ବିମାନ ଯାତ୍ରୀଙ୍କ ପାଇଁ ଖୁସିଖବର ! ଏଣିକି ମଝି ଆକାଶରୁ ଆସିବ ଫୋନ କଲ, ବିମାନରେ କରିପାରିବେ ଇଣ୍ଟରନେଟର ବ୍ୟବହାର, ଟ୍ରାଇର ଜୋରଦାର ଉଦ୍ୟମ
ବିମାନରେ ଯାତ୍ରା କରୁଥିବା ଯାତ୍ରୀଙ୍କ ପାଇଁ ଖୁସିଖବର । ଏବେ ବିମାନ ଭିତରେ ମୋବାଇଲରେ କଲ କରିବା ସହ ଇଣ୍ଟରନେଟ ମଧ୍ୟ ବ୍ୟବହାର କରିପାରିବେ । ପୂର୍ବରୁ ଯାତ୍ରୀଙ୍କ ପାଇଁ ଏଭଳି ସୁବିଧା ଉପଲବ୍ଧ ନଥିଲା । ଏପରିକି ବିମାନରେ ବସିବା ପରେ ହିଁ ମୋବାଇଲକୁ ଫ୍ଲାଇଟ ମୋଡରେ ରଖିବାକୁ କୁହାଯାଉଥିଲା । ଫଳରେ ନେଟୱାର୍କ ରହୁନଥିବାରୁ କଲ କିମ୍ବା ଇଣ୍ଟରନେଟ ବ୍ୟବହାର କରିପାରୁନଥିଲେ ଯାତ୍ରୀ । ଏପରିକି ବିମାନରେ ବସିବା ସହ ସମ୍ପୂର୍ଣ ଭାବେ ବାହ୍ୟ ଜଗତରୁ ବିଚ୍ଛିନ୍ନ ହେଇଯାଉଥିଲେ ଯାତ୍ରୀ । ଏହାଦ୍ୱାରା ଅନେକ ଯାତ୍ରୀ ଅସୁବିଧାର ସମ୍ମୁଖୀନ ମଧ୍ୟ ହୋଇଛନ୍ତି । କିନ୍ତୁ ଏବେ ଏହି ସମସ୍ୟାକୁ ଦୂର କରିବା ପାଇଁ ଅଣ୍ଟା ଭିଡିଛି ଟେଲିକମ ରେଗୁଲେଟର ଅଥରିଟି ଅଫ୍ ଇଣ୍ଡିଆ ବା (ଟ୍ରାଇ) ।
Kanak News is now on WhatsApp
Join and get latest news updates delivered to you via WhatsApp
ଏହି ସମ୍ବନ୍ଧୀୟ ସମସ୍ୟା ଦୂର କରିବା ପାଇଁ ଟ୍ରାଇ ବେସମାରିକ ବିମାନ ସେବା ମନ୍ତ୍ରାଳୟକୁ ଏକ ପ୍ରସ୍ତାବ ପଠାଇବ । ରିପୋର୍ଟ ଅନୁଯାୟୀ, ବିମାନରେ ଯାତ୍ରା କରିବା ବେଳେ ଭଏସ କଲ ଓ ମୋବାଇଲ ଡାଟା ବ୍ୟବହାର କରିବା ନେଇ ଟ୍ରାଇ ଏକ ପ୍ରସ୍ତାବ ପ୍ରସ୍ତୁତ କରିଛି । ଯାହାକୁ ଖୁବଶୀଘ୍ର ବେସାମରିକ ବିମାନ ମନ୍ତ୍ରାଳୟକୁ ପଠାଇବ । ଯଦି ମନ୍ତ୍ରାଳୟ ଟ୍ରାଇର ପ୍ରସ୍ତାବରେ ରାଜି ହୋଇଯାଏ ତେବେ ବିମାନରେ ଭଏସ କଲ କରିବା ସହ ଇଣ୍ଟରନେଟ ମଧ୍ୟ ଚଳାଇପାରିବେ ।
ପୂର୍ବରୁ ସୁରକ୍ଷା କାରଣରୁ ଯାତ୍ରୀଙ୍କୁ ବିମାନରେ ମୋବାଇଲକୁ ଫ୍ଲାଇଟ ମୋଡରେ ରଖିବାକୁ କୁହାଯାଇଥାଏ । ଯାହାଦ୍ୱାରା ମୋବାଇଲରେ ନେଟୱାର୍କ ରହିନଥାଏ ।ତେଣୁ ଭଏସ କଲ କିମ୍ବା ଇଣ୍ଟରନେଟ ବନ୍ଦ ରହିଥାଏ । ମୋବାଇଲ ସେବାକୁ କିପରି ସମସ୍ତ ଲୋକଙ୍କ ନିକଟରେ ପହଞ୍ଚା ଯାଇ ପାରିବ ସେନେଇ ଟ୍ରାଇ ବିଭିନ୍ନ ପଦକ୍ଷେପ ହାତକୁ ନେଉଛି ।