କନକ ବ୍ୟୁରୋ : ଶାନ୍ତି ରକ୍ଷା ଦିଗରେ ଗତ ୭୦ବର୍ଷ ମଧ୍ୟରେ ସବୁଠୁ ଅଧିକ ସୁରକ୍ଷାକର୍ମୀଙ୍କୁ ହରାଇଛି ଭାରତ । ମିଳିତ ଜାତିସଂଘ ପକ୍ଷରୁ ପ୍ରକାଶିତ ରିପୋର୍ଟରେ ଏହା କୁହାଯାଇଛି । ରିପୋର୍ଟ ଅନୁଯାୟୀ ୧୯୪୮ ମସିହାରୁ ୩ହଜାର ୭୩୭ ଜଣ ଶାନ୍ତି ବାହିନୀ ବା ଶାନ୍ତି ଯବାନ ପ୍ରାଣ ହରାଇଛନ୍ତି । ଏମାନଙ୍କ ମଧ୍ୟରେ ଅଛନ୍ତି ୧୬୩ଜଣ ଭାରତୀୟ ଯବାନ ।
Kanak News is now on WhatsApp
Join and get latest news updates delivered to you via WhatsApp
ଆର୍ନ୍ତଜାତିୟ ଶାନ୍ତି ରକ୍ଷା ପାଇଁ କର୍ତବ୍ୟ କରିବାକୁ ଯାଇ ନିଜ ଜୀବନ ଉତ୍ସର୍ଗ କରିଛନ୍ତି ଏହି ବୀର ଭାରତୀୟ ଯବାନ । ମିଳିତ ଜାତିସଂଘରେ ଭାରତର ଶାନ୍ତି ବାହିନୀ ତୃତୀୟ ବୃହତମ । ୟୁଏନ ପକ୍ଷରୁ ୬ହଜାର ୬୯୩ ଭାରତୀୟ ଯବାନ ବର୍ତମାନ ଆବେଇ,ସାଇପ୍ରସ, କୋଙ୍ଗୋ,ହାଇତି, ଲେବାନନ, ସାଉଥ୍ ସୁଦାନରେ ନିୟୋଜିତ ଅଛନ୍ତି ।ଚଳିତ ବର୍ଷ ମିଳିତ ଜାତିସଂଘ ତାର ୭୦ତମ ଶାନ୍ତିବାହିନୀ ପ୍ରତିଷ୍ଠା ଉତ୍ସବ ପାଳନ କରୁଛି ।