ୟୁପିରେ ମୋଦି ସୁନାମୀ ! ଟାର୍ଗେଟରେ ଓଡିଶାର ସାଧାରଣ ନିର୍ବାଚନ
କନକ ବ୍ୟୁରୋ : ୟୁପି ଦଖଲ କରିବା ପରେ ଆଗକୁ ଅନ୍ୟ ରାଜ୍ୟଗୁଡ଼ିକରେ ମଧ୍ୟ ବିଜେପିର ବିଜୟ ବିଗୁଲ୍ ବଜାଇବାକୁ ମୋଦି ସ୍ୱତନ୍ତ୍ର ରଣନୀତି ସ୍ଥିର କରୁଥିବା ଅନୁମାନ କରାଯାଉଛି । ଏହି କ୍ରମରେ ପାଳି ପଡ଼ିଛି ଓଡ଼ିଶାର । ମୋଦି ୟୁପି କବଜା କରିବାପରେ ଆଗକୁ ତାଙ୍କ ଟାର୍ଗେଟରେ ଓଡ଼ିଶା ବୋଲି ଏବେ ଜୋର ଧରିଛି ଚର୍ଚ୍ଚା । ୟୁପି ଫଳାଫଳ ବିଜେଡ଼ି ପାଇଁ ଚିନ୍ତାର କାରଣ ପାଲଟିଥିବା ବେଳେ ପ୍ରତିକାର କଥା ଚିନ୍ତା କରିଛି ବିଜେଡ଼ି । କାରଣ ଗତ ପଂଚାୟତ ନିର୍ବାଚନରେ ଓଡିଶାରେ ବେଶ୍ ଭଲ ଭାବରେ କାମ କରିଛି ମୋଦି ମ୍ୟାଜିକ୍ ।
Kanak News is now on WhatsApp
Join and get latest news updates delivered to you via WhatsApp
ଓଡିଶାରେ ନବୀନ୍ ପଟ୍ଟନାୟକ ସରକାରଙ୍କୁ ଗତ ୧୭ ବର୍ଷ ହେଲା କୌଣସି ରାଜନୈତିକ ଦଳ ଟକ୍କର ଦେବାକୁ ସକ୍ଷମ ହୋଇ ନାହାଁନ୍ତି । ୧ଟଙ୍କିଆ ଚାଉଳ ହେଉ କିମ୍ବା ସ୍ୱଚ୍ଛ ଛବି ହେଉ, ୨୦୦୦, ୨୦୦୪, ୨୦୦୯, ୨୦୧୪ ନିର୍ବାଚନରେ ସଫଳତାର ସହ ଗୋଟି ଚଳାଇଛନ୍ତି ନବୀନ ।
ଓଡିଶାରେ ୟୁପିର ପ୍ରଭାବ ନେଇ ଚର୍ଚ୍ଚା ଚାଲିଥିବା ବେଳେ ୨୦୧୯କୁ ଆଉ ଦୁଇବର୍ଷ ରହିଲା । ଆଉ ୟୁପି ଫଳାଫଳ ଓଡିଶାର ରାଜନୈତିକ ପରିବେଶକୁ ଅଧିକ ଗରମ କରିବାର ଯଥେଷ୍ଟ ସମ୍ଭାବନା ରହିଛି ।