ଡ୍ୟୁଟି ସମୟରେ ମା’ର କର୍ତ୍ତବ୍ୟ କଲେ ଏହି ମହିଳା କନେଷ୍ଟବଳ ! ସୋସିଆଲ୍ ମିଡିଆରେ ଭାଇରାଲ୍ ହେଲା ଫଟୋ
ମା’ ଠାରୁ ବଡ଼ ଦୁନିଆରେ କୌଣସି ସଂପର୍କ ହୋଇନଥାଏ । ଯାହାର ଉଦାହରଣ ଆପଣ ଅଙ୍ଗେ ନିଭାଇବା ସହ ଅନେକ ସ୍ଥାନରେ ଦେଖିଥିବେ । ନିକଟରେ ଉତ୍ତରପ୍ରଦେଶର ଏଭଳି ଏକ ଉଦାହରଣ ସାମ୍ନାକୁ ଆସିଛି । ଉତ୍ତରପ୍ରଦେଶର ଗାଜିପୁରଠାରେ ଏଭଳି ଏକ ଫଟୋ ସାମ୍ନାକୁ ଆସିଛି ଯାହାକୁ ଦେଖି ଆପଣ ମଧ୍ୟ ଭାବୁକ ହୋଇ ଉଠିବେ ।
Kanak News is now on WhatsApp
Join and get latest news updates delivered to you via WhatsApp
ଗାଜିପୁର ଥାନାରେ ପୋଲିସ୍ କନେଷ୍ଟବଳ ଥିବା ସ୍ୱାତୀ ସିଂହ ଚୌହ୍ୱାନ ଡ୍ୟୁଟି ସମୟରେ ନିଜ ଛୁଆ ସହ ନଜର ଆସୁଛନ୍ତି । ସ୍ୱାତୀ ଲଖନଉଁର ନିରାଲ୍ ନଗର ସ୍ଥିତ ଏକ ସଭାଗାରର ଏକ କାର୍ଯ୍ୟକ୍ରମରେ ନିଜ କୁନିଝିଅ ସାଙ୍ଗରେ ଦେଖିବାକୁ ମିଳିଥିଲେ । ୟୁନିଫର୍ମ ପିନ୍ଧି ମା’ର କର୍ତ୍ତବ୍ୟ କରୁଥିବା ଏହି ମହିଳା କନେଷ୍ଟବଳଙ୍କୁ ଦେଖି ଯେ କେହିବି ଭାବୁକ ହୋଇଯାଇଥିଲେ । ସ୍ୱାତୀଙ୍କ ସ୍ୱାମୀ ଚେନ୍ନାଇରେ ଚାକିରୀ କରୁଥିବାବେଳେ ତାଙ୍କ ପରିବାରର ଏଭଳି କେହି ନାହନ୍ତି ଯାହାଙ୍କ ଭରସାରେ ସେ ଝିଅକୁ ଛାଡି ଆସିଥାନ୍ତେ ତେଣୁ ସେ ଝିଅକୁ ସାଙ୍ଗରେ ନେଇ ଆସିଥିଲେ । ତେବେ ୟୁପି ପୋଲିସ୍ ମଧ୍ୟ ସ୍ୱାତୀଙ୍କୁ ଡ୍ୟୁଟି ସମୟରେ ଝିଅକୁ ସାଙ୍ଗରେ ରଖିବା ପାଇଁ ଅନୁମତି ଦେଇଥିଲେ । ସ୍ୱାତୀଙ୍କୁ ଯେତେବେଳେ ଏନେଇ ପ୍ରଶ୍ନ କରାଗଲା ସେ କହିଥିଲେ ମୁଁ ଦୁଇଟି ଦାୟିତ୍ୱ କରୁଛି । ଗୋଟିଏ ସିପାହୀ ହୋଇ କର୍ମକ୍ଷେତ୍ରରେ ପ୍ରହରା ଦେଉଛି ଏବଂ ଆଉ ଗୋଟିଏ ମା’ ହୋଇ ନିଜ ଛୁଆ ପାଇଁ । ଏଭଳି ସ୍ଥିତିରେ ମା’ର ନିଜ ଛୁଆ ପାଇଁ ଥିବା ମମତା ଏବଂ ଜଣେ ପୋଲିସ୍ କର୍ମଚାରୀ ରୁପେ ନିଜର କାମ ମଧ୍ୟ ଦେଖାଯାଉଛି ।