ଆଣ୍ଠୁଗଣ୍ଠି ଜନିତ ସମସ୍ୟାରୁ ପାଆନ୍ତୁ ମୁକ୍ତି ! ବ୍ୟବହାର କରନ୍ତୁ ଲେମ୍ବୁ ଚୋପାରୁ ତିଆରି ଖାସ୍ ତେଲ
ଲେମ୍ବୁକୁ ଖଟାଫଳ ଭାବରେ ବ୍ୟବହାର କରାଯାଏ । ଆମର ଦୈନନ୍ଦିନ ଜୀବନଶୈ÷ଳୀରେ ଲେମ୍ବୁର ଚାହିଦା ବହୁତ ବେଶୀ । ଘରୋଇ ଉପଚାର ଭାବରେ ଲେମ୍ବୁର ବ୍ୟବହାର କୋଉ ପୂରୁଣାକାଳରୁ ରହିଆସିଛି । ଏଥିରେ ଭିଟାମିନ୍-ସି ପ୍ରଚୁର ପରିମାଣରେ ମହଜୁଦ୍ ହୋଇ ରହିଥାଏ, ଏହାବ୍ୟତିତ ଏଥିରେ ଆଂଟିଅକ୍ସିଡାଇଂଟ୍ ଏବଂ ମିନିରାଲ୍ସ ମଧ୍ୟ ରହିଥାଏ ।
Kanak News is now on WhatsApp
Join and get latest news updates delivered to you via WhatsApp
ଲେମ୍ବୁ ଶରୀରରେ ରୋଗ ପ୍ରତିରୋଧକ ଶକ୍ତିିକୁ ବୃଦ୍ଧି କରିଥାଏ, ଯାହାଫଳରେ ଥଣ୍ଡା, କାଶ, ଜ୍ୱର ଆଦି ଆମ ଶରୀରରୁ ବହୁତ ଦୂରରେ ରହିଥାଏ । ଆଣ୍ଠୁଗଣ୍ଠି ଜନିତ ସମସ୍ୟା ପାଇଁ ଲେମ୍ବୁ ଚୋପାରୁ ତିଆରି ଖାସ୍ ତେଲ ବହୁତ ଉପକାରୀ ସାବ୍ୟସ୍ତ ହୋଇଥାଏ ।
ଆଜିକାଲି ଲୋକଙ୍କ ଜୀବନଶୈଳୀରେ ଆଣ୍ଠୁଗଣ୍ଠି ଜନିତ ସମସ୍ୟା ପ୍ରାୟ ସମସ୍ତଙ୍କ ପାଖରେ ଦେଖାଯାଉଛି । ଏହି ଯନ୍ତ୍ରଣାରୁ ମୁକ୍ତି ପାଇବା ପାଇଁ ଲେମ୍ବୁ ଚୋପାରୁ ଏକ ଖାସ୍ ତେଲ ତିଆରି କରିପାରିବା । ଏକ କପ ଅଲିଭ ତେଲ, ୨ଟି ବଡ ଲେମ୍ବୁ, ୫ଟି ୟୁକାଲିପଟାସର ପତ୍ରକୁ ନେଇ ଏହି ତେଲ ତିଆରି କରିପାରିବା ।
ଏହି ଖାସ୍ ତେଲ ତିଆରି କରିବା ପାଇଁ ପ୍ରଥମେ ଲେମ୍ବୁର ଚୋପାକୁ ଛୋଟ ଛୋଟ ଖଣ୍ଡ କାଟି ଗୋଟିଏ ଜାରରେ ରଖିବା ସେଥିରେ ଅଲିଭ ତେଲକୁ ମିଶାଇବା । ଗୋଟିଏ କଥା ପ୍ରତି ଧ୍ୟାନ ଦେବାକୁ ପଡିବ, ଯେ ଲେମ୍ବୁର ଚୋପା ଯେମିତି ତେଲରେ ସମ୍ପୂର୍ଣ୍ଣ ଭାବରେ ବୁଡିକି ରହିବ ।
ୟୁକାଲିପଟାସର ପତ୍ରକୁ ଛୋଟ ଛୋଟ କାଟି ଏଥିରେ ମିଶାଇଦେବା । ଜାରର ମୁହଁକୁ ଭଲଭାବରେ ବନ୍ଦକରି ଏକ ଥଣ୍ଡା ଯାଗାରେ ଦୁଇ ସପ୍ତାହ ପର୍ଯ୍ୟନ୍ତ ରଖିଦେବା । ପ୍ରାୟତଃ ଦୁଇ ସପ୍ତାହ ପରେ ଏହାକୁ ଛାଣିଦେବା । ଏହି ତେଲକୁ ସପ୍ତାହରେ ପ୍ରାୟତଃ ତିନି ଥର ଯଦି ମାଲିସ କରିବା ତେବେ ଆଣ୍ଠୁଗଣ୍ଠି ଜନିତ ଯନ୍ତ୍ରଣାରୁ ମୁକ୍ତି ପାଇପାରିବା ।