ଏମିତି ପ୍ରେମକୁ ଶହେ ସଲାମ୍ ! ଭିନ୍ନକ୍ଷମ ବୋଲି ମେଡିକାଲରେ ଛାଡି ଚାଲିଗଲେ ସଂପର୍କୀୟ, ପରିବାର ପରିତ୍ୟକ୍ତା ଯୁବତୀଙ୍କୁ ଚିକିତ୍ସା କରାଇବା ସହ ବିବାହ କଲେ ଯୁବକ
ପ୍ରେମ । ଅଢେଇ ଅକ୍ଷର । ପ୍ରେମ ବୁଝେ ନାହିଁ ଧନି କି ଗରିବ । ପ୍ରେମ ମାନେନାହିିଁ କୌଣସି ବି ବନ୍ଧନ । ପ୍ରେମ ହେଉଛି ସ୍ୱାଶ୍ୱତ ଏବଂ ନିସ୍ୱାର୍ଥପରର ଏକ ପବିତ୍ର ଅନୁଭବର ବନ୍ଧନ । ଆଉ ଏହାକୁ ଯଥାର୍ଥ କରି ଦେଖାଇଛନ୍ତି ଜଣେ ଦଶମ ପାସ୍ ଯୁବକ । ଯିଏକି ନିଜର ଭିନ୍ନକ୍ଷମ ପ୍ରେମିକାକୁ ବିବାହ କରି ଅନ୍ୟ ପାଇଁ ସୃଷ୍ଟି କରିଛନ୍ତି ଉଦାହରଣ ।
Kanak News is now on WhatsApp
Join and get latest news updates delivered to you via WhatsApp
ହିସାରର ଜଣେ ଯୁବକ ଜଣେ ଯୁବତୀକୁ ପ୍ରେମ ବିବାହ କରି ସମସ୍ତ ପ୍ରେମୀ ଯୁଗଳଙ୍କ ପାଇଁ ମିଶାଲ ପାଲଟିଯାଇଛନ୍ତି । କାହିଁକି ନା, ଯୁବକଙ୍କର ହୃଦୟ ଯେପରି ନିର୍ମଳ ଥିଲା ତାଙ୍କ ପ୍ରେମ ବି ଥିଲା ସଚ୍ଚା । ଯଦିଓ ଯୁବକ ଜଣକ ଆର୍ଥିକ ଦୃଷ୍ଟିରୁ ବହୁତ ଗରିବ ଥିଲେ ହେଲେ ତାଙ୍କ ମନ ତଥା ହୃଦୟ ଥିଲା ବହୁତ ଧନୀ । ପ୍ରେମ ପାଇଁ ଘର ଲୋକଙ୍କ ବିରୋଧରେ ଯାଇ ନିଜର ଭିନ୍ନକ୍ଷମ ପ୍ରେମିକାର ହାତ ଧରିଥିଲେ ଆଉ ଅଗ୍ନିକୁ ସାକ୍ଷୀ ରଖି ସାତ ଜନମ ପାଇଁ ସାଥି ହୋଇ ରହିବାକୁ ଶପଥ ନେଇଥିଲେ ।
ହିସାରରେ ରହୁଥିବା ଅମିତ ନାମକ ଜଣେ ୨୫ ବର୍ଷିୟ ଯୁବକ, ୩୨ ବର୍ଷିୟ ଯୁବତୀ ରାନୁଙ୍କୁ କରିଛନ୍ତି ପ୍ରେମ ବିବାହ । ବଡ କଥା ହେଲା, ଅମିତ ପୂରାପୂରି ସୁସ୍ଥ ହୋଇଥିବା ବେଳେ ରାନୁ ଜଣେ ଭିନ୍ନକ୍ଷମ ମହିଳା । ଖାଲି ଏତିକି ନୁହେଁ, ରାନୁଙ୍କର ବୟସ ମଧ୍ୟ ଅମିତଙ୍କ ବୟସଠୁ ଢେରଗୁଣା ଅଧିକ । ଅର୍ଥାତ ଯୁବକ ଜଣକର ବୟସ ୨୫ ବର୍ଷ ହୋଇଥିବା ବେଳେ ଯୁବତୀଙ୍କର ବୟସ ହେଲା ୩୨ ବର୍ଷ ।
ଅମିତ ଦଶମ ପାସ୍ କରି ଓଲଣ୍ଡିଂ କାମ କରନ୍ତି । ଆଉ ରାନୁ ବିଏ ବିଏଡ ପାସ୍ । ଅମିତଙ୍କ କହିବାନୁସାରେ, ଦିନେ ସେ ଏକ ଘରୋଇ ମେଡିକାଲକୁ କାମ କରିବାକୁ ଯାଇଥିଲେ । ଏହି ସମୟରେ ରାନୁଙ୍କୁ କେହି ଜଣେ ମେଡିକାଲରେ ଭର୍ତ୍ତି କରି ଛାଡି ଚାଲିଯାଇଥିଲେ । ଯେତେବେଳେ ଅମିତଙ୍କୁ ଜଣାପଡିଥିଲା କି ରାନୁଙ୍କର ପରିବାର ଲୋକେ ତାଙ୍କୁ ଏଭଳି ଅବସ୍ଥାରେ ଛାଡି ଚାଲିଯାଇଛନ୍ତି, ଆଉ ସେ ଜଣେ ଅସହାୟ ମହିଳା ବୋଲି, ସେତେବେଳେ ଅମିତ ରାନୁଙ୍କର ପୂରା ଦେଖାଶୁଣା କରିଥିଲେ । ଆଉ ଏହାରି ଭିତରେ ହିଁ ଉଭୟଙ୍କ ଭିତରେ ପ୍ରେମ ସଂପର୍କ ଗଢିଉଠିଥିଲା ।
ମେଡିକାଲରୁ ଡିସର୍ଚାଜ ହେବା ପରେ ଋାନୁଙ୍କୁ ଅମିତ ନିଜ ଘରକୁ ନେଇଆସିଥିଲେ । ଏବଂ ଘର ଲୋକଙ୍କ ସହ ରାନୁଙ୍କୁ ପରିଚିତ କରିବା ସହିତ ଉଭୟଙ୍କ ପ୍ରେମ ସଂପର୍କ ବିଷୟରେ ବି ଅମିତ ନିଜ ଘର ଲୋକଙ୍କୁ ଜଣାଇଥିଲେ । ହେଲେ ଅମିତଙ୍କ ଘରଲୋକ ଏଥିରେ ରାଜି ହୋଇନଥିଲେ ଏବଂ ଅମିତଙ୍କୁ ରାନୁଙ୍କୁ ଛାଡିଦେବାକୁ ଚାପ ପକାଇଥିଲେ । କିନ୍ତୁ ଅମିତଙ୍କ ପ୍ରେମ ଥିଲା ନିସ୍ୱାର୍ଥପର । ସେ କୌଣସି ବି ପରିସ୍ଥିତିରେ ରାନୁଙ୍କର ହାତ ଛାଡିବାକୁ ଚାହୁଁନଥିଲେ ।ଶେଷରେ ସେ ପରିବାର ଲୋକଙ୍କ ବିରୋଧରେ ଯାଇ ରାନୁଙ୍କୁ ବିବାହ କରିଥିଲେ ଏବଂ ଘର ଛାଡି ଚାଲିଆସିଥିଲେ । ତେବେ ଅମିତଙ୍କୁ ଯେତେବେଳେ ରାନୁଙ୍କ ଅକ୍ଷମତା ବିଷୟରେ ପ୍ରଶ୍ନ କରାଯାଇଥିଲା ସେତେବେଳେ ସେ କହିଥିଲେ କି, ସେ ରାନୁଙ୍କୁ ହୃଦୟତାର ସହ ଭଲ ପାଉଛନ୍ତି ନା ହିଁ ରାନୁଙ୍କ ଶରୀରକୁ । ସତରେ ଅମିତଙ୍କର ଏହି ଦୁଇ ପଦ କଥା ହୃଦୟକୁ ଜିଣିନେଇଥିଲା ।