ବର ମୁଣ୍ଡରେ ବନ୍ଧୁକ ଲଗାଇ ଉଠାଇନେଲା ପ୍ରେମିକା ! ଜାଣନ୍ତୁ କିଏ ଏହି ରିଭଲଭର୍ ରାଣୀ
ଲାଇଟ୍ , ଆକ୍ସନ୍ , କ୍ୟାମେରା । ବାସ୍ ଏତିକି ରହିଯାଇଥିଲା । କାରଣ ବାକି ଯାହା ଘଟିଗଲା ତାହା କୌଣସି ସିନେମା ସୁଟିଂ ଠାରୁ କମ୍ ନଥିଲା । ଘଟଣାଟି ହେଉଛି ଉତ୍ତରପ୍ରଦେଶ ହମିରପୁରର । ଯେଉଁଠି ବର ମୁଣ୍ଡରେ ବନ୍ଧୁକ ଲଗାଇ ବିବାହ ମଣ୍ଡପରୁ ଉଠାଇନେଇଛି ପ୍ରେମିକା ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ବିବାହ କରୁଥିବା ଯୁବକ ଅଶୋକ ଯାଦବଙ୍କର ଜଣେ ଯୁବତୀଙ୍କ ସହିତ ପ୍ରେମ ସମ୍ପର୍କ ଥିଲା । ମାତ୍ର ଏ କଥାକୁ ଲୁଚାଇ ଅଶୋକ ଅନ୍ୟତ୍ର ବିବାହ କରିବାକୁ ବରଯାତ୍ରୀ ସହିତ କନ୍ୟା ଘରେ ପହଞ୍ଚିଥିଲେ । ତେବେ ଏହି ବିବାହ ସମ୍ପର୍କରେ ଖବର ପାଇଥିଲେ ଅଶୋକଙ୍କ ପ୍ରେମିକା । ବାସ୍, ସାଙ୍ଗରେ କିଛି ବନ୍ଧୁୁ ଓ ହାତରେ ବନ୍ଧୁକ ଧରି ପହଞ୍ଚିଥିଲେ ବିବାହ ମଣ୍ଡପରେ । ଆଉ କେହି କିଛି ବୁଝିବା ପୂର୍ବରୁ ଅଶୋକଙ୍କ କାନମୁଣ୍ଡାରେ ବନ୍ଧୁକ ଳଗାଇ ଗାଡ଼ିରେ ଅପହରଣ କରି ଫେରାର ହୋଇ ଯାଇଥିଲେ ପ୍ରେମିକା ।
ଏ ନେଇ ପୁଲିସରେ ଖବର ଦିଆଯିବା ପରେ ପୁଲିସ ଅଶୋକର ସାନଭାଇ ଜିତେନ୍ଦ୍ରକୁ ଥାନାରେ ଅଟକ ରଖି ପଚରା ଉଚରା କରୁଛି । ସେହିପରି ଅଶୋକର ବାପା ରାମ ଯାଦବ କହିଛନ୍ତି ଯେ ତାଙ୍କ ପୁଅର ଅନ୍ୟ କୌଣସି ଝିଅ ସହିତ ସମ୍ପର୍କ ଥିବା ସମ୍ପର୍କରେ ସେ ଜାଣି ନ ଥିଲେ । ଏ ନେଇ ହମିରପୁର ଏସଏସପି ବ୍ରଜେଶ ମିଶ୍ର କହିଛନ୍ତି ଯେ ଅଶୋକଙ୍କୁ ଖୋଜିବା ପାଇଁ ତଲାସି ଜୋରଦାର ଚାଲିଛି । ମାତ୍ର ଅଶୋକଙ୍କର କୌଣସି ପତ୍ତା ମିଳି ନାହିଁ।