ଖଣି ଅଂଚଳରେ ନାହିଁ ନାହିଁର ଗାଁ : ମୌଳିକ ସୁବିଧାରୁ ବଂଚିତ ଯୋଡା ବ୍ଲକ ମାଙ୍କଟହାଂଟି ଗାଁ
କନକ ବ୍ୟୁରୋ : କେନ୍ଦୁଝର ଜିଲ୍ଲା ଯୋଡା ବ୍ଲକ ରୋଇଡା ପଂଚାୟତର ମାଙ୍କଟ ହାଂଟି । ଯୋଡା ପୌରପାଳିକାରୁ ଏହି ଗାଁକୁ ଯିବାକୁ ହେଲେ ୫କିଲୋମିଟର ପାଦରେ ଚାଲିବାକୁ ପଡେ । ସେ ପୁଣି ବଣ ପାହାଡ ରାସ୍ତାରେ । ଏ ତ ଗଲା ରାସ୍ତା କଥା ପାଣି ପାଇଁ 
ଗ୍ରାମବାସୀ ୩କିଲୋମିଟର ଦୂରରେ ଥିବା ସୁନାନଦୀ ଉପରେ ନିର୍ଭର କରିନ୍ତି । ଗାଁରେ ନା ଅଛି ରାସ୍ତା ନା ପିଇବା ପାଣି । ଶିକ୍ଷା, ସ୍ୱାସ୍ଥ୍ୟ, ବିଦ୍ୟୁତ୍ ସେବା କଥା ଛାଡନ୍ତୁ । ବିଦ୍ୟୁତ ସଂଯୋଗ ନଥିବାରୁ ସଂଜ ହେଲେ ହାତୀ ଭୟରେ ଏଠି ତାଟି କବାଟ ପଡେ ।
Kanak News is now on WhatsApp
Join and get latest news updates delivered to you via WhatsApp
ମାଙ୍କଡ ହାଂଟିରେ ରହୁଛିବା ୭୦ରୁ ଅଧିକ ଆଦିବାସୀ ପରିବାର ନିକଟସ୍ଥ ଖଣି ଖାଦାନରେ କାମ କରି ପେଟ ପୋଷନ୍ତି । ଗାଁ ସମସ୍ୟା ନେଇ ବାରମ୍ବାର ପ୍ରସାଶାନକୁ ଅବଗତ କରି ନିରାଶ ହେଉଥିବା କ୍ଷୋଭର ସହ କହିଛନ୍ତି । କୋଟି କୋଟି ଟଙ୍କା ଡିଏମଏଫ୍ ଫଣ୍ଡରେ ପଡି ରହିଥିବା ବେଳେ, ଖଣି ପ୍ରଭାବିତଙ୍କ ପାଇଁ କାହିଁକି ଖର୍ଚ୍ଚ ହେଉ ନାହିଁ ବୋଲି ପ୍ରଶ୍ନ ହେଉଛି । ମାଙ୍କଡହାଂଟିର ସମସ୍ୟା ଜାଣିବା ପରେ ଲୋକଙ୍କ ଉନ୍ନତି ପାଇଁ ଦୃଷ୍ଟି ଦେବେ ବୋଲି କହିଛନ୍ତି ଗ୍ରାମ୍ୟ ଉନ୍ନୟନ ବିଭାଗର ପ୍ରକଳ୍ପ ନିର୍ଦେଶକ ।
ଖଣି ଅଂଚଳରୁ ଆଦାୟ ହେଉଛି କୋଟି କୋଟି ଟଙ୍କାର ଟିକସ । ଏପରିକି,କୋଟି କୋଟି ଟଙ୍କାର ଡିଏମଏଫ ଟଙ୍କା ମଧ୍ୟ ପଡି ରହିଛି । ହେଲେ, ଖଣି ପ୍ରଭାବିତଙ୍କ ଦୁଃଖ ସରୁନି ।