ପାକିସ୍ତାନୀ ଷଡଯନ୍ତ୍ରର ପର୍ଦ୍ଦାଫାଶ : ଜମ୍ମୁକଶ୍ମୀର ମାନବାଧିକାର ଉଲ୍ଲଙ୍ଘନ କରୁଛି ବୋଲି ମିଳିତ ଜାତିସଂଘରେ ଉପସ୍ଥାପନ ହୋଇଥିବା ରିପୋର୍ଟ ପଛରେ ଥିଲା ପଡ଼ୋଶୀ ଦେଶର ହାତ
କନକ ବ୍ୟୁରୋ : ଜମ୍ମୁକଶ୍ମୀରକୁ ନେଇ ମିଳିତ ଜାତିସଂଘ ଦେଇଥିବା ରିପୋର୍ଟକଭ ନେଇ ବେଶ ଚର୍ଚ୍ଚା ହୋଇଥିଲା । ଏବେ ଏହି ରିପୋର୍ଟ ସମ୍ପର୍କିତ ଆଉ ଏକ ତଥ୍ୟ ପଦାକୁ ଆସିଛି । ଏପରି ରିପୋର୍ଟ ପ୍ରକାଶ କରିବା ପଛରେ ପାକିସ୍ତାନର ହାତ ଥିବା ସ୍ପଷ୍ଟ ହୋଇଛି । କାନାଡାରେ ରହୁଥିବା ପାକିସ୍ତାନୀ ଇସଲାମିଷ୍ଟ ଜଫର ବଙ୍ଗାସ କହିଛନ୍ତି ଯେ, ଯେଉଁ ବ୍ୟକ୍ତି ଏହି ରିପୋର୍ଟ ପ୍ରସ୍ତୁତ କରିଛନ୍ତି ସେ ଲଗାତର ଭାବେ ତାଙ୍କ ସହ ସମ୍ପର୍କରେ ରହିଥିଲେ । ଏଥିରୁ ସ୍ପଷ୍ଟ ହେଉଛି ଯେ, କଶ୍ମୀରରେ ସେନା ବିରାଧରେ ପ୍ରସ୍ତୁତ କରାଯାଇଥିବା ଏହି ରିପୋର୍ଟରେ ପାକିସ୍ତାନର ଏଜେଣ୍ଡା ରହିଛି । ଜଫର ବଙ୍ଗାସ ଜଣେ ଇସଲାମିକ ସାମ୍ବାଦିକ ଓ ମସଜିଦରେ ଇମାମ ଭାବେ ମଧ୍ୟ କାର୍ଯ୍ୟ କରନ୍ତି ।
Kanak News is now on WhatsApp
Join and get latest news updates delivered to you via WhatsApp
କଶ୍ମୀର ପ୍ରସଙ୍ଗରେ ବକ୍ତବ୍ୟ ରଖୁଥିବା ସମୟରେ ସେ କହିଛନ୍ତି ଯେ, ମିଳିତ ଜାତିସଂଘ ମାନାବାଧିକାର ହାଇକମିଶନର ଜାୟଦ ବିନ୍ ରାଡ ଅଲ ହୁସେନ ଏହି ରିପୋର୍ଟ ପ୍ରସ୍ତୁତ କରୁଥିବା ସମୟରେ ତାଙ୍କ ସହ ସର୍ମ୍ପକରେ ଥିଲେ । ଏହି ରିପୋର୍ଟ ପ୍ରସ୍ତୁତ କରୁଥିବା ସମୟରେ କଶ୍ମୀରର ଅନ୍ୟ କିଛି ସାଥି ମଧ୍ୟ ଥିଲେ ଏବଂ ଫୋନ୍ ଓ ଇମେଲ୍ ଯୋଗେ ସେ ସମ୍ପର୍କରେ ଥିଲେ ବୋଲି କହିଛନ୍ତି । ସେ ଆହୁରୀ ମଧ୍ୟ କହିଛନ୍ତି ଯେ,ପାକିସ୍ତାନ ବିଦେଶ ମନ୍ତ୍ରାଳୟ ସେ ଆଲୋଚନା କରିଛନ୍ତି ଏବଂ ମାନବାଧିକାର ହାଇକମିଶନର ଓ ତାଙ୍କ ପ୍ରତିନିଧି ପାକିସ୍ତାନ ଓ ଆଜାଦ୍ କଶ୍ମୀର ଯିବେ ଯେଉଁଠାରେ ତାଙ୍କୁ ସମ୍ମାନିତ କରାଯିବ ।
ସୂଚନାଯୋଗ୍ୟ ଜମ୍ମୁକଶ୍ମୀର ମାନବାଧିକାର ଉଲ୍ଲଙ୍ଘନ ନେଇ ମିଳିତ ଜାତିସଂଘ ଦେଇଥିବା ରିପୋର୍ଟକୁ ଖଣ୍ଡନ କରିଥିଲା ଭାରତ । ଏହି ରିପୋର୍ଟକୁ ଭ୍ରମାତ୍ମକ ବୋଲି କହି ଏହାକୁ ଅସ୍ୱୀକାର କରିଥିଲା ନୂଆଦିଲ୍ଲୀ । କଶ୍ମୀରର ସ୍ଥିତି ନେଇ ରିପୋର୍ଟ ଜାରି କରିଥିଲା ମିଳିତ ଜାତିସଂଘ । ଯେଉଁଥିରେ ଜମ୍ମୁକଶ୍ମୀର ଓ ପାକିସ୍ତନ ଅଧିକୃତ କଶ୍ମୀରରେ ମାନବାଧିକାର ଉଲ୍ଲଙ୍ଘନ କରାଯାଉଥିବା ନେଇ ଉଲ୍ଲେଖ ରହିଥିଲା । କେବଳ ଏତିକି ନୁହେଁ ଏହାସହ ଏହି ଘଟଣାର ଅର୍ନ୍ତଜାତୀୟ ସ୍ତରରେ ଯାଂଚ କରିବା ପାଇଁ ଦାବି କରିଥିଲା ମିଳିତ ଜାତିସଂଘ ।
କଶ୍ମୀରରେ ମାନବାଧିକାର ଉଲ୍ଲଙ୍ଘନ ହେଉଥିବା ନେଇ ରିପୋର୍ଟରେ ଉଲ୍ଲେଖ କରାଯାଇଛି ଯେ, କଶ୍ମୀରରେ ରାଜନୈତିକ ସମାଧାନ ପାଇଁ ଦିଆଯାଉଥିବା ପ୍ରସ୍ତାବରେ ସେଠାରେ ହିଂସା ବନ୍ଦ କରିବା ସମ୍ପର୍କରେ ଉଲ୍ଲେଖ ରହିବା କଥା । ଭାରତୀୟ ସେନା ଦ୍ୱାରା ନିପାତ ହୋଇଥିବା ହିଜବୁଲ ଆତଙ୍କବାଦୀ ବୁରହାନ ୱାନୀ ସମ୍ପର୍କରେ ମଧ୍ୟ ରିପୋର୍ଟରେ ଉଲ୍ଲେଖ ରହିଥିଲା । କଶ୍ମୀରରେ ସାଧାରଣ ନାଗରିକଙ୍କ ଅପହରଣ, ହତ୍ୟା ଓ ଯୌନ ନିର୍ଯାତନା ପରି ମାନବାଧିକାର ଉଲ୍ଲଙ୍ଘନ ଘଟଣା ଜାରି ରହିଛି ବୋଲି ରିପୋର୍ଟରେ ଉଲ୍ଲେଖ ରହିଥିଲା ।