କନକ ବ୍ୟୁରୋ : ଉତରପ୍ରଦେଶ ରାଜନୈତିକ ପରିସ୍ଥିତି ନେଇ ଆଶା ଓ ଆଶଙ୍କା ଲାଗି ରହିଛି । ପୁଅ ଅଖିଳେଶଙ୍କୁ ଦଳରୁ ବହିଷ୍କାର ପରେ ଗୁରୁତ୍ୱପୂର୍ଣ ବୈଠକ ଡକାଇଛନ୍ତି ସମାଜବାଦୀ ପାର୍ଟି ସୁପ୍ରିମୋ ମୁଲାୟମ ସିଂ ଯାଦବ । ଦଳର ପ୍ରମୁଖ ନେତା ଆଜମ୍ ଖାନ୍ ମୁଲାୟମଙ୍କୁ ସାକ୍ଷାତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିଛି ସମୟ ପରେ ଏହି ବୈଠକ ଅନୁଷ୍ଠିତ ହେବାକୁ ଥିବା ବେଳେ ସେପଟେ ନିଜ ବାପାଙ୍କ ଦ୍ୱାରା ଦଳରୁ ବହିଷ୍କୃତ ନେତା ମୁଖ୍ୟମନ୍ତ୍ରୀ ତଥା ଅଖିଳେଶ ଯାଦବ ମଧ୍ୟ ଗୁରୁତ୍ୱପୂର୍ଣ ବୈଠକ ଡକାଇଛନ୍ତି । ଅଖିଳେଶଙ୍କ ବାସଭବନରେ ଚାଲିଛି ଏହି ବୈଠକ ।
ଶହେରୁ ଅଧିକ ବିଧାୟକ ବୈଠକରେ ଯୋଗ ଦେଇ ଅଖିଳେଶଙ୍କ ସମର୍ଥନରେ ଦସ୍ତଖତ କରିଛନ୍ତି । ଆହୁରି ଅଧିକ ବିଧାୟକ ଏହି ବୈଠକରେ ପହଂଚୁଥିବା ସୂଚନା ମିଳିଛି । ବୈଠକକୁ ମୋବାଇଲ ଫୋନ୍ ନେବା ମନା ହୋଇଛି । ଅଖିଳେଶଙ୍କ ଦାଦା ତଥା ସମର୍ଥକ ପ୍ରଫେସର ରାମଗୋପାଳ ଯାଦବ ମଧ୍ୟ ଅଖିଳେଶଙ୍କ ଘରେ ଚାଲିଥିବା ଏହି ବୈଠକରେ ଉପସ୍ଥିତ ଅଛନ୍ତି ।