ପୁଣି ଅଶାନ୍ତ ବାଣୀବିହାର ! ଛାତ୍ର ଅପହରଣ ନେଇ ଉତ୍କଳ ବିଶ୍ୱବିଦ୍ୟାଳୟରେ ଉତ୍ତେଜନା, ରାସ୍ତାରୋକ ।
କନକ ବ୍ୟୁରୋ : ବହୁଦିନ ଶାନ୍ତ ରହିବା ପରେ ପୁଣି ଅଶାନ୍ତ ହୋଇଛି ଉତ୍କଳ ବିଶ୍ୱବିଦ୍ୟାଳୟ । କ୍ୟାମ୍ପସ ଅଶାନ୍ତ ହୋଇପଡିଥିବା ବେଳେ ଲାଗି ରହିଛି ଚାପା ଉତ୍ତେଜନା । କେତେକ ଅଣଛାତ୍ର ବିଶ୍ୱବିଦ୍ୟାଳୟର ଜଣେ ଛାତ୍ରଙ୍କୁ ମାଡ ମାରିବା ସହ ଅପହରଣ କରିନେଇଥିବା ଅଭିଯୋଗରେ ରାଜରାସ୍ତାକୁ ଓହ୍ଲାଇଛନ୍ତି ଛାତ୍ରଛାତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଗତ ବର୍ଷ ଛାତ୍ର ସଂସଦ ନିର୍ବାଚନରେ ବିଜୁ ଜନତା ଦଳ ସମର୍ଥିତ ସଭାପତି ପ୍ରାର୍ଥୀ ସୌମ୍ୟରଞ୍ଜନ ମହାପାତ୍ରଙ୍କୁ କେହି ଦୁର୍ବୃତ୍ତ ମାଡ ମାରିବା ସହ ଅପହରଣ କରିନେଇଥିବା ଅଭିଯୋଗ ହୋଇଛି । ଏହାକୁ ବିରୋଧ କରି ଉତ୍କଳ ବିଶ୍ୱବିଦ୍ୟାଳୟ ପରିସରରେ ଉତ୍ତେଜନା ଦେଖାଦେଇଛି ।
ଏପରିକି ଘଟଣାକୁ ବିରୋଧ କରିବା ସହ ଅପରାଧୀ ମାନଙ୍କୁ ତୁରନ୍ତ ଗିରଫ କରିବା ଦାବିରେ ଆଜି ମଧ୍ୟାନରେ ଛାତ୍ରଛାତ୍ରୀମାନେ ମୁଖ୍ୟଫାଟକ ସାମ୍ନାରେ ରାଜରାସ୍ତା ଅବରୋଧ କରିଥିଲେ । ସହିଦନଗର ଥାନା ଆଇଆଇସି ଛାତ୍ରଛାତ୍ରୀଙ୍କୁ ବୁଝାବୁଝି କରିବା ପରେ ରାସ୍ତାରୋକ ହଟିଥିଲା । ଏନେଇ ସହିଦନଗର ଥାନାରେ ଲିଖିତ ଅଭିଯୋଗ କରାଯିବା ପରେ ଛାତ୍ରମାନେ ଡିସିପିଙ୍କୁ ଏକ ଅଭିଯୋଗ ପତ୍ର ଦେବା ସହ ଅଭିଯୁକ୍ତଙ୍କୁ ଗିରଫ କରାଯିବା ନେଇ ଦାବି କରିଛନ୍ତି ।