କନକ ବ୍ୟୁରୋ : ସୋରରେ ସରକାରୀ ବାବୁଙ୍କ ସୁନା କୁଲାକୁ ନେଇ ସାରା ରାଜ୍ୟରେ ଚର୍ଚ୍ଚା । ଭିଜିଲାନ୍ସ ଚଢାଉବେଳେ ଖାଦ୍ୟ ଯୋଗାଣ ବିଭାଗ ଅଧିକାରୀଙ୍କ ଘରୁ ଜବତ ହୋଇଛି ସାଧାରଣ କୁଲା ଆକାରର ସୁନା କୁଲା । ଏଥିସହ କୋଟିଏରୁ ଅଧିକ ସୁନା ଗହଣା ଓ ନଗଦ ଟଙ୍କା ଏବଂ ବ୍ୟାଙ୍କ ଜମାକୁ ଜବତ କରିଛି ଭିଜିଲାନ୍ସ ବିଭାଗ । ୪ଟି ଜାଗାରେ ଟଢାଉ ପରେ ବାବୁଙ୍କ ଆୟର ଉତ୍ସ୍ୱ ଖୋଜୁଛି ରାଜ୍ୟ ଦୁର୍ନୀତି ନିବାରଣ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ ଖାଦ୍ୟ ଯୋଗାଣ ବିଭାଗର ଉପ ନିର୍ଦ୍ଦେଶକ ଥିବା ଏହି ଅଧିକାରୀ ଜଣକ ହେଉଛନ୍ତି ନରେନ୍ଦ୍ର କୁମାର ରାଉତ । ଆୟ ବହିର୍ଭୂତ ସଂପତି ଠୁଳ ଅଭିଯୋଗରେ ନରେନ୍ଦ୍ର ରାଉତଙ୍କ ବାସଭବନ ସମେତ ୪ଟି ସ୍ଥାନରେ ଚଢାଉ କରିଛି ଭିଜିଲାନ୍ସ । ସୋର ଉଚ୍ଛରେଶ୍ୱର ଛକ ଆଇସ ଫ୍ୟାକ୍ଟ୍ରି ନିକଟରେ ଥିବା ତାଙ୍କ ବାସଭବନ ସମେତ ଖତ୍ପା ସାହିରେ ଥିବା ଶ୍ୱଶୂର ଘର, ଜଗନ୍ନାଥପୁର ପୈତୃକ ଘର ଓ ତାଙ୍କ ଭାଇଙ୍କ ବାସଭବନ ସହ ଭୁବନେଶ୍ୱରରେ ଥିବା ଏକ ଫ୍ଲାଟରେ ମଧ୍ୟ ଏକକାଳୀନ ଚଢାଉ ହୋଇଛି ।
ଜବତ ସଂପତିର ମୂଲ୍ୟ ପ୍ରାଥମିକ ଭାବେ କୋଟିଏରୁ ଅଧିକ ହେବ ବୋଲି ଆକଳନ କରାଯାଉଛି । ଜବତ ଟଙ୍କା ଭିତରେ ପୁରୁଣା ୫୦୦ ଓ ୧୦୦୦ ଟଙ୍କିଆ ନୋଟ ବି ଅଛି । ହେଲେ ସବୁଠାରୁ ଅଧିକ ଚର୍ଚ୍ଚା ସରକାରୀ ବାବୁଙ୍କ ସୁନା କୁଲାକୁ ନେଇ ।