ଆଇନକୁ ହାତକୁ ନେଲେ ଉତ୍ୟକ୍ତ ଲୋକ । ଭିନ୍ନକ୍ଷମ ନାବାଳିକାକୁ ଦୁଷ୍କର୍ମ କରିଥିବା ଅଭିଯୁକ୍ତକୁ ପିଟିପିଟି ମାରିଦେଲେ ଗ୍ରାମବାସୀ
କନକ ବ୍ୟୁରୋ: ନାବାଳିକାକୁ ଦୁଷ୍କର୍ମ କରିଥିବା ଅଭିଯୁକ୍ତକୁ ପିଟିପିଟି ମାରିଦେଲେ ଗ୍ରାମବାସୀ । ଏଭଳି ଏକ ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଳା ବାମେବାରୀ ଥାନା ଦବୁନା ଅଂଚଳରେ । ଜଣେ ଭିନ୍ନକ୍ଷମ ନାବାଳିକାକୁ ଦୁଷ୍କର୍ମ କରିଥିବା ଅଭିଯୁକ୍ତକୁ ଧରିବା ପରେ ପ୍ରଥମେ ଗଛରେ ବାନ୍ଧି ପକାଇଥିଲେ ଉତ୍ୟକ୍ତ ଗ୍ରାମବାସୀ । ତାପରେ ବାଡେଇ ମାରିଦେଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ବାପା ମାଆ ଜଙ୍ଗଲକୁ କାଠପତ୍ର ସଂଗ୍ରହ କରିବାକୁ ଯାଇଥିବାବେଳେ ଅଭିଯୁକ୍ତ ଗଣେଶ ପିଙ୍ଗୁଆ ଭିନ୍ନକ୍ଷମ ନାବାଳିକାକୁ ଏକୁଟିଆ ପାଇ ଦୁଷ୍କର୍ମ କରିିଥିଲା । ପୀଡିତାର ମାଆ ଘରକୁ ଫେରି ଏହା ଜାଣିବା ପରେ ସମ୍ପର୍କୀୟଙ୍କୁ ଏନେଇ ଜଣାଇଥିଲେ । ତାପରେ ସମ୍ପର୍କୀୟଙ୍କ ସହ ଗ୍ରାମବାସୀମାନେ ଅଭିଯୁକ୍ତ ଯୁବକକୁ ଧରି ବାନ୍ଧି ପକାଇ ନିସ୍ତୁକ ମାଡ ମାରିଥିଲେ ।
ଏପରିକି ତାଙ୍କୁ ଲହୁଲୁହାଣ କରିପକାଇଥିବାବେଳେ ପୋଲିସ ଉଦ୍ଧାର କରି ହସ୍ପିଟାଲରେ ଭର୍ତି କରିଥିଲା । ହେଲେ ଯୋଡା ଟିସ୍କୋ ଡାକ୍ତରଖାନାରେ ଅଭିଯୁକ୍ତର ମୃତ୍ୟୁ ହୋଇଥିଲା । ଆଇନକୁ ହାତକୁ ନେଇଥିବାରୁ ପୀଡିତାଙ୍କ ବାପାଙ୍କ ସମେତ ୪ଜଣଙ୍କୁ ଗିରଫ କରିଛି ।