ମିରଟରେ ଅଭାବନୀୟ କାଣ୍ଡ । ବାପାର ଚାପୁଡା ବଦଳରେ ପୁଅ ଚଳାଇଲା ଗୁଳି, ଚାଲିଗଲା ବାପାଙ୍କ ଜୀବନ
ବାପା ତାକୁ ବୁଝାଇବାପାଇଁ ଚେଷ୍ଟା କରିବା ସହ ତାଙ୍କ କଥାରେ ପୁଅ ଅମାନ ହେବାରୁ ତାକୁ ଚାପୁଡା ମାରିଥିଲେ
କନକ ବ୍ୟୁରୋ : ସାଧାରଣ ଭାବରେ ପିଲାମାନେ କୌଣସି ପ୍ରକାର ବଦମାସି କଲେ କିମ୍ବା ଦୁଷ୍ଟାମି କଲେ ତାହାକୁ ତାର ବାପା ଓ ମା ସଜାଡି ଥାଅନ୍ତି । ତେଣୁ ଏହା ପରିବାର ମଧ୍ୟରେ ଏକ ନିତିଦିନ କଥା । ତେବେ ଏହି ସାମନ୍ୟ କଥାରୁ ଏପରି ଏକ ଘଟଣା ଘଟିଛି ଯାହାକୁ କେହି କେବେ ବିଶ୍ୱାସ କରିପାରିବେ ନାହିଁ । ମିଳିଥିବା ସୂଚନା ଅନୁସାରେ ମିରଟର ଏକ ପିଲା କୌଣସି ଭୁଲ କାମ କରିଥିଲା । ତେବେ ଏହା ଜାଣିପାରି ତାହାର ବାପା ତାକୁ ଚାପୁଡା ମାରିଥିଲେ । ହେଲେ ଏହାର ପରିଣତି ଯେ, କଣ ହେବ ତାହା କେହି ଜାଣି ନଥିଲେ ବା କଳ୍ପନା ବି କରିନଥିଲେ । ତେବେ ମିଳିଥିବା ସୂଚନା ଅନୁସାରେ , ବାପାର ଚାପୁଡା ବଦଳରେ ପୁଅ ଚଳାଇଛି ଗୋଲି । ଏହା ପରେ ସେହି ପୁଅର ଗୁଳିରେ ହିଁ ଚାଲିଗଲା ବାପାଙ୍କ ଜୀବନ । ଏହି ଘଟଣା ଜଣାପଡିବା ପରେ ଘଟଣାସ୍ଥଳରୁ ହିଁ ପୁଅ ଫେରାର ହୋଇଥିବା ଜଣାପଡିଛି । ଏହା ପରେ ସ୍ଥାନୀୟ ପୋଲିସ ଘଟଣାର ତଦନ୍ତ ପ୍ରକ୍ରିୟା ଜାରି ରହିଥିବା ସୂଚନା ମିଳିଛି । ହେଲେ ଏପରି ଘଟଣା ଜଣାପଡିବା ପରେ ସ୍ଥାନୀୟ ଅଚଂଳରେ ଲୋକମାନଙ୍କ ପ୍ରବଳ ଭିଡ ଜମିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ପ୍ରକୃତ ଘଟଣା ଜାଣିବା ପାଇଁ ସ୍ଥାନୀୟ ଲୋକମାନଙ୍କୁ ପୋଲିସ ପଚରା ଉଚରା କରିବାପରେ ଜଣାପଡିଥିଲା ଯେ, ମିରଟରେ ରହୁଥିବା ଜଣେ ଯୁବକ କୌଣସି କାମ ଧନ୍ଦା କରୁନଥିଲା । ତେଣୁ ପରିବାରରେ ଥିବା ଲୋକମାନେ ତାହାକୁ କୈାଣସି କାମ କରିବା ସହ କିପରି ଭାବରେ ନିଜେ କାମ କରି ପେଟ ପୋଷି ହେବ ସେନେଇ ବୁୁଝାଇବା ପାଇଁ ଚେଷ୍ଟା କରିଥିଲେ ମଧ୍ୟ ସଫଳ ହୋଇନଥିଲେ । ପରେ ଶେଷରେ ବାପା ତାକୁ ବୁଝାଇବାପାଇଁ ଚେଷ୍ଟା କରିବା ସହ ତାଙ୍କ କଥାରେ ପୁଅ ଅମାନ ହେବାରୁ ତାକୁ ଚାପୁଡା ମାରିଥିଲେ । ହେଲେ ସେ ଜାଣଇନଥିଲେ ଯେ, ତାଙ୍କର ଗୋଟିଏ ଚାପୁଡ ପାଇଁ ନିଜର ଜୀବନ ଚାଲିଯିବ । ତେବେ ପୁଅର ଏପରି କାମ ପରେ ପରିବାରର ଅନ୍ୟ ଲୋକମାନେ ତାରୁ ଫେରାର କରିବା ପାଇଁ ସାହାଯ୍ୟ କରିଥିବା ନେଇ ମଧ୍ୟ ଜଣାପଡିଛି । କେବଳ ଏତିକି ନୁହେଁ ଗୁଳିର ଶଦ୍ଦ ଶୁଣି ପାଖ ଲୋକମାନେ ଦୌଡି ଆସିବା ପରେ ମଧ୍ୟ ପରିବାର ଲୋକ ଘଟଣାକୁ ଲୁଚାଇବା ପାଇଁ ସମସ୍ତ ପ୍ରକାର ଉଦ୍ୟମ କରିଥିଲେ । ହେଲେ ପଡୋଶୀ ମାନଙ୍କ ସନ୍ଦେହ ହେବାରୁ ପୋଲିସକୁ ଖବର ଦେଇଥିଲେ ଓ ଏହା ପରେ ହିଁ ସମସ୍ତ ଘଟଣାରୁ ପରଦା ହଟିଥିଲା ।