ସୁନ୍ଦରଗଡ : ବଣାଇ ଉପକାରାଗାରରେ ଦୁଷ୍କର୍ମ ଅଭିଯୁକ୍ତକୁ ବିବାହ କଲେ ପୀଡିତା
କନକ ବ୍ୟୁରୋ : କାରାଗାରରେ ନବବଧୂ ସାଜିଲା ପୀଡିତା । ବିଚାରଧିନ ଅଭିଯୁକ୍ତ ହେଲା ବର । ମାଜିଷ୍ଟ୍ରେଟ, ଓକିଲ, ଜେଲର କର୍ମଚାରୀ ଓ ଦୁଇ ପରିବାର ସମେତ ଜ୍ଞାତିପରିଜନଙ୍କ ଉପସ୍ଥିତିରେ ସଂପନ୍ନ ହେଲା ବିବାହ । ଏଭଳି ଅଭିନବ ବିବାହ ଦେଖିବାକୁ ମିଳିଛି ସୁନ୍ଦରଗଡ ଜିଲ୍ଲା ବଣାଇ ଉପକାରାଗାରରେ । କୋର୍ଟ କାଗଜରେ ଦସ୍ତଖତ କରିବା ପରେ ଦୁହେଁ ଦୁହିଁଙ୍କୁ ବରଣମାଳା ପିନ୍ଧାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୁନ୍ଦରଗଡ ଜିଲ୍ଲା ବଣାଇଁ ଅଂଚଳର ତଳିତା ଗାଁର ୨୦୧୫ ଜୁନ ୧୭ରେ ପୀଡିତାକୁ ଦୁଷ୍କର୍ମ କରିଥିଲା ପ୍ରମୋଦ ପାତ୍ର । ଏ ସଂପର୍କରେ ମାମଲା କୋର୍ଟରେ ଥିବା ବେଳେ ପ୍ରମୋଦ ବଣାଇ କାରାଗାରରେ ବିଚାରଧିନ କଏଦୀ ଭାବେ ରହିଛି । ଉଭୟଙ୍କ ପରିବାର ଆପୋଷ ବୁଝାମଣା କରି କୋର୍ଟଙ୍କୁ ବିବାହ କରିବା ପାଇଁ ଅନୁମିତ ମାଗିଥିଲେ । କୋର୍ଟଙ୍କ ଅନୁମତି ପରେ ବଣାଇ ଜେଲ ଆଗରେ ଅଭିଯୁକ୍ତ ଓ ପୀଡିତା ଯୁବତୀଙ୍କ ବାହାଘର ହୋଇଛି ।