ବସପା ନେତାଙ୍କ ବିବାଦୀୟ ବୟାନ ! କହିଲେ ବିଜେପୀ ବାଲାଙ୍କୁ ଗୋଡାଇ ଗୋଡାଇ ପିଟିବୁ , ମରିଥିବା ଜେଜେମା’ ମନେ ପକାଇଦେବୁ ।
ଉତ୍ତର ପ୍ରଦେଶ ବହୁଜନ ସମାଜ ପାର୍ଟିର ଅଧ୍ୟକ୍ଷ ମାୟାବତୀଙ୍କ ଜନ୍ମଦିନରେ ହୋଇଥିବା କାର୍ଯ୍ୟକ୍ରମ ସମୟରେ ପୂର୍ବ ବସପା ବିଧାୟକ ବିଜୟ ଯାଦବଙ୍କ ବିବାଦୀୟ ବୟାନ ଏବେ ସାମ୍ନାକୁ ଆସିଛି । ସେ ବିଜେପିକୁ ସବୁଠାରୁ ବଡ ଭ୍ରଷ୍ଟ ପାର୍ଟି କହିବା ସଙ୍ଗେ ସଙ୍ଗେ କହିଥିଲେ ଯେ ଲୋକସଭା ନିର୍ବାଚନ ପାଖେଇ ଆସୁଛି । ଆମେ ବିଜେପି ଲୋକଙ୍କୁ ଗୋଡାଇ ଗୋଡାଇ ପିଟିବୁ , ଡରିବାର କୌଣସି ଆବଶ୍ୟକତା ନାହିଁ । ସେ କହିଥିଲେ କି ସପା ଏବଂ ବସପାର କାର୍ଯ୍ୟକର୍ତ୍ତା ବିଜେପିବାଲାଙ୍କୁ ମଜା ଚକ୍ଷାଇବେ ।
Kanak News is now on WhatsApp
Join and get latest news updates delivered to you via WhatsApp
ମୁରାଦାବାଦରେ ମଙ୍ଗଳବାର ହୋଇଥିବା ସପା ଏବଂ ବସପାର ଏକ କାର୍ଯ୍ୟକ୍ରମରେ ମାୟାବତୀ ଏବଂ ସପା ସାଂସଦ ଡିମ୍ପଲ ଯାଦବଙ୍କ ଜନ୍ମଦିନ ପାଳନ କରାଯାଉଥିଲା । ଏଠାରେ ସମ୍ବୋଧିତ କରୁଥିବା ବସପା ପୂର୍ବ ବିଧାୟକ ବିଜୟ ଯାଦବ ଗୋଟିଏ ବିବାଦୀୟ ବୟାନ ଦେଇଥିଲେ । ସଭାରେ ସେ କହିଥିଲେ ଏହି ବିଜେପିବାଲାଙ୍କୁ ତ ଆମେ ଗୋଡାଇ ଗୋଡାଇ ପିଟିବୁ , ଡରିବାର କୌଣସି ଆବଶ୍ୟକତା ନାହିଁ । ଆଜି ତାଙ୍କୁ ତାଙ୍କ ମରିଥିବା ଜେଜେମା ମନେ ପଡିଯାଇଥିବ । ଆଜି ସପା ଏବଂ ବାସପା ଏକ ହୋଇଗଲା । ପୂର୍ବ ବିଧାୟକ କହିଥିଲେ ଯେ ଦେଶର ସବୁଠାରୁ ବଡ ଭ୍ରଷ୍ଟ ପାର୍ଟି ହେଉଛି ବିଜେପି । କଂଗ୍ରେସ ଚାରୋଟି ଗାନ୍ଧି ଦେଇଛି । ରାଜୀବ ଗାନ୍ଧି,ଇନ୍ଦିରା ଗାନ୍ଧି,ସୋନିଆ ଗାନ୍ଧି ଏବଂ ରାହୁଲ ଗାନ୍ଧି ଏବଂ ବିଜେପି ଦେଶକୁ ମୋଦି ଦେଇଛି । ନିରବ ମୋଦି,ଲଳିତ୍ ମୋଦି ଏବଂ ନରେନ୍ଦ୍ର ମୋଦି । ବିଜେପି ଯାହା କିଛି କରୁଛି ତାହା ଗରୀବଙ୍କ ହିତ ପାଇଁ ନୁହେଁ ବରଂ ଉଦ୍ୟୋଗପତିଙ୍କ ହିତ ପାଇଁ କରୁଛି । ସେ କହିଲେ ସପା-ବସପା ଏକତ୍ର ହେବା ଦେଖି ବିଜେପି ଚେତାଶୂନ୍ୟ ହୋଇଯାଇଥିବ ।