କନକ ବ୍ୟୁରୋ : କୁହୁଡି ହେଲା କାଳ । ବାତିଲ ହୋଇଗଲା ଉପରାଷ୍ଟ୍ରପତିଙ୍କ ଓଡିଶା ଗସ୍ତ । ଖରାପ ପାଗ ପାଇଁ ଛତିଶଗଡ ରାୟପୁରରୁ ଫେରିଗଲେ ଉପରାଷ୍ଟ୍ରପତି ଭେଙ୍କେୟା ନାଇଡୁ । ଆଜି ସକାଳେ ସାଢେ ୯ଟା ସମୟରେ ବଲାଙ୍ଗିରରେ ଥିଲା ଉପରାଷ୍ଟ୍ରପତିଙ୍କ କାର୍ଯ୍ୟକ୍ରମ । ହେଲେ ରାୟପୁରରେ ଆଜି କୁହୁଡିଆ ପାଗରେ ସୁଧାର ଆସିନଥିଲା । ବିମାନ ଉଡାଣ ପାଇଁ ଉଦ୍ୟମ କରିବା ପରେ ମଧ୍ୟ ଆଗକୁ ବଢିପାରିନଥିଲା । ଫଳରେ ଉପରାଷ୍ଟ୍ରପତିଙ୍କ ବିମାନ ଖରାପ ପାଗରେ ଉଡାଣ ନଭରି ରାୟପୁର ବିମାନବନ୍ଦରରୁ ନୂଆଦିଲ୍ଲୀ ଫେରି ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଉପରାଷ୍ଟ୍ରପତି ଭେଙ୍କେୟା ନାଇଡୁ ଆଜି ବଲାଙ୍ଗିର ଅଭିମୁଖେ ଆସି ବରକାନୀରେ ଏଲପିଜି ବଟଲିଂ ପ୍ଲାଂଟକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପଣ କରିବା ନେଇ କାର୍ଯ୍ୟକ୍ରମ ରହିଥିଲା । ପଶ୍ଚିମ ଓଡିଶାରେ ବଢୁଥିବା ଏଲପିଜି ଚାହିଦାକୁ ନଜରରେ ରଖି ବରକାନୀରେ ଏଲପିଜି ବଟଲିଂ ପ୍ଲାଂଟ ୧୪ଟି ଜିଲ୍ଲାର ଆବଶ୍ୟକତାକୁ ପୂରଣ କରିବ । ୨୦୧୮ ମସିହାରେ ୧୦୩ କୋଟିର ବଜେଟରେ ଏହି ପ୍ଲାଂଟର ଭିତ୍ତି ପ୍ରସ୍ତର ସ୍ଥାପନ ହୋଇଥିଲା । ପ୍ରକଳ୍ପର ଅବଧି ୨୪ ମାସ ଥିଲେ ମଧ୍ୟ ଏହାକୁ ୧୯ ମାସ ମଧ୍ୟରେ ଶେଷ କରାଯାଇଛି ।
ବରକାନୀ ଏଲପିଜି ପ୍ଲାଂଟ ଲୋକାର୍ପଣ ସହିତ ପଶ୍ଚିମ ଓଡିଶାର ସର୍ବ ପୁରାତନ କଲେଜ ରାଜେନ୍ଦ୍ର କଲେଜର ପ୍ଲାଟିନମ୍ ଜୁବଲୀ ଉଦଘାଟନୀ ସମାରୋହରେ ଯୋଗଦେବାର କାର୍ଯ୍ୟକ୍ରମ ଥିଲା । ଉପରାଷ୍ଟ୍ରପତିଙ୍କ ଗସ୍ତ ବାତିଲ ପରେ ରାଜ୍ୟପାଳ ବାରକାନୀ ଏଲପିଜି ବଟଲିଂ ପ୍ଲାଂଟକୁ ଉଦଘାଟନ କରିବା ନେଇ କାର୍ଯ୍ୟକ୍ରମ ସ୍ଥିର ହୋଇଛି ।