ବାହାଘର ପାଇଁ ବରଫ ଉପରେ ୧୦ କମି ବାଟ ଚାଲିଚାଲି ଗଲା ବର ଓ ତାହାପରେ ହେଲା ବାହାଘର
ସାରା ଦେଶରେ ବର୍ତମାନ ସମୟରେ ପ୍ରବଳ ମାତ୍ରାରେ ବରଫ ବର୍ଷିବାରେ ଲାଗିଛି
କନକ ବ୍ୟୁରୋ : ସାରା ଦେଶରେ ବର୍ତମାନ ସମୟରେ ପ୍ରବଳ ମାତ୍ରାରେ ବରଫ ବର୍ଷିବାରେ ଲାଗିଛି । ଗଛପତ୍ର, ଘରଦ୍ୱାର ଆଦି ସମସ୍ତ ସ୍ଥାନ ବରଫରେ ଘୋଡାଇ ହୋଇ ରହିଛି । ସେଠାରେ ରହୁଥିବା ଲୋକମାନେ ଏହି କାରଣ ପାଇଁ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି । ବରଫ ଯୋଗୁଁ ଅନେକ ରାସ୍ତା ଏବେବି ବନ୍ଦ ରହିଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଯେ, ବରଫ ଆସ୍ତରଣ ଯୋଗୁଁ ଏକ ବିବାହ ଉତ୍ସବରେ ବର ଓ ବରଯାତ୍ରୀମାନେ ପାଖାପାଖି ୧୦ କିଲୋମିଟର ପର୍ଯ୍ୟନ୍ତ ଚାଲିଚାଲି ଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯାହା ବର୍ତମାନ ସମୟରେ ସେଠାରେ ଚର୍ଚ୍ଚାର ବିଷୟ ହୋଇଛି । ବାହାଘର ଏକ ଏପରି କାମ ଯାହାକି ୨ ଜଣଙ୍କୁ ଏକତ୍ରୀତ କରିଥାଏ । ତେବେ ଏପରି ବନ୍ଧନରେ ବାନ୍ଧିହେବା ପାଇଁ ବରପାତ୍ରଙ୍କୁ ୧୦ କିମି ଚାଲିବା ପାଇଁ ପଡିଲା । କାରଣ ଏହାବିନା କୌଣସି ଗତି ନଥିଲା କନ୍ୟାଘରକୁ ଯିବା ପାଇଁ ହେଲେ ବରଫ ରାସ୍ତା ଅତିକ୍ରମ କରିବା ପାଇଁ ପଡିବ । ପରମ୍ପରା ଅନୁସାରେ ବାହାଘର ସରିବା ପରେ ବର ସହ କନ୍ୟା ବିଦା ହୋଇଥାଏ ।
ତେବେ ସେଠାରେ ମଧ୍ୟ ସେଇଆ ହିଁ ହୋଇଥିଲା । ବାହାଘର ସରିବା ପରେ ବର ଓ କନ୍ୟା ଉଭୟଙ୍କୁ ବିଦା କରିଥିଲେ କନ୍ୟାଘର ପକ୍ଷ । ରାସ୍ତାରେ ବରଫ ଥିବାରୁ ସେମାନେ ପ୍ରଥମେ ବରଫକୁ ଚିରି ଏର କୃତ୍ରିମ ରାସ୍ତା ନିର୍ମାଣ କରିଥିଲେ ।ଆଉ ଏହାପରେ ହିଁ ଆରମ୍ଭ ହୋଇଥିବା ବିଦାୟୀ ପର୍ବ । ଏପରି ଘଟଣା ଜଣାପଡିବା ପରେ ସାରା ଜିଲ୍ଲାରେ ଚର୍ଚ୍ଚା ଜୋର ଧରିଥିଲା । ଏହି ବାହାଘରକୁ ସମସ୍ତେ ମନେରଖିବେ କାରଣ ବର ପ୍ରଥମଥର ପାଇଁ ୧୦ କିମି ଚାଲିଚାଲି ଯାଇଥିଲେ ।