ବିମୁଦ୍ରାକରଣ ଯୋଗୁଁ ଦେଶରେ ବଢ଼ିଛି ବେକାରୀ: ବିମୁଦ୍ରାକରଣ ଏବଂ ଜିଏସଟିକୁ ବେକାରୀର ଦୁଇ ପ୍ରମୁଖ କାରଣ ଦର୍ଶାଇ ବିଜିନେସ୍ ଷ୍ଟାଣ୍ଡର୍ଡରେ ରିପୋର୍ଟ ପ୍ରକାଶ
ଏନଏସଏସଓ ରିପୋର୍ଟ ଲିକ୍ ପରେ ବେରୋଜକାରୀକୁ ନେଇ ଦେଶରେ ରାଜନୈତିକ ଝଡ
କନକ ବ୍ୟୁରୋ: ବେକାରି ହାର ବଢିବା ପାଇଁ ମୋଦି ସରକାରଙ୍କ ଦୁଇଟି ନିଷ୍ପତି ଦାୟୀ । ବିମୁଦ୍ରାକରଣ ଏବଂ ଜିଏସଟି । ଏହା ପାଖାପାଖି ୮.୯ ପ୍ରତିଶତ ବୋଲି ଏନଏସଏସଓର ସାପ୍ତାହିକ ଷ୍ଟାଟସ ରିପୋର୍ଟ ଅନୁସାରେ ଜଣାପଡିଛି । ଯାହାକି ଯଥେଷ୍ଟ ଅଧିକ । ବିଜନେସ ଷ୍ଟାଣ୍ଡାର୍ଡରେ ପ୍ରକାଶିତ ଦେଶରେ ବେକାରୀ ହାରକୁ ନେଇ ଏନଏସଏସଓର ରିପୋର୍ଟକୁ ନେଇ ନିତି ଆୟୋଗ ଅଧ୍ୟକ୍ଷ ରାଜୀବ କୁମାର କହିଛନ୍ତି ଏହା ଏକ ଡ୍ରାଫ୍ଟ ରିପୋର୍ଟ । ଏହାର ତଥ୍ୟକୁ ସଠିକ ଭାବେ ତର୍ଜମା କରାଯିବା ଦରକାର । ଅନ୍ୟପକ୍ଷରେ ବିନା ନିଯୁକ୍ତିରେ ଦେଶର ଅଭିବୃଦ୍ଧି ହାର ୭ ପ୍ରତିଶତ କିପରି ହେଲା ବୋଲି ସେ ପ୍ରଶ୍ନ ଉଠାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନଡିଏ ସରକାରର ବିମୁଦ୍ରାକରଣ ଏବଂ ଜିଏସଟି ଥିଲା ଏପରି ଦୁଇଟି ନିଷ୍ପତି ଯାହା କି ଦେଶରେ ବେକାରି ହାର ବୃଦ୍ଧି କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲା । ନିଯୁକ୍ତିର ହାର ଯଥେଷ୍ଟ କମ ରହିଥିଲା । ଏନଏସଏସଓର ସଦ୍ୟପ୍ରକାଶିତ ରିପୋର୍ଟରେ କୁହାଯାଇଥିଲା ବିଗତ ୪୫ ବର୍ଷ ଭିତରେ ଦେଶରେ ବେକାରୀ ହାର ଶୀର୍ଷ ସ୍ଥାନରେ ପହଂଚିଛି । ଏହା ୬.୧ ପ୍ରତିଶତ ବୋଲି କୁହାଯାଇଥିବା ବେଳେ ଏନଏସଏସଓର ବର୍ତମାନର ସାପ୍ତାହିକ ଷ୍ଟାଟସ ଅନୁସାରେ ୨୦୧୭-୧୮ରେ ବେକାରୀ ହାର ୮.୯ ପ୍ରତିଶତ ।
ଅନ୍ୟପକ୍ଷରେ ନିତି ଆୟୋଗ ଉପାଧ୍ୟକ୍ଷ ରାଜୀବ କୁମାର କହିଛନ୍ତି ଏନଏସଏସଓରଏହି ରିପୋର୍ଟ ଯାହାକି ୨୦୧୭-୧୮ରେ ସର୍ଭେ କରାଯାଇଛି, ଏକ ଡ୍ରାଫ୍ଟ ରିପୋର୍ଟ । ଏଥିରେ ଥିବା ପରିସଂଖ୍ୟାନକୁ ପରିସଖ୍ୟାନ ଏବଂ ଯୋଜନା ପ୍ରଣୟନ ମନ୍ତ୍ରାଳୟ ଦ୍ୱାରା ପୂର୍ବରୁ କରାଯାଇଥିବା ସର୍ଭେ ସହିତ ତୁଳନା କରାଯାଇପାରିବ ନାହିଁ । ଏନଏସଏସଓର ଏହି ରିପୋର୍ଟରେ ଦିଆଯାଇଥିବା ତଥ୍ୟକୁ ତର୍ଜମା କରିବା ନିହାତି ଦରକାର । ଗଣମାଧ୍ୟମରେ ଏହି ଡ୍ରାଫଟ ରିପୋର୍ଟକୁ ନେଇ ଦ୍ୱନ୍ଦ୍ୱ ତିଆରି ହୋଇଛି । କେନ୍ଦ୍ର ସରକାର ତଥ୍ୟ ପ୍ରକାଶ କରୁନାହାନ୍ତି ବୋଲି କହିବା ଠିକ ହେବ ନାହିଁ ବୋଲି କହିଛନ୍ତି ରାଜୀବ କୁମାର ।
ପରିସଂଖ୍ୟାନ ଏବଂ ଯୋଜନା ପ୍ରଣୟନ ମନ୍ତ୍ରାଳୟ ପକ୍ଷରୁ କରାଯାଇଥିବା ଏହି ରିପୋର୍ଟର ତଥ୍ୟ ଅନୁସାରେ ଭାରତରେ ବେକାରୀ ଅବିବୃଦ୍ଧି ହାର ୬.୧%କୁ ବୃଦ୍ଧି ଯାଇଛି, ଯାହା ୪୫ବର୍ଷ ଭିତରେ ସବୁଠୁ ଅଧିକ ।