ଖାରବେଳଙ୍କ ଉପରେ ଆକ୍ରମଣ: ରାୟଗଡା କାଶୀପୁରରେ ସଭା କରୁଥିବା ବେଳେ ମୁହଁକୁ ମାଡ଼ ମାରିଲେ ଯୁବକ, ରାଜନୈତିକ ମହଲରେ ନିନ୍ଦା
ଫେସବୁକରେ ଭିଡିଓ ସେୟାର କଲେ ଖାରବେଳ
କନକ ବ୍ୟୁରୋ: ପୁଣି ସଭା ମଂଚରେ ଖାରବେଳ ସ୍ୱାଇଁଙ୍କୁ ଆକ୍ରମଣ । ଉତ୍କଳ ଭାରତ ମୁଖ୍ୟ ଖାରବେଳ ସ୍ୱାଇଁଙ୍କୁ ରାୟଗଡା କାଶିପୁରରେ ଆୟୋଜିତ ଓଡିଶା ଭାଗ୍ୟ ପରିବର୍ତ୍ତନ ସଭାରେ ଆକ୍ରମଣ କରାଯାଇଛି । ଖାରବେଳ ସଭାରେ ବସିଥିବା ବେଳେ ଜଣେ ଯୁବକ ତାଙ୍କ ସହ ଯୁକ୍ତିତର୍କ କରିଥିଲେ । ଏଠାକୁ କାହିଁକି ଆସିଛ ବୋଲି ପ୍ରଶ୍ନ କରିବା ସହ ଯୁବକ ଜଣଙ୍କ ଖାରବେଳଙ୍କ ଟେବୁଲ ଉପରେ ଥିବା ପେପରକୁ ଆଣି ତାଙ୍କ ମୁହଁକୁ ମାରିଛନ୍ତି । ଏଥିରେ ଖାରବେଳଙ୍କ ଚଷମା ଖସିପଡିଥିଲା । ଯେଉଁ ଭିଡିଓଙ୍କୁ ନିଜ ଫେସବୁକ୍ରେ ପୋଷ୍ଟ କରିଛନ୍ତି ଖାରବେଳ ସ୍ୱାଇଁ ।
Kanak News is now on WhatsApp
Join and get latest news updates delivered to you via WhatsApp
କନକ ନ୍ୟୁଜକୁ ଖାରବେଳ ଦେଇଥିବା ସୂଚନା ମୁତାବକ, ଟିକିରିରେ ରାସ୍ତାକଡରେ ସଭା ସାରି ସେମାନେ କାଶିପୁର ଅଭିମୁଖେ ବାହାରି ଥିଲେ । କାଶିିପୁରରେ ଲିଫଲେଟ ବାଂଟିବା ସମୟରେ ଜଣେରୁ ୨ଜଣ ଯୁବକ ତାଙ୍କୁ ଧକ୍କା ମାରିବା ସହିତ ହାଣିଦେବାକୁ ଧମକ ମଧ୍ୟ ଦେଇଥିଲେ । ଏନେଇ ଖାରବେଳ ଥାନାରେ ମଧ୍ୟ ଅଭିଯୋଗ କରିଛନ୍ତି । କାର୍ଯ୍ୟକ୍ରମ ପାଇଁ ପୂର୍ବରୁ ପୋଲିସର ଅନୁମତି ନିଆଯାଇଥିଲା । ଏହା ସତ୍ୱେ ଉକ୍ରଳ ଭାରତ କେଉଁ ଦଳ ଆମେ ଜାଣିନାହୁଁ ।
ତେଣୁ ସଭା କରାଇଦିଆଯିବ ନାହିଁ ବୋଲି ଉକ୍ତ ଯୁବକମାନେ କହିଥିଲେ । ପୂର୍ବ ମଧ୍ୟ କେନ୍ଦ୍ରାପଡା ଆଳିରେ ମଧ୍ୟ ଏମିତି ଏକ ସଭାରେ ତାଙ୍କୁ ଆକ୍ରମଣ ହୋଇଥିଲା । ତେବେ ଏହି ଘଟଣାରେ ବିଜେଡି କର୍ମୀଙ୍କ ସମ୍ପୃକ୍ତି ଥିବା ନେଇ ଅଭିଯୋଗ ହୋଇଛି । ଏହି ଅଭିଯୋଗର ଜବାବ ରଖିଛନ୍ତି ବିଜେଡି ମ୍ରୁଖପାତ୍ର ସସ୍ମିତ ପାତ୍ର ।