ସନ୍ନି ଲିଓନି ଆମେରିକାରେ ପାଳନ କଲେ ଝିଅ ନିଶାର ଜନ୍ମଦିନ !
ସନ୍ନି ଲିଓନି ବିଗତ ବେଶ କିଛି ଦିନ ଧରି ନିଜର ଡାନ୍ସିଂ ନମ୍ବରକୁ ନେଇ ବେଶ ଚର୍ଚ୍ଚାରେ ଅଛନ୍ତି । କିନ୍ତୁ ବ୍ୟସ୍ତବହୁଳ ଜୀବନ ଭିତରୁ ଟିକିଏ ଦୂରେଇ ସନ୍ନି ଏବେ ପରିବାର ସହ ଛୁଟି କାଟୁଛନ୍ତି । ଏହି ଛୁଟିରେ ସେ ତାଙ୍କ ଝିଅର ଜନ୍ମଦିନ ପାଳନ କରିଛନ୍ତି । ସନ୍ନି ଆଜିକାଲି ଆମେରିକାରେ ଅଛନ୍ତି । ଆମେରିକାରେ ସେ ତାଙ୍କ ସ୍ୱାମୀଙ୍କ ସହ ଝିଅ ନିଶାଙ୍କ ଜନ୍ମଦିନ ପାଳନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ କିଛି ଦିନ ପୂର୍ବରୁ ସନ୍ନି ଲିଓନି ମହାରାଷ୍ଟ୍ରର ଲାତୁରରୁ ଏକ ଛୋଟ ଝିଅକୁ ପୋଷ୍ୟ ରୂପେ ଗ୍ରହଣ କରିଥିଲେ । ସେ ସମୟରେ ନିଶା ୨୧ ମାସର ଥିଲେ । ନିଶାଙ୍କୁ ପୋଷ୍ୟ ରୂପେ ଗ୍ରହଣ କରବା ପରେ ସନ୍ନି ସବୁବେଳେ ନିଶାଙ୍କ ସହ ପର୍ଯ୍ୟାପ୍ତ ସମୟ ବିତାଉଛନ୍ତି । କେବଳ ଏତିକି ନୁହେଁ ତାଙ୍କ ଛୋଟ ଓ ଖୁସି ପରିବାରର ଫଟୋ ମଧ୍ୟ ପ୍ରାୟ ସବୁବେଳେ ସେ ପୋଷ୍ଟ କରୁଛନ୍ତି । ଆମେରିକାରେ ଛୁଟି କଟାଇବାକୁ ଯାଇ ସେ ପ୍ରଥମେ ନିଶାର ଜନ୍ମଦିନ ବେଶ୍ ଧୁମଧାମରେ ପାଳନ କରିଥିଲେ । ପୋଷ୍ୟ ଗ୍ରହଣ ପରେ ନିଶାର ଏହା ପ୍ରଥମ ଜନ୍ମଦିନ, ଯାହା ସେ ତାଙ୍କ ମା’ବାପାଙ୍କ ସହ ପାଳନ କରିଛି ।
ଏକ ସାକ୍ଷାତକାରେ ସନ୍ନି କହିଛନ୍ତି ବହୁତ ସମୟ ଧରି ସେ ତାଙ୍କ ପରିବାକୁ ଜଣେ ନୂଆ ସଦସ୍ୟ ଦେବା ପାଇଁ ଚାହୁଁଥିଲେ । ତେବେ ନିଶାକୁ ପୋଷ୍ୟ ଗ୍ରହଣ କଲାପରେ ସେ ବହୁତ ଖୁସିଥବା କହିଛନ୍ତି । କେବଳ ସନ୍ନି ନୁହେଁ ତାଙ୍କ ସ୍ୱାମୀ ମଧ୍ୟ ନିଶାକୁ ଖୁସି ରଖିବା ପାଇଁ ସବୁବେଳ ଚେଷ୍ଟା କରୁଛନ୍ତି ବୋଲି ସେ କହିଛନ୍ତି । କିଛି ଦିନ ପୂର୍ବରୁ ରିଲିଜ ହୋଇଥିବା ସଞ୍ଜୟ ଦତ୍ତଙ୍କ ସିନେମା ‘ଭୂମି’ରେ ଏକ ଆଇଟମ ନମ୍ବରରେ ନଜର ଆସିଥିଲେ ସନ୍ନି । ଏହା ପୂର୍ବରୁ ସିନେମା ‘ବାଦଶାହୋ’ ରେ ଇମରାନ୍ ହାସମୀଙ୍କ ସହ ମଧ୍ୟ ଏକ ଆଇଟମ ଗୀତ କରିଥିଲେ ସନ୍ନି ।