଙ୍କ ବାପା ବାରିପଦା ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି । ଆଉ ଏହି ଘଟଣାରେ ଶମ୍ଭୁ ବୋଷ ନାମକ ଜଣେ ଯୁବକକୁ ଗିରଫ କରିଛି ପୁଲିସ୍ । ପୁଲିସ ସୂତ୍ରରୁ ମିଳିଥିବା ସୂଚନା ଅନୁସାରେ ଏହି ଯୁବକ ଜଣକ ଯୁବତୀଙ୍କୁୂ ବିବାହର ପ୍ରତିଶ୍ରୁତି ଦେଇ ତାଙ୍କ ସହ ସଂପର୍କ ସ୍ଥାପନ କରିଥିଲେ । ପରେ କୌଣସି କାରଣରୁ ସଂପର୍କରେ ଫାଟ ଦେଖାଦେଇଥିଲା । ଏହି ଘଟଣା ପରେ ବି ବିବାହ ପାଇଁ ବାଧ୍ୟ କରି ଆସୁଥିଲା ଏହି ଯୁବକ ।
Kanak News is now on WhatsApp
Join and get latest news updates delivered to you via WhatsApp
ଏମିତିକି କଥାରେ ରାଜି ନହେଲେ ସେହି ଦୁର୍ବଳ ମୁହୁର୍ତ୍ତର ଚିତ୍ର ଭାଇରାଲ କରିଦେବ ବୋଲି ଧମକ୍ ଦେଇ ଆସୁଥିଲା । ଆଉ ଶେଷରେ ଏହି ଭିଡିଓ ଭାଇରାଲ ହେବା ପରେ ଯୁବତୀଙ୍କ ବାପା ଟାଉନ ଥାନରେ ଏତଲା ଦାୟର କରିଛନ୍ତି । ଏହି ଘଟଣାରେ ପୁଲିସ ଆଇପିସିର ଥାରେ ୫୦୦, ୫୦୯, ୬୬ଡି ଏବଂ ଆଇଟି ଆକ୍ସ ଲଗାଇ ମାମଲାର ତଦନ୍ତ ଆରମ୍ଭ କରିଛି ।
ବାରିପଦା ଭଳି କେନ୍ଦୁଝରରେ ମଧ୍ୟ ଘଟିଛି ଏକ ଅନୁରୁପ ଘଟଣା । କିଛି ଅସାମାଜିକ ଯୁବକ, ଜଣେ ମହିଳାଙ୍କୁ ଉଲଗ୍ନ କରି ଭିଡିଓ ସୁଟ୍ କରିବା ସହ ତାକୁ ସୋସିଆଲ ମିଡ଼ିଆରେ ଭାଇରାଲ କରିଥିବାର ଏକ ସାଂଘାତିକ୍ ଖବର ସାମ୍ନାକୁ ଆସିଛି । ସ୍ଥାନୀୟ ଅଂଚଳର ଏକ ଜଙ୍ଗଲରେ ମହିଳାଙ୍କୁ ଏକୁଟିଆ ପାଇ ଧମକ୍ଚମକ୍ ଦେଇ ଏହି ଭିଡିଓ ସୁଟ୍ କରାଯାଇଥିବାର ଅନୁମାନ କରୁଛି । ରାଜ୍ୟ ପୁଲିସ ନିର୍ଦ୍ଦେଶକ ଏହି ଘଟଣାର ତୁରନ୍ତ ତଦନ୍ତ କରି ଅପରାଧିଙ୍କୁ ଧରିବା ପାଇଁ ନିର୍ଦ୍ଦେଶ ଦେଇଛନ୍ତି ।