ତୈଳ ଦର ଉପରେ ଭାଟ୍ କମ୍ କରିବେ ନାହିଁ ଯୋଗୀ ସରକାର ! ଜାଣନ୍ତୁ କ’ଣ ରହିଛି କାରଣ
କନକ ବ୍ୟୁରୋ : ଗତକାଲି ଗୁଜରାଟରେ ତୈଳ ଦର ଉପରେ ଭାଟ୍ କମାଇଛନ୍ତି ରାଜ୍ୟ ସରକାର । ତେବେ ବର୍ତ୍ତମାନ ସମୟରେ ସବୁ ରାଜ୍ୟରେ ସରକାର ଏନେଇ ବିଚାର ବିମର୍ଷ କରୁଛନ୍ତି । କିନ୍ତୁ ଏପରିସ୍ଥଳେ ଉତ୍ତରପ୍ରଦେଶରେ ତୈଳ ଦର ଉପରେ ଭାଟ୍ କମିବାର ବିଲକୁଲ ଆଶା ଦେଖାଯାଉନାହିଁ । କିଛି ଦିନ ପୂର୍ବରୁ ରାଜ୍ୟରେ କୃଷୠଣ ଛାଡ଼ କରିଥିଲେ ଯୋଗୀ ସରକାର । କୃଷିଋଣ ଛାଡ଼ କରବା ପରେ ପୁଣି ଆଉ ଏକ ବୋଝ ମୁଣ୍ଡେଇବା ଅବସ୍ଥାରେ ନାହାନ୍ତି ସରକାର । ଅନ୍ୟ ରାଜ୍ୟରେ ଭାଟ୍ ମୂଲ୍ୟ ହ୍ରାସ ହୋଇ ପେଟ୍ରୋଲ ଓ ଡିଜେଲ ଦାମରେ କମିବା ସତ୍ୱେ ଉତ୍ତରପ୍ରଦେଶରେ ଭାଟ୍ କମିବାର କୌଣସି ଆଶା ଦେଖାଯାଉ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟର ବାଣିଜ୍ୟ କର ବିଭାଗକୁ ଭାଟ୍ ହଟାଇବା ପାଇଁ ଏବେ ପର୍ଯ୍ୟନ୍ତ ଯୋଗୀ ସରକାରଙ୍କ ତରଫରୁ କୌଣସି ପ୍ରସ୍ତାବ ମିଳିନାହିଁ । ଯୋଗୀ ସରକାର କିଛି ଦିନ ପୂର୍ବରୂ ରାଜ୍ୟରେ କୃଷି ଋଣଛାଡ଼ କରିଥିଲେ । ଯେଉଁଥିରେ ପ୍ରଥମରୁ ହିଁ ସରାକରଙ୍କ ଉପରେ ୩୬ ହଜାର କୋଟିର ଅତିରିକ୍ତ ବୋଝ ବଢ଼ିଯାଇଛି । ଏପରିସ୍ଥଳେ ରାଜ୍ୟର ବାଣିଜ୍ୟ କର ବିଭାଗ ଯାହାର ସବୁଠାରୁ ବଡ଼ ଆୟ ପେଟ୍ରାଲ ଓ ଡିଜେଲର ଭାଟରୁ ହିଁ ଆସୁଛି, ଏବେ ସେ ଭାଟ କମେଇବା ସପକ୍ଷରେ ନାହାନ୍ତି ।
ପାଟଣା, ଭୋପାଳ, ଡେରାଡ଼ୁନ୍ ପରି ଅନେକ ସହର ତୁଳନାରେ ଉତ୍ତରପ୍ରଦେଶରେ ପେଟ୍ରୋଲ ଓ ଡିଜେଲର ମୂଲ୍ୟ କମ ଅଛି । ଅନେକ ରାଜ୍ୟରେ ପେଟ୍ରୋଲ ପ୍ରତି ଲିଟର ୪ ଟଙ୍କା ଓ ଡିଜେଲ ପ୍ରତି ଲିଟର ପିଛା ୫ ଟଙ୍କା ଶସ୍ତା ଅଛି । ଏପରିସ୍ଥଳେ ସରର ରାଜନୈତିକ ଦୃଷ୍ଟିକୋଣରୁ ଭାଟ୍ ହ୍ରାସ କରିବା ପାଇଁ ଚାପ ପକାଇପାରନ୍ତି କିନ୍ତୁ ଏବେ ବାଣିଜ୍ୟ କର ବିଭାଗ ଭାଟ୍ କମ କରିବା ସପକ୍ଷରେ ନାହିଁ ।
ସୂଚନାଯୋଗ୍ୟ ଗତକାଲି ଗୁଜରାଟରେ ତୈଳ ଦର ଉପରେ ଭାଟ୍ କମ କରିଛନ୍ତି ରାଜ୍ୟ ସରକାର । କେନ୍ଦ୍ର ସରକାରଙ୍କ ପରାମର୍ଶ ପରେ ତୈଳ ଦରରେ ୪ପ୍ରତିଶତ ଭାଟ କମ କରିବାକୁ ନିଷ୍ପତି ନେଇଥିଲେ ଗୁଜରାଟ ସରକାର । ଏନେଇ ଗତକାଲି ଗୁଜରାଟ ସରକାର ଘୋଷଣା କରିଥିଲେ । ଏହାଦ୍ୱାରା ତୈଳ ଦର ଉପରୁ ଭାଟ ହ୍ରାସ କରିବାରେ ଗୁଜରାଟ ପ୍ରଥମ ରାଜ୍ୟ ହୋଇଛି ।
ତୈଳ ଦରରେ ୪ପ୍ରତିଶତ ଭାଟ କମିବା ପରେ ପେଟ୍ରୋଲ ଲିଟର ପିଛା ୨ଟଙ୍କା ୯୩ପଇସା କମିବା ସହ ୬୭ଟଙ୍କା ୩ ପଇସା ହେବ । ଏହାସହ ଡିଜେଲ ଦର ୨ଟଙ୍କା ୭୨ ପଇସା ଶସ୍ତା ହୋଇ ନୂଆ ଦର ୬୦ଟଙ୍କା ୭୭ ପଇସା ହେବ । ଗତକାଲି ମଧ୍ୟରାତ୍ରରୁ ନୂଆ ଦର ଲାଗୁ ହୋଇଛି । ନିକଟରେ ତୈଳ ଦର ବୃଦ୍ଧି ନେଇ କେନ୍ଦ୍ର ସରକାରଙ୍କ ଉପରେ ଚାପ ପଡିବାରୁ ଉତ୍ପାଦନ କର ୨ଟଙ୍କା ହ୍ରାସ ଘୋଷଣା କରିଥିଲେ ସରକାର । ପେଟ୍ରୋଲ ଓ ଡିଜେଲ ଉପରେ ଆମଦାନୀ ଶୁଳ୍କ ୨ଟଙ୍କା କମ କରିବା ପରେ କେନ୍ଦ୍ର ସରକାର ରାଜ୍ୟ ସରକାରମାନଙ୍କୁ ୫ ପ୍ରତିଶତ ଭାଟ୍ କମାଇବାକୁ ପରାମର୍ଶ ଦେଇଥିଲେ ।