ମହିଳାଙ୍କୁ ୩୩% ସ୍ଥାନ ସଂରକ୍ଷଣ ପ୍ରସଙ୍ଗ: ମୁଖ୍ୟମନ୍ତ୍ରୀଙ୍କୁ ଜାତିସଂଘର ପ୍ରଶଂସା, କହିଲେ ଏଭିଳି ଉଦ୍ୟମ ମହିଳା ସଂରକ୍ଷଣ ଦାବିକୁ ପୁନର୍ଜୀବିତ କରିବ
କନକ ବ୍ୟୁରୋ: ଲୋକସଭା ଓ ବିଧାନସଭାରେ ୩୩ ପ୍ରତିଶତ ମହିଳା ସଂରକ୍ଷଣ ନେଇ ମୁଖ୍ୟମନ୍ତ୍ରୀଙ୍କ ଉଦ୍ୟମକୁ ଜାତିସଂଘର ଲିଙ୍ଗଗତ ସମାନତା ଓ ମହିଳା ସଶକ୍ତିକରଣ ସଂସ୍ଥା ପ୍ରଂଶସା କରିଛି । ଏ ନେଇ ଭାରତରେ ଅବସ୍ଥାପିତ ଜାତିସଂଘ ଉପମୁଖ୍ୟ ପ୍ରତିନିଧି ମୁଖ୍ୟମନ୍ତ୍ରୀଙ୍କୁ ପ୍ରଂଶସା ପତ୍ର ଲେଖି ଖୁସି ବ୍ୟକ୍ତ କରିବା ସହ ଏଭଳି ଉଦ୍ୟମ ଜାତୀୟ ସ୍ତରରେ ପୁଣି ଥରେ ମହିଳା ସଂରକ୍ଷଣ ଦାବିକୁ ପୁନଃଜୀବିତ କରିବ ବୋଲି ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
United Nations Entity for Gender Equality & Empowerment of Women (UN Women) in a letter to Odisha CM Naveen Patnaik: We are pleased that the Government of Odisha has showcased leadership by proposing 33% reservation for women in Parliament & the Assemblies on 20 November, 2018. pic.twitter.com/ZVsa16OIz5
— ANI (@ANI) February 24, 2019
ପତ୍ରରେ ଲେଖାଯାଇଛି, ମହିଳାଙ୍କୁ ସଂରକ୍ଷଣ ଦେବା ନେଇ ଓଡିଶା ସରକାରଙ୍କ ପ୍ରତିଶ୍ରୃତି ବଦ୍ଧତା ପ୍ରଥମ ଥର ପାଇଁ ଏକ ବଳିଷ୍ଠ ନେତୃତ୍ୱର ପରିଚୟ ଦେଇଛି । ଏଭଳି ଉଦ୍ୟମ ମହିଳା ସଂରକ୍ଷଣ ପ୍ରସଙ୍ଗରେ ବେଶ ସହାୟକ ହେବ । ମୁଖ୍ୟମନ୍ତ୍ରୀଙ୍କ ଏଭଳି ଉଦ୍ୟମକୁ ଜାତିସଂଘ ସମର୍ଥନ କରୁଛି । ଆର୍ଥିକ ଓ ସାମାଜିକ କ୍ଷେତ୍ରରେ ନିରନ୍ତର ବିକାଶ ସେତିକିବେଳେ ସମ୍ଭବ ହୋଇପାରିବ ଯଦି ଦେଶର ସମୁଦାୟ ଜନସଂଖ୍ୟାର ଅର୍ଧାଧିକ ଲୋକଙ୍କୁ ପ୍ରତିନିଧିତ୍ୱ କରୁଥିବା ମହିଳାଙ୍କୁ ବିଧାନସଭା ଓ ଲୋକସଭାରେ ସଦସ୍ୟ ହେବା ପାଇଁ ସୁଯୋଗ ମିଳିବ ।
ଚିଠିରେ ଆହୁରି ଦର୍ଶାଯାଇଛି, ନୀତି ନିର୍ଦ୍ଧାରଣରେ ମହିଳାଙ୍କୁ ସମାନ ଭାଗିଦାରୀ କରିବାକୁ ସୁଯୋଗ ସୃଷ୍ଟି କଲେ ସମାଜରେ ଏକ ପରିବର୍ତ୍ତନ ଆସିବା ସହ ବାସ୍ତବ ବିକାଶ ସମ୍ଭବ ହୋଇପାରିବ ଆଉ ଏପରି ଉଦ୍ୟମକୁ ଜାତିସଂଘ ମହିଳା ସଂଗଠନ ପୂର୍ଣ୍ଣ ମାତ୍ରାରେ ସମର୍ଥନ କରିଆସିଛି। ସାମାଜିକ ସ୍ତରରେ ଲିଙ୍ଗଗତ ବୈଷମ୍ୟର ଶିକାର ହେଉଥିବା ମହିଳାମାନଙ୍କ ପାଇଁ ଜାତିସଂଘ ମହିଳା ସଂଗଠନ ଅନେକ ସଚେତନତା ଓ ସଶକ୍ତିକରଣ କାର୍ୟ୍ୟକ୍ରମ କରିଆସୁଛି। ପାଖାପାଖି ଏକ ଦଶନ୍ଧି ଧରି ଜାତିସଂଘ ମହିଳା ସଂଗଠନ ଓଡ଼ିଶା ସରକାରଙ୍କ ସହଯୋଗରେ ରାଜ୍ୟରେ ଲିଙ୍ଗଗତ ବୈଷମ୍ୟ ଦୂର କରିବାକୁ କାର୍ଯ୍ୟ କରୁଛି। ଆଗକୁ ମଧ୍ୟ ରାଜ୍ୟ ସରକାରଙ୍କ ପଞ୍ଚାୟତି ରାଜ ବିଭାଗ ସହିତ ମିଳିତ ଭାବେ ଜାତିସଂଘ ମହିଳା ସଂଗଠନ ମହିଳା ସଶକ୍ତିକରଣ ନେଇ କାର୍ୟ୍ୟ କରିବାକୁ ଆଗ୍ରହୀ ଥିବା ମୁଖ୍ୟମନ୍ତ୍ରୀଙ୍କୁ ଚିଠିରେ ଅନୁରୋଧ କରି ଜାତିସଂଘ ଉପମୁଖ୍ୟ ପ୍ରତିନଧି ଜଣାଇଛନ୍ତି।