ୟୁପି ବିଧାନସଭାରୁ ପୁଣି ସନ୍ଦିଗ୍ଧ ପାଉଡର ମିଳିବା ପରେ ତନାଘନା ! ସମାଜବାଦୀ ପାର୍ଟି ବିଧାୟକ ମନୋଜ ପାଣ୍ଡେଙ୍କୁ ପଚରାଉଚରା କଲା ଏଟିଏସ୍
କନକ ବ୍ୟୁରୋ: ଉତ୍ତରପ୍ରଦେଶ ବିଧାନସଭାରୁ ବିସ୍ଫୋରକ ମିଳିବା ଘଟଣାରେ ସମାଜବାଦୀ ପାର୍ଟିର ବିଧାୟକଙ୍କୁ ପଚରାଉଚରା କରିଛି ଏଟିଏସ୍ । ଶନିବାର ସମାଜବାଦୀ ପାର୍ଟିର ଜଣେ ବିଧାୟକ ମନୋଜ ପାଣ୍ଡେଙ୍କୁ ଏଟିଏସ୍ ପଚରାଉଚରା କରିଛି । ଆସନ୍ତାକାଲି ସମାଜବାଦୀ ପାର୍ଟିର ଆଉ ଜଣେ ବିଧାୟକ ଅନିଲ ଦୋହରେଙ୍କୁ ମଧ୍ୟ ପଚରା ଉଚରା କରିବ ଏଟିଏସ୍ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ସିଟ୍ ନମ୍ବର ୮୦ ପାଖରେ ବସୁଥିବା ପ୍ରାୟ ଅଧା ଡଜðନ୍ ବିଧାୟକଙ୍କୁ ମଧ୍ୟ ଜେରା କରାଯିବ । ଏହି ମାମଲାରେ ଯେଉଁ ଅନ୍ୟ ବିଧାୟକମାନଙ୍କୁ ଜେରା କରାଯିବ ସେ ସଂପର୍କରେ ଏଯାବତ୍ କୌଣସି ସୂଚନା ଦେଇନାହିଁ ଏଟିଏସ୍ । ଘଟଣା ଦିନ ୟୁପି ବିଧାନସଭାରେ ମୁତୟନ ହୋଇଥିବା ୧୫ ଜଣ ଅଧିକାରୀ ଓ କର୍ମଚାରୀଙ୍କ ବୟାନ ରେକର୍ଡ କରିସାରିଛି ଏଟିଏସ୍ ।
ଉତ୍ତରପ୍ରଦେଶ ବିଧାନସଭାର ଜଣେ ଆସିଷ୍ଟାଂଟ୍ ମାର୍ସଲ୍, ୪ ଜଣ ଇଂଜିନିୟର, ୨ ସୁରକ୍ଷାକର୍ମୀ, ବିଡିଏସ୍ ଏବଂ ଡଗ୍ ସ୍କ୍ୱାଡରେ ମୁତୟନ ଜଣେ ଏସି ଅପରେଟରଙ୍କ ସମେତ ୭ ଜଣ ଚତୁର୍ଥ ଶ୍ରେଣୀ କର୍ମଚାରୀଙ୍କୁ ପଚରାଉଚରା କରିସାରିଛି ଏଟିଏସ୍ । ଏନଆଇଏ ଓ ୟୁପି ଏଟିଏସ୍ ମିଳିତ ଭାବେ ତଦନ୍ତ କରୁଥିବା ବେଳେ ସିସିଟିଭି ଫୁଟେଜକୁ ବି ଯାଂଚ କରିଛନ୍ତି । ଗୁରୁବାର ୟୁପି ବିଧାନସଭା ଭିତରୁ ୧୫୦ଗ୍ରାମ ପିଇଟିଏନ ବିସ୍ଫୋରକ ଉଦ୍ଧାର ହୋଇଥିଲା ।