ଆଜି ଓଡିଶା ଆସୁଛନ୍ତି ଉପରାଷ୍ଟ୍ରପତି । ବଲାଙ୍ଗୀର ଜିଲ୍ଲାର ୨ଟି କାର୍ଯ୍ୟକ୍ରମରେ ଯୋଗଦେବେ ଭେଙ୍କିୟା ନାଇଡୁ । ବଟଲିଂ ପ୍ଲାଣ୍ଟର କରିବେ ଲୋକାର୍ପଣ
କନକ ବ୍ୟୁରୋ: ଆଜି ଓଡିଶା ଆସୁଛନ୍ତି ଉପରାଷ୍ଟ୍ରପତି ଭେଙ୍କିୟା ନାଇଡୁ । ବଲାଙ୍ଗିର ଗସ୍ତରେ ଆସୁଛନ୍ତି ଉପରାଷ୍ଟ୍ରପତି । ବଲାଙ୍ଗିର ଉପକଣ୍ଠ ବରକାନୀରେ ଏଲପିଜି ବଟଲିଂ ପ୍ଲାଣ୍ଟକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପଣ କରିବେ । ପଶ୍ଚିମ ଓଡିଶାରେ ବଢୁଥିବା ଏଲପିଜି ଚାହିଦାକୁ ନଜରରେ ରଖି ବରକାନୀରେ ଏଲପିଜି ବଟଲିଂ ପ୍ଲାଣ୍ଟ ୧୪ଟି ଜିଲ୍ଲାର ଆବଶ୍ୟକତାକୁ ପୂରଣ କରିବ । ୨୦୧୮ ମସିହାରେ ୧୦୩ କୋଟିର ବଜେଟରେ ଏହି ପ୍ଲାଣ୍ଟର ଭିତ୍ତି ପ୍ରସ୍ତର ସ୍ଥାପନ ହୋଇଥିଲା । ପ୍ରକଳ୍ପର ଅବଧି ୨୪ ମାସ ଥିଲେ ମଧ୍ୟ ଏହାକୁ ୧୯ ମାସ ମଧ୍ୟରେ ଶେଷ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଉପରାଷ୍ଟ୍ରପତି ସକାଳ ୯ଟା ୧୫ରେ ବଲାଙ୍ଗିର ହେଲିପ୍ୟାଡରେ ପହଞ୍ଚିବେ ଆଉ ସେଠାରୁ ସଡକ ପଥରେ ଯାଇ ୯ଟା ୩୦ରେ ପ୍ଲାଣ୍ଟରେ ପହଞ୍ଚିବେ । ଆଉ ସେଠାରୁ ୧୦ଟା ୧୫ରେ ବାହାରି ପଶ୍ଚିମ ଓଡିଶାର ସର୍ବ ପୁରାତନ କଲେଜ ରାଜେନ୍ଦ୍ର କଲେଜର ପ୍ଲାଟିନମ୍ ଜୁବଲୀ ଉଦଘାଟନୀ ସମାରୋହରେ ଯୋଗଦେବେ । ରାଜେନ୍ଦ୍ର କଲେଜକୁ ୭୫ ବର୍ଷ ପୂରଣ ହେବା ଅବସରରେ ଏହି ଉତ୍ସବର ଆୟୋଜନ ହେଉଛି । ଏଥିପାଇଁ ବଲାଙ୍ଗୀର ଗାନ୍ଧି ଷ୍ଟାଡିୟମ ଏବଂ ବରକାନୀ ଉଭୟ ସ୍ଥାନରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସମସ୍ତ ପ୍ରସ୍ତୁତି ମଧ୍ୟ ଶେଷ ହୋଇଛି । ତ୍ରିସ୍ତରୀୟ ସୁରକ୍ଷାରେ ୩୦ ପ୍ଲାଟୁନ୍ ଫୋର୍ସ ମୁତୟନ ହୋଇଛନ୍ତି ।