ଏଠି ଭୋକରେ ଆଉଟୁପାଉଟୁ ହେଉଛନ୍ତି କୋଟିପତି ଲୋକ : ବସ୍ତା ଭର୍ତ୍ତି ଟଙ୍କା ଦେଲେ ବି ମିଳୁନି ଖାଦ୍ୟ, ଜାଣନ୍ତୁ ସଂକଟର କାରଣ
ଆଜି ଆମେ ଭେନେଜୁଏଲା ଦେଶ ବିଷୟରେ ଜଣାଇବାକୁ ଯାଉଛୁ । ଏହା ଏମିତି ଏକ ଧନୀ ଦେଶ, ଯେଉଁଠି ଲୋକମାନେ କସମେଟିକ୍ସ(ସୈାନ୍ଦର୍ଯ୍ୟ ବର୍ଦ୍ଧକ ସାମଗ୍ରୀ) ଉପରେ ବିଶ୍ୱରେ ସବୁଠାରୁ ଅଧିକ ଖର୍ଚ୍ଚ କରନ୍ତି । ଏହା ବିଶ୍ୱର ସବୁଠାରୁ ବଡ ତେଲ ଉତ୍ପାଦକ ଦେଶ ମଧ୍ୟରୁ ଅନ୍ୟତମ । ଏଠି ପେଟ୍ରୋଲ ୫୦ ପଇସା ପ୍ରତି ଲିଟର ଅଛି । ଆଜି ସେଇ ଦେଶ ଏମିତି ପରିସ୍ଥିତିରେ ଅଛି ଯେ, ବସ୍ତା ଭର୍ତ୍ତି କରି ଟଙ୍କା ନେଲେ ସୁଦ୍ଧା ପେଟ ପୁରା ଗଣ୍ଡେ ଖାଇବାକୁ ମିଳୁନି । ଲୋକ ଖାଇବା ପାଇଁ ପରସ୍ପରର ଶତ୍ରୁ ପାଲଟିଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଠି ସ୍ଥିତି ଏମିତି ଅଛି ଯେ, ପଶୁଙ୍କୁ ମାରି ତାଙ୍କର ମାଂସ ନିଜ ଘରକୁ ନେଇଯାଉଛନ୍ତି । ଦୋକାନ ଓ ସାର୍ବଜନିକ ସ୍ଥାନରୁ ଜିନିଷ ଲୁଟ୍ କରୁଛନ୍ତି । ପ୍ରତିଦିନ ବିରୋଧ ପ୍ରଦର୍ଶନ ହେଉଛି ଓ ଲୋକଙ୍କ ମୃତ୍ୟୁ ହେଉଛି । ଏହି ଦେଶରେ କୋଟିପତି ଲୋକ ଖାଇବା ପାଇଁ ବିକଳ ହୋଇଯାଉଛନ୍ତି । ସରକାର ଦୃଢ଼ କାର୍ଯ୍ୟାନୁଷ୍ଠାନ ନେବା ଛାଡି, ଲଗାତାର ନୋଟ୍ ଛାପୁଛନ୍ତି । ଯଦ୍ୱାରା ସଂକଟ ଆହୁରି ଗମ୍ଭୀର ହେବାର ସମ୍ଭାବନା ଅଛି ।
ସଂକଟ ର କାରଣ କ’ଣ ?
ଗତ ୫ବର୍ଷରେ ଏହି ଦେଶର ଅର୍ଥନୀତି ୫୦% ଠାରୁ ଅଧିକ ସଙ୍କୁଚିତ ହୋଇଯାଇଛି । ମୋଟ୍ ରପ୍ତାନୀରେ ୯୬% ତେଲ ଅଛି । ଆମେରିକା ଓ ଅନ୍ୟ ଦେଶ ଗୁଡିକର ପ୍ରତିବନ୍ଧକ ଫଳରେ ସମସ୍ତ ଦେଶ ଭେନେଜୁଏଲା ଠାରୁ ତେଲ ଆଣିବା ବନ୍ଦ କରିଦେଇଛନ୍ତି । ସେଥିପାଇଁ ତାଙ୍କର ଅର୍ଥନୀତି ପୁରା ଶୋଇପଡିଛି । ତେଲର ବିକ୍ରି କମିଯାଇଛି । ଏଠି ପ୍ରତି ୧୭ନଂ ଦିନରେ ବସ୍ତୁ ର ମୂଲ୍ୟ ଦୁଇଗୁଣା ହୋଇଯାଉଛି ।
ଭେନେଜୁଏଲାର ମୁଦ୍ରା ବୋଲିୱର । ଗୋଟିଏ ଡଲାରର ମୂଲ୍ୟ ୩୫ ଲକ୍ଷ ବୋଲିବର ସମାନ । ଏହି ଦେଶ ତୁର୍କୀର ସହାୟତାରେ ଆର୍ଥିକ ସଂକଟ ଠାରୁ ବାହାରିବାର ରାସ୍ତା ଖୋଜୁଛି । ସେଠାକାର ସେଣ୍ଟ୍ରାଲ ବ୍ୟାଙ୍କ ପ୍ରତିବନ୍ଧକ କାରଣରୁ ସ୍ୱିଜରଲାଣ୍ଡ ପରିବର୍ତ୍ତେ ତୁର୍କୀକୁ ନିଜର ସୁନା ରପ୍ତାନୀ କରୁଛି । ଭେନେଜୁଏଲା ବର୍ଷ ୨୦୧୮ରେ ୭୭୯ ମିଲିୟନ ସୁନା ତୁର୍କୀ କୁ ରପ୍ତାନୀ କରୁଛି ।